Fara í efni

EKKI MEIRA RJÓMALAP!

Sæll Ögmundur.
Aðlögun Íslands að ESB er nú komin á fulla ferð og áróðursskrifstofur með agenta fjármagnaðar af Alríkis-skrifstofu EUSSR. 270 milljónir króna streyma nú til skrifstofu Landstengiliðs til að annast samræmingu, stjórn og eftirlit með framkvæmd IPA-aðlögunar (kölluð aðstoð af áróðursbatteríinu).
240 milljónir króna streyma nú til þýðenda Brussel-biblíunnar og til stofnunar nýrrar námsbrautar fyrir ráðstefnutúlka við Há(ð)skóla Íslands (en sá skóli sekkur dýpra og dýpra í lágkúru þeirra sem sponsorera þar æ fleiri námsbrautir).
132 milljónir króna streyma nú til Hagstofunnar til að aðlaga þjóðhagsreikninga að skapi EUSSR. Það verður vafalaust að skapi Steingríms, formanns þíns, að fiffa bókhaldið til.
Og nú ætlar sjálf Stækkunardeild Evrópusambandsins að leggja í áróðursherferð um landið og hefjast handa á Akureyri, nú á miðvikudaginn 29. febrúar. Það er hin alræmda Evrópustofa, nágranni flokks-skrifstofu ykkar Steingríms, formanns þíns, við Suðurgötuna, sem annast undirbúning og boðun fundarins fyrir Stækkunardeildina en hún ætlar að verja um 120 milljónum króna til þess að kynna ESB á Íslandi í ár og einnig aðrar 120 milljónir á næsta ári, með rað-funda-röðum um land allt.
Og þér til gleði, væntanlega, þá get ég upplýst þig um það að hrun-ráðherrann Össur Skarphéðinsson utanríkisráðherra fagnar þessu framtaki Stækkunardeildarinnar mjög. Enda situr hann í ríkisstjórn Jóhönnu Sigurðardóttur, hrun-ráðherra, og vill fela sinn skít og allan sinn þátt í hruninu, með því að boða fagnaðarerindi hinna síðari tíma heilögu.
En það sem mér finnst dapurlegast við þetta allt, er að þú, Ögmundur Jónasson gerir allt sem í þínu valdi stendur til að verja þetta hruna-pakk falli. Þjóðin hefur aldrei beðið um eða kosið um aðildarviðræður við ESB og alls ekki beðið um þá aðlögun, sem nú er á þína ábyrgð. Það þykir mér dapurlegt fyrir mann sem segist vera "maður hins opna og virka lýðræðis".
Hvenær ætlar þú að horfast í augu við þá nöpru staðreynd, að þú og Guðfríður Lilja og Jón Bjarnason hangið á sama roðinu, til aðlögunar? Og það þrátt fyrir að þingið er uppfullt af mútuþegum, sem þú virðist helst hugsa um að fái að sitja sem lengst. Treystir þú ekki þjóðinni Ögmundur? Þeirri þjóð sem í tvígang hafnaði Icesave valdakúgun gjörspilltrar stjórnmálastéttar 4-flokksins? Er ekki mál til komið að þú höggvir á Gordíons-hnútinn og sprengir þetta helferðarhræ, sem ríkistjórn Jóhönnu og Össur hruna-ráðherra er? Sem Steingríms Icesave rað-runu-þing-nauðgara er? Eða ert þú orðinn að rjóma-lepjandi heimilisketti Steingríms á bak við tjöldin? Nei, fjandakornið! Nú sprengirðu af þér þessa aðlögunarfjötra og þar með þessa einstefnu helferðarstjórn og gerist sannur og heiðvirður villiköttur Ögmundur minn. Ekkert aðlagað rjómalap lengur drengur minn.
Gapandiundrandi