AÐ HRUNI KOMINN Febrúar 2009

HVAÐA STJÓRNARSKRÁ GILDIR FYRIR MIG?

Ég á kunningja, sem fór út til Íslands í haust sem leið. Hann býr ekki langt frá mér, er Dani og heitir Hans-Olav Petersen. Hann fór til Íslands til að vinna í fiski og hann er EES borgari. Þetta færði honum öll sömu réttindi á Íslandi og frænda mínum voru tryggð, honum Sigurði, sem líka vann í fiski. Þetta er EES og hin frjálsa för vinnuaflsins. Svo kom útlendingur og var ráðin til Seðlabanka og þá fóru sjallarnir af stað og Sigurður Líndal og sögðu...
Ólína

Lesa meira

ÞAÐ ER VERIÐ AÐ ELTA RANGAN MANN

...Það eru ábyggilega margir, sem undanfarna mánuði hafa starað út í fjarskann, svipbrigðalausir, og hugsanlega látið pólitíska andstöðu við Davíð Oddsson hér áður og fyrr, lita afstöðu sína til mannsins sem nú er formaður bankastjórnar Seðlabanka og ekki viljað sjá það sem er að gerast.
Í viðtali í Sjónvarpinu í október talaði þessi formaður bankastjórnar Seðlabanka afskaplega skýrt. Hann sagði í stuttu máli, að íslensk þjóð gæti ekki og ætti ekki að greiða niður skuldir óreiðumanna. Kvöldið áður hafði ráðherra í ríkisstjórninni sagt efnislega það sama í samtali við fréttamann ársins á mbl.is. Ummæli formannsins hafa svo verið fest í minni þjóðar, sem megin ástæðan fyrir því að bresk stjórnvöld létu til skarar skríða gegn íslenska bankakerfinu, íslensku stjórnkerfi, en auðvitað fyrst og fremst gegn þeim sem kallaðir voru óreiðumenn.
Síðan hefur ...
Helgi

Lesa meira

KOMUM ÍSLANDI AF STRANDSTAÐ

...Er ekki komin tími fyrir flokka-póitíkusa að endurskoða í hvað orka þeirra fer? Þeir eru á launum ekki satt? Hjá landi og Þjóð. Er þetta uppbyggileg orka eða niðurrífandi orka. Ég upplifi þetta allt mjög neikvætt og niðurrífandi. Hvernig væri að allir flokkar kæmu sér saman um að koma Íslandi af strandstað í stað þess að vera endalaust með tittlingaskít og móðgast svo yfir öllu og öllu, sem hinn og þessi sagði eða bloggaði um?...
Hrönn

Lesa meira

EIRÍKUR SENDIR FRÁ SÉR FRÉTTA-TILKYNNINGU

...Auðvitað þarf að gera pólitískt upp við stjórnmálastefnu Davíðs Oddssonar í kosningum og það má sjálfsagt færa rök fyrir að hann njóti ekki traust viðskiptafræðinga sem sumir hverjir bera ábyrgð á bankahruninu og hafa borið hann út gagnvart erlendum fjölmiðlum, en Davíð hefur þó frá í október verið hreinskilnari um stöðu efnahagsmála en flestir aðrir. Hvernig væri að spila aftur við hann viðtalið frá í október? Ætli það sé ekki það vitlegasta sem sagt hefur verið um hvernig við komumst út úr kreppunni? Nú er ...
Ólína

Lesa meira

VERKTAKAR OG VEIKINDI

Já hann kveinkar sér forveri þinn um verktakagreiðslurnar og góð grein hjá lækninum hér á síðunni af hverju hæft fólk fékk að fjúka bæði á Lansanum svo og ráðuneytinu og nú liggur þetta fyrir að hans sögn eintóm veikindi starfsfólks ráðuneytissins og enginn til að vinna verkin. Laun nýja forstjóra LSH eru reyndar of há að hluta til vegna mikillar vinnu við nýtt hátæknisjúkrahús eins og Magnús Pétursson fékk tímabundið og nýja stýran fékk þau áfram. Ég var hinsvegnar að skoða kostnað vegna dýrra lyfja og sérstaklega ...
Þór Gunnlaugsson

Lesa meira

PLATKOMMAR

...Ég les altaf síðuna þína, því hún er fólkinu viðkomandi og mér finnst þú vera raunsær. Í dag sé ég ekki betur en þetta íhaldsmanna-kerfi,sem hefur eyðilagt fjárhag Íslands, líkist mjög sovjetíska kerfinu, meðan það var verst. Oddamenn íhaldsins hafa ráðið lögum og lofum og hagað sér eins og væru þeir eigendur Íslands."Fyrirgef þeim, því þeir vita ekki hvað þeir gera," stendur í bókinni góðu. "Já!" en
Inga Birna

