AUÐVALDIÐ AÐ VERKI!
Fjármálahrunið á Íslandi er vegna einkavinavæðingarinnar og tengingar efnahags Íslands við alþjóðaauðvaldið og hnattvæðinguna. Ásamt taumlausri græðgi peningamanna sem telja sig ekki tilheyra neinni þjóð, né þjóðlegri ábyrgð, aðeins trúarbrögðum sínum auðvaldinu! Núverandi stjórnvöld bera því fulla ábyrgð á hruninu!!!
Hefðu Íslendingar tileinkað sér blandað þjóðlegt efnahagskerfi, stjórnað af Alþingi og Seðlabankanum, fyrir hönd þjóðarinnar, með lögum og reglum sem athafnamenn yrðu að virða, þá peningamennirnir, ekki ólíkt því sem var fyrir einkavinavæðinguna og græðgisæðið, nema enn lengra inn á þeirri braut, þá værum við ekki í því hruni sem nú ber vitni. Með stjórnvöld sem sjá engar aðrar leiðir en að koma bönkum og fjárglæfrakerfinu í einkaeign til bjargar á kostnað almennings, sem átti bankana fyrir þjófnaðinn og fór fram á ströng lög og strangar reglur gagnvart fjármálabraskinu. En eins og menn vita var ekkert hlustað á slíkar kröfur af "lýðræðis einræðisherrunum".
Það er hreint hrikalegt hversu tilleiðanleg núverandi stjórnvöld Íslands eru gagnvart alþjóðaauðvaldinu og hnattvæðingunni semsé boðskap Bush Bandaríkjaforseta og hans kumpána, sem eru nú sokknir upp að háls í díkisfor alþjóðaauðvaldsins sem þeir sköpuðu, og kjánarnir okkar elta þrælblindir út í forina sem er kominn upp að mitti, og sjá eingin ráð önnur en að vaða lengra eftir átrúnaðargoðum sínum. Þetta er hreint makalaust!
Maður hefði haldið að ríkisstjórn einkavæðingarinnar og hamslaus fjármálabrasks og græðgi, hefði minnsta kosti vit á því að snúa af afvegaleið, til baka úr síkinu sem er að gleypa þá, þangað sem þeir vissu að þjóðfélagið hefði fótfestu, þó ekki meira væri.
Ástæðan fyrir núverandi fjármálaástandi er alls ekkert flókið mál og því óþarfi að þylja flóknar "þeoríur" og hugdettur. Málið er einfaldlega úrelt öfgafull auðvaldsdellan, "kapítalisminn," sem sumir menn taka sem heilagan átrúnað án þess jafnvel að skilja eðli hans og reynsluna af honum í fjölda liðnar aldir.
Almenningur verður að vakna og taka í taumana áður en þjóðin sekkur í síkisforina með Geir, Ingibjörgu, Bush og félögum þeirra. Við verðum að skilja í eitt skipti fyrir öll að eina fjárhagskerfið sem hentar Íslensku þjóðinni, er þjóðlegt, samfélagslegt blandað hagkerfi sem er rekið opið og lýðræðislega í þágu íslensku þjóðarinnar, ekki lokað einræði, sérsniðið til að þjóna gráðugum einkaaðilum sem ætla sér eingöngu að græða á þjóðfélagssystkinum sínum án vinnu, án þess að skapa nokkur verðmæti , án þess að skilja nokkuð eftir sig nema svik og svínarí!!!
Úlfur