Fara í efni

ÞIÐ HAFIÐ BRUGÐIST!

Blessaður Ögmundur.
Þvi miður verð ég að segja að vonbrigði mín með störf ykkar Vinstri Grænna og Samfylkingar eru gríðarleg. Ég studdi það að skipt yrði út hér í vor en þið hafið ekki staðið ykkur sem skyldi. Það er mín skoðun að þið hafið svikið þjóð ykkar, logið ykkur inn á þing og til þess að átta ykkur á þvi hvað ég er að fara þurfið þið ekki annað en að hlusta á upptökur frá kosningabaráttunni í vor, og lesa birtar greinar í öllum blöðum. Þið hafið algjörlega brugðist heimilunum í landinu og geri ég fastlega ráð fyrir þvi að sá dagur muni koma að þið munið gjalda fyrir það dýru verði.
Þið kallið ykkur velferðar stjórn en hvaða velferðarstjórn gerir þegnum sínum ókeift af lifa ? hvaða velferðarstjórn gerir börnum þessa samfélags það að geta ekki nærst eðlilega, hafa ekki efni á mat í skólum og geta ekki tekið þátt í félagslífi? hvaða velferðarstjórn hefur ákveðið að þeir sem ekki hafa aur milli handanna geta ekki sótt rétt sinn fyrir dómi? hvaða velferðarstjórn er það sem leggur álögur á rafmagn og hita ofan á allt annað sem hefur verið lagt á heimilin með þeim afleiðingum, ( ég fullyrði að það mun koma ) að fólk geti ekki hitað upp húsin sín eða haft rafmagn. Þið eruð engin velferðar stjórn þið eruð samansafn eiginhagsmuna sinna sem vinna fyrir þá sem fjármagna flokkana ykkar.
Steinar Immanúel Sörensson