Lesa meira

HLJÓÐLÁTAR HREINSANIR

Gott að vita af þér sem heilbrigðisráðherra. Ég sendi þér þetta fyrir hönd okkar nokkurra lækna sem höfum verið að furða okkur á því hvernig skipulagsbreytingar gætu sparað á sjöunda milljarð króna eins og fyrrverandi ráðherra er að segja. Þetta er tært rugl allir læknar vita að 80% af útgjöldum kerfisins er launakostnaður....Annars vildum við líka vekja athygli þína á að fyrrverandi ráðherra fækkaði fólki. Hann rak Magnús Pétursson, forstjórann á Lansanum, hann rak Jóhannes M. Gunnarsson, lækningaforstjórann, hann rak Davíð Gunnarsson, ráðuneytisstjórann, og hann rak Önnu E. Ólafsdóttur hjá Lýðheilsustöð. Það er mjög merkilegt að sjálfstæðismenn skuli í þessu ljósi treysta sér til að ...
Sigurjón

Lesa meira

"VIÐ SKULDUM EKKERT"

"Sjálfstæðis-"flokkurinn er í dag mikið öfugmæli. Þeirra barátta gengur út á að koma Íslandi undir hælinn á útlendingum og fámennri klíku auðmanna. Útlendingarnir eru álrisarnir, alþjóðagjaldeyrissjóðurinn og erlendir bankar. Þessi barátta á sér rætur í blindri trú á kapítalismann. Allir nema Sjálfstæðismenn hafa tekið eftir að kapítalisminn er hruninn og vilja nýja stefnu. Kosningabarátta Sjálfstæðisflokksins mun því snúast um að búa til þá trú að í raun hafi ekkert farið úrskeiðis, við séum í vanda vegna ríkisafskipta á bandarískum húsnæðismarkaði. Til þess að sannfæra kjósendur, grípa Sjálfstæðismenn til ósanninda: Að í raun sé engin kreppa á Íslandi, að Ísland skuldi sáralítið, og að allt verði komið í lag eftir nokkra mánuði. Það eina sem við þurfum er að ...
Hreinn K

Lesa meira

KONAN Í KJALLARANUM HJÁ LÓU OG ÉG

Getur verið að ég hafi misskilið yfirlýsingu þína um Evrópusambandið? Getur verið að ég hafi misskilið einn af grunnþáttunum í því þegar Vinstri - hreyfingin grænt framaboð segist vilja ljá lýðræðinu nýtt innihald? Mig langar til þú svarir mér, ekki í kvöld, eða fyrir helgina, en fljótlega. Ég hef aldrei skilið hvernig menn geta deilt um fyrirbæri eins og Evrópusambandið. Fyrir mér er það eins og að deila um, hvort lýðræði er gott eða vont. Evrópusambandið er bæði hagsmunabandalag og hugsjón. Sumir fagna því sem ESB hefur fært launafólki í réttindum, aðrir sýta að sambandið skuli vera svona hallt undir stórkapítalið, og sumum finnst ESB ólýðræðislegt. Mér finnst það til dæmis og ég er algerlega andsnúin því að ganga í bandalagið og mun berjast gegn því með oddi og egg. En konan á neðri hæðinni ...
Ólína

Lesa meira

UM UPPHLAUP GEIRS

Hugmyndaleysi virðist hrjá fyrrverandi forsætisráðherra. Hann kann greinilega ekki að vera í stjórnarandstöðu. Hann heldur að stjórnarandstaða gangi út á það að tefja störf þingsins með því að blása út smátriði.Hann leggur í það vinnu að hringja sjálfur í kunningja sína í alþjóðagjaldeyrissjóðnum til þss að ...
Frosti

Lesa meira

Frá lesendum

Á BLEIKU SKÝI

Ný stjórn Katrínar Jakobsdóttir hefur nú tekið við á Bessastöðum. Áður var stjórnarsáttmálinn kynntur í bleiku bandi. 
Gerðar verða breytingar á Stjórnarráðinu þar sem málaflokkum er sundrað en öðrum steypt saman á ákaflega sérviskulegan hátt. Duttlungar og stundarhagsmunir nokkurra einstaklinga látnir ráða. Virðingarleysi fyrir því fólki sem skákað er til eru engin takmörk sett. Forsætisráðherra hefur valið að halda stefnuræðu sína á fullveldisdaginn 1. desember 2021. Þar mun hún kynna ...
Bjarni

Lesa meira

STÓLLINN TRYGGÐUR

Eftir hægar hríðir komst á koppinn
Katrín og stjórnin fyrir horn sloppin
stóllinn tryggður
grunnur byggður
að frjálshyggjustjórn sem er orpin.

Hún virðist nú ekki einkar hlý
enda var hún á felgunum
Þó ríkisstjórnin hér þykist ný
er gamalt sull á belgjunum.
...
Höf. Pétur Hraunfjörð.

Lesa meira

"LÁTUM VERKIN TALA - NÁUM ÞÓ ALDREI ÖLLU SEM VIÐ VILJUM"

Ég var að lesa grein Ögmundar hér á síðunni um að Sjálfstæðisflokkur og VG eigi ekki að vera saman í ríkisstjórn. Jú, það er fróm ósk okkar flestra, en erfitt við að eiga meðan svo margir kjósendur greiða Sjálfstæðisflokknum atkvæði sitt - og vinstri menn halda áfram að vera vinstri mönnum verstir. Framsókn er nú í lykilstöðu og ríkisstjórn VG, Framsóknar, Samfylkingar og Flokks fólksins yrði vitanlega ekki til gegn vilja Framsóknar. Mér finnst ekki alveg ljóst í greininni hvort félagi Ögmundur metur það meira að koma stefnumálum VG í framkvæmd eða að hafa þau bara letruð með nógu rauðu letri í stefnuskrá. Stefnumálin sem hann telur VG hafa snúið baki við eru langflest enn á sínum stað í stefnuskrám ...
Þorvaldur Örn Árnason

Lesa meira

HEILBRIGÐISKERFIÐ HRUNIÐ

Heilbrigðiskerfið nú halloka fer
helvítis kóvið um vandræðin sér
þeir eru að byggja
og framtíð tryggja
en áratugina það tekur allt hér.

Félagslegri einangrun flestir lúta
í fjölmenni bera grímur og klúta
hanga nú heima
láta sig dreyma
og gleðjast við fáeina flösku stúta.
...
Höf. Pétur Hraunfjörð.

Lesa meira

LÝÐRÆÐIÐ ER Í HÚFI

Góð grein og þörf Ögmundur! Oft hefur verið nauðsyn en nú er nefninlega algjör þörf á róttækri greiningu á ástandinu hér hjá okkur. Þjóðin er lömuð ..... hvað næst! Nú hef ég alls ekki tekið virkan þátt í íslenskum stjórnmálum en hef fylgst grannt með síðastliðin nokkur ár. Í mínum huga er það stjórnsýslan /flokkakerfið sem aftrar því að heilbrigð þróun geti orðið. Við þurfum persónukjör og opið lýðræði. Ótrúlegt að virða þetta fyrir sér því gott fólk er þarna allsstaðar. Miðað við kyrrstöðuna svo skrýtið, síðan kemur sérhagsmunagæslan, fámennið og frænd/kunningjahyglin sem tvinnast saman ...
Bergljót Kjartansdóttir

Lesa meira

EKKI LENGUR ÞÖRF Á SAUÐAGÆRU

Í framhaldi af skrifum þínum um framkvæmdastjóra NATÓ þá teljum við að Stoltenberg sé úlfur í sauðagæru, eða hefur hann þegar stökkbreyst í úlf í úlfsfeldi? Tillaga okkar: Þýskaland verður að komast úr NATÓ - eins fljótt og auðið er! En Þjóðverjar "græningjar" munu vilja styrkja NATÓ og auka við vígbúnaðaráætlun bandalagsins.
Günter Rath/Annette Groth
...

Lesa meira

VILT ÞÚ FRAMHALDSLÍF NÚVERANDI RÍKISSTJÓRNAR?

Þú segir að ekki ætti að kjósa Sjálfstæðisflokkinn en þá spyr ég þig hvern ætti yfirleitt að kjósa? Hvers vegna ætti að kjósa VG eða ætti kannski ekki að gera það? Ég spyr í ljósi undangenginna fjögurra ára og yfirstandandi stjórnarmyndunar. Ég sakna þess að heyra frá þér um þetta. Hjörleifur Guttormsson segir eftirsóknarvert að fá framhald á stjórn Sjálfstæðisflokks og VG. Ertu sammála? ...
Jóhannes Gr. Jónsson.

Lesa meira
Allt Frá lesendum

Fréttabréf

 

Frjálsir pennar

Þórarinn Hjartarson skrifar: BÓLUSETNINGARSKYLDA OG LÖGREGLURÍKI

Um allan heim eru átök og spenna sem virðast vaxa með hverjum deginum. Opinbert tilefni átakanna nú er deilan um mismunun óbólusettra með lögum, lögum sem innleidd hafa verið í ýmsum löndum, og skref verið tekin í þá átt í næstu nágrannalöndum okkar (Noregi, Svíþjóð). Þar er um að ræða  innanríkisvegabréf, víða nefnt «grænn passi» eða „kórónupassi“, bólusetningarskilríki sem sett eru sem skilyrði fyrir borgaralegum réttindum. Við nánari athugun sést að deilan snýst um nokkrar meginreglur réttarríkis, og um lýðræðið. Á Íslandi hefur sóttvarnarlæknir fengið að ...

Lesa meira

Þórarinn Hjartarson skrifar: STRÍÐIÐ Í EFLINGU

Það kom flatt upp á almenning þegar Sólveig Anna Jónsdóttir sagði upp starfi sínu og formennsku í Eflingu. Og starfsbróðir hennar Viðar Þorsteinsson framkvæmdastjóri einnig. Það kom jafnvel enn flatar upp á fólk að ástæðan skyldi vera «vantraust» frá starfsfólki Eflingar. 
Tilefni afsagnarinnar var í fyrsta lagi ályktun tveggja trúnaðarmanna starfsfólksins á skrifstofu Eflingar í júní sl. sumar. Í ályktuninni voru borin upp á stjórn Eflingar samningsbrot, tilefnislausar uppsagnir og «aftökulistar» starfsfólks. Í öðru lagi var tilefnið dramatískur fundur með umræddu starfsfólki föstudaginn 29. október. Á þeim fundi gaf Sólveig Anna hópnum ... 

Lesa meira

Kári skrifar: INNRI ORKUMARKAÐUR EVRÓPUSAMBANDSINS - FRAMLEIÐSLA OG DREFING Á JARÐGASI

Það er lesendum kunnugt að innri orkumarkaður Evrópusambandsins nær til framleiðslu, dreifingar og sölu á rafmagni og gasi (jarðgasi). Ýmsir íslenskir stjórnmálamenn virðast trúa því að jafnaðarmerki sé á milli annars vegar aðgerða í loftslagsmálum og þess að Ísland verði fullgildur aðili að innri orkumarkaði Evrópusambandsins. Með öðrum orðum, menn tengja saman mögulegan árangur í loftslagsmálum við aðild að innri orkumarkaði Evrópu. Samkvæmt þessu getur ekkert ríki í heiminum náð árangri í loftslagsmálum nema ...

Lesa meira

Þórarinn Hjartarson skrifar: ÓPERASJÓN BARBAROSSA – ENN OG AFTUR

Áttatíu ár eru í dag liðin frá innrás Þýskalands í Sovétríkin, Óperasjón Barbarossa, mannskæðasta glæp veraldarsögunnar. Haldið er upp á afmælið með mikilli samræmdri heræfingu í Austur-Evrópu undir bandarískri stjórn, gegn Rússlandi. Æfingin sem nefnist  DefenderEurope 2021 stendur nú yfir en er dreift á nokkrar vikur í 12 Austur-Evrópulöndum, á landi og sjó. Þátt taka 37 þúsund hermenn frá 27 löndum, þar á meðal frá hinum 14 nýju aðildarríkjum NATO í Austur-Evrópu. Öll fer æfingin fram í Austur-Evrópu, frá Eystrasalti til Svartahafs og Balkanskaga ...

Lesa meira

Baldur Andrésson skrifar : “VANDASAMT ER VEGABRASK”

... Árás á sameignarviðhorf um almannavegi birtist í Vaðlaleiknum. Það högg reyndist klámhögg og verður því ekki sértjaldað vegabraski til framdráttar. Sú er ástæðan fyrir þöggun og yfirklóri, enda eru önnur plön um vegabrask í bígerð. Að auki er orðstýr skapara absúrd Vaðlaleiks þeim mikilsverðastur af öllu. Því er reynt að fela öll óhreinindin, allt kusk á hvítflibbum dustað af þeim sem með spunavald fara gagnvart almenningi. Eftir stendur þó ...

Lesa meira

Kári skrifar: HVER Á VINDINN? - BRASK MEÐ ALMANNAGÆÐI

Umræða um vindorkuver á Íslandi hefur varla farið framhjá nokkrum einasta manni undanfarna mánuði og ár. Fjölmiðlar hafa greint frá mjög glannalegum áformum um stóra vindorkugarða, oft í eigu erlendra aðila. Þetta er enn einn anginn af botnlausri græðgisvæðingu samfélagsins. Ætlunin er að fórna landsvæði, útsýni og fuglalífi á altari fáeinna braskara og jafnvel fjárglæframanna.  Fjölmiðlar margir eru gagnrýnislausir, segja einungis frá áformunum en tengja þau ekkert við stærra samhengi. Eftir því sem áherslan eykst á „græna orkugjafa“ sjá braskararnir sér einfaldlega leik á borði að ...

Lesa meira
Allt Frjálsir pennar