Fara í efni

ÞEKKIÐ EKKERT!

Hr Ráðherra Ögmundur Jónasson.
Offari er orð sem kemur upp í huga manns þegar hlustað er á yfirlýsingar þínar og samráðherra þinna í hvert sinn sem hörmungaratburðir eiga sér stað í Ísrael. Það er eins og að þið séuð fulltrúar hryðjuverkasamtakanna Hamas sem síðast í dag drápu sex saklausa úr eigin hóp án dóms og laga. Það er einnig eins og að þið þekkið ekkert til þess hversvegna Israel víkkaði út landamæri sín eða hversvegna þrengt var að íbúum vesturbakkans. Að halda að Hamas sé lýðræðislega kjörið er þvílíkur barnaskapur að það er með ólíkindum, þetta eru hryðjuverkasamtök sem hafa að markmiði útrýmingu Ísrael,USA og allra þeirra sem ekki aðhyllast trúarkenningar kóransins. Ef þú fylgdist með því hvað er að gerast vítt um veröld gegn kristnum af hálfu múslima þá myndir þú eftilvill skilja betur hvað gyðingaþjóðin er að fást við.Ég óska þér þess eins að skilningur þinn vakni. Að ætla að slíta stjórnmálasambandi við Ísrael er fáránlegt og við erum ekki öll sammála því. Einnig vil ég segja að það er ekki við hæfi að Íslenskir ráðherrar séu félagar í jafn fasískum samtökum og Ísland Palestína eru. Hve oft hefur sannleikanum ekki verið hagrætt af þeirra hálfu. Hvaða yfirlýsingu fáum við frá þér varðandi morðin á þessum sex mönnum.
Sigþór Guðmundsson