LÁTUM EKKI GERA OKKUR AÐ FÍFLUM!!!

Með Sjálfstæðisflokkinn við stjórn undanfarin 20 ár með hjálparflokkum sýnum, var gengið í EES, sem gerði einkavinavæðinguna mögulega sem gerði þjófum og ómennunum mögulegt að stela öllu steini léttara. Seðlabankinn dældi fé í einkabankana eftirlitslaust og stjórnlaust, og gerði þjóðina jafnvel ábyrga fyrir svalli og prettum einkabankanna, sem er hreint furðulegt og ófyrirgefanlegt!
Fjárglæfrafólkið eignaðist villur, einkaþotur og falda illafengna sjóði, meðal annars í karabískum sjónræningjabælum með aðstoð svokallaðra banka!  Efnahagur vor Íslendinga hrundi svo alvarlega að við verðum öreiga með slíkan óhróður og skuldabagga á bakinu að það tekur næstu kynslóðir niðja vorra að burðast undir honum!
Við höfum ekki einungis orðið gjaldþrota af völdum Sjálfstæðisflokksins og hjálparflokka hans. Við stjórn þeirra hafa meiri þjóðfélagsglæpir ásamt alþjóðaglæpum, fengið að þróast á Íslandi en fólk getur ímyndað sér; þar með fíknilyfjaneysla og fíknilyfjaframleiðsla, ofbeldi, barnaníð, hórdómur, líkamsárásir og þjófnaður, já jafnvel morð!  Hér er um að ræða stórmál, fyllilega ávið hrun fjárhagsins, nokkuð sem mun gera okkur enn erfiðara að rétta úr kútnum og greiða "skuldir" okkar! Hin fagra höfuðborg vor Reykjavík, er jafnvel orðin alræmd sukkborg norðursins, og er auglýst sem slík á rósamáli af ferða þjónustunni erlendis.  Þetta er allt sárgrætilegt og mun elta þjóðina lengi!  Siðferðishruninu af völdum stjórnar Sjálfstæðisflokksins og hjálparflokka hans er síðan haldið við af glæpahvetjandi dómstólum með dómurum skipuðum í tíð Sjálfstæðisflokksins og hjálparflokka hans!
Nú segja pólitíkusar Sjálfstæðisflokksins að þeir lofi að gera þetta ekki aftur, þeir ætli að vera heiðarlegir og gæta hagsmuna allrar þjóðarinnar, ekki bara einkavina sinna!
Þegar maður heyrir þessa hræsni, þá dettur manni í huga að þetta falska fólk haldi að íslenskir kjósendur séu hálfvitar upp til hópa. Pólitíkusar Sjálfstæðisflokksins gráta nú auðvaldshyggjuna og einkamarkaðshyggjuna og aðgang sinn að pólitísku jötunum, sem búið er að loka.  Eins og við forðum Sjálfstæðismenn vitum, þá höfum við verið svikin, ekki af þeim sem við töldum andstæðinga vora, heldur  af glæpaklíkum Sjálfstæðisflokksins sjálfs!  Þessi ósómi hefur eyðilagt flokkinn sem í byrjun gaf þjóðinni von um sjálfstæði og bjarta framtíð, en er nú ekkert orðið nema sitt fagra nafn "Sjálfstæðisflokkur" sem er orðið því miður, algjört öfugmæli!
Það eru ekki margir sem hafa gengið eins langt í svikum gagnvart íslensku þjóðinini - svikið hana og rænt hana sjálfstæði sínu og svert mannorð hennar, eins og núverandi úrkynja, sjálfsþjónandi pólitíska áhöfn flokksins, sem kallar sig öfugmælinu "Sjálfstæðisflokkur!!!! 
Ég vona að heilbrigðir og sannir Íslendingar kjósi allt annað en Sjálfstæðisflokkinn í komandi kosningum, ef ekki er geð til þess, þá að kjósa ekkert!
Kveðja,
Úlfur

Fréttabréf