AFTURHALDS-SEGGUR SPURÐUR ÚTÚR

6 spurningar þér, ÖJ, til umhugsunar: 1) Ert þú varðhundur ríkis-valdsins ? 2) Ert þú nómenklatúru kommi ? 3) Ert þú minn hræsnisfulli bróðir ? 4) Ert þú íklæddur kross-brynju bírókrata ? 5) Ert þú vonbrigði okkar nóboddíanna ? (innskot-þá ert þú af ætt stalínista) 6) Ert þú sá sem kemur alltaf með messuklæðin, heilagur á svip ... og vottar þá fyrir daufu aumingja-gæsk-brosi ... til að ljá þannig skítverkum Skjaldborgar-stjórnarinnar tungulipran trúverðugleik ???? 7) Mín sjöunda og því mikilvægasta spurning: Í hvers og í hverra þágu ert þú að vinna Ögmundur Jónasson ???? Þú ert ráðherra, fjandinn hafi það; hættu því loðmullu og loðinmælgi þinni ... mér er alvara, að ég mun brátt úthrópa þig sem minn al-versta bróður: Krabbann sem fer alltaf út á hlið og enginn veit hvar felur sig í værukærð sinni og skítlegum spunaleikjum. En þannig akta þeir oft sem notfæra sér ríkis-kerfið til að sýna mátt sinn og megin, hvað varðar það sem hentar þeim og hagsmuni ríkis varðhunda þeirra og forðast að sjá eymd þeirra sem standa utangarðs og mega kannski, ef þeir smjaðra nóg, lepja dauðann úr skel þeirra, sem þeir þó borga fyrir að lokum. Þannig er fyrir þér komið bróðir sæll. Handrukkari AGS og bankstera skeljanna. Einu sinni varstu sambland af líberalista, sósíalista og anarkista (Noam Chomski kallar það anarco-socialist) ... en hvað nú ... ... þú ert sá hræðist lýðræði og kosningar. Fastur í nauðhyggju að þá komi eitthvað "annað verra" ... hvernig samræmist annars þessi nauðhyggja þín lýðræði og því að treyst ekki fólki til kosninga, þegar núv. stjórn lafir á lygunum einum? Þú ert orðinn afturhaldsseggur ... fyrirgefðu mér Ögmundur, en ég meina það.
Nóboddínn í öskustó ríkis-banksteranna

Þú spyrð og ég svara neitandi. En það skiptir litlu því þú hefur tekið þér dómsvaldið um minn innri mann. Það er því þitt að dæma og svara. Það hefur þú gert.
Kv. Ögmundur

Fréttabréf