Eldri greinar Október 2007

...Þurfa Íslendingar ekki að huga að samfélagslegri ábyrgð sinni víðar en hér á landi? Hlýtur það ekki að verða forseta Íslands til umhugsunar þegar þotuliðið minnir okkur á einu sinni enn að því komi Ísland ekki við að öðru leyti en því að notast megi við það í fjárfestingarbraski! Ég sá það haft eftir forseta Íslands að hann taki ekki þátt í opinberri umræðu um ferðir sínar og ferðamáta. Ég tel aftir á móti að hann eigi að gera það. Ef sá Ólafur Ragnar Grímsson, sem ég þekkti ágætlega, er orðinn feiminn við opinbera umræðu, þá er mér illa brugðið. Að sjálfsögðu á að ræða þessi mál til hlítar, þ.e. til hvers við ætlumst af forsetaembættinu og þá ekki síst samkrull þess við auðmenn, innlenda sem erlenda...

Stjórn BSRB hefur skorað á borgaryfirvöld í Reykjavík að ógilda þegar í stað samninga um sameiningu Reykjavík Energy Invest og Geysir Green Energy enda ekki rétt að þeim staðið. Auk þess krefst stjórn samtakanna þess að hætt verði við áform um hlutafélagavæðingu Orkuveitu Reykjavíkur og kallar eftir breytingum á lögum sem komi í veg fyrir að einkaaðilar eignist náttúruauðlindir Íslands. Þetta er meðal þess sem fram kemur í ályktun sem stjórn BSRB sendi frá sér í dag. Þá bendir stjórn BSRB á að Sameinuðu þjóðirnar hvetja nú til samstarfs opinberra veitufyrirtækja, aðallega á sviði vatnsveitna, til að ná megi settum þúsaldarmarkmiðum SÞ sem flest ríki heims og Ísland þar á meðal hafa skuldbundið sig til að vinna að.  Reynslan hefur sýnt að útrás einkafyrirtækja inn á svið samfélagsþjónustunnar hefur almennt haft neikvæðar afleiðingar í för með sér . ...

...Í dag heyrðist nokkuð sérstæð frétt í útvarpi. Hlustendur fengu að heyra að Framsóknarmenn í Skagafirði hefðu ákveðið að beina því til flokks síns og Alþingis að ef þingmenn tækju upp á því að stunda nám jafnframt þingstörfum væri eðlilegt að kalla inn varamenn. Í fréttinni kom fram að þingmennirnir Birkir Jón Jónsson og Magnús Stefánsson hefðu ákveðið að leggja stund á svokallað MBA nám í vetur. Birkir Jón varð til svara fyrir þá félaga og sagði að sú viðhorfsbreyting hefði orðið í samfélaginu og í afstöðu til menntunar að námi ætti í reynd aldrei að ljúka. Símenntun og endurmenntun væri í samræmi við þá hugsun....

...Ég spyr, er það krafa og þörf nútúmasamfélags að fjárfestar geri sér menntun ungviðisins og  bágborið heilsufar fólks að féþúfu? Endurspeglar þetta einhver sérstök kvenleg gildi? Hvers vegna reynir þetta fólk ekki sjálft að finna upp eitthvað nýtt í stað þess að troða sér inn í starfsemi sem samfélagið hefur komið sér upp og hefur gengið ágætlega að þróa svo fremi sem fjármunir eru fyrir hendi? "Frumkvöðlarnir" segja að áfram eigi skattborgarinn að borga - þeir ætli hins vegar að tryggja fjárfestum hlutdeild í framlagi hins opinbera í "góðri langtímaarðsemi" einsog það heitir. Í mínum huga er einfaldlega verið að búa til óþarfa milliliði...

...Vitræn Hönnun, Intelligent Design

lætur hins vegar betur í eyrum en bókstafstrú og hefur auk þess vísindalegt yfirbragð.  Á undanförnum árum hafa strangtrúarsöfnuðir í Bandaríkjunum og samtök þeim tengd farið mikinn og viljað hnekkja lögmálum í líffræði og jarðfræði, sem ganga í berhögg við sköpunarsögu Biblíunnar.
Þeim hefur orðið talsvert ágengt undir verndarvæng Bush, forseta sem nánast hefur verið strengjabrúða þessara afla...Í Evrópu er farið að gæta þessara tilhneigingar og hafa sköpunarsögumenn að undanförnu stöðugt reynt að færa sig upp á skaftið. Um miðja síðustu viku birtist þessi litla frétt á RÚV: "Ályktun um að varað verði við því að sköpunarkenningin verði kennd sem vísindagrein í hinu opinbera menntakerfi var samþykkt í Evrópuráðinu á fimmtudaginn. Guðfinna Bjarnadóttir, fulltrúi Íslands, greiddi atkvæði gegn ályktuninni. Guðfinna segir að ...

...Ekki veit ég hverjir þessir "allir" eru sem Ólafur Jóhann Ólafsson segir að hafi viljað fá erlendan fjárfesti að orkuauðlindum Íslands. Látum það liggja á milli hluta. Staðnæmumst við fjárfestingu í "vistvænni orku" . Ólafur Jóhann segir Íslendinga hafa mikla sérstöðu í þessum geira og standa í fremstu röð í heiminum þegar vistvæn orka er annars vegar. Þetta þykir mér vera klisjukent tal. Að mínu mati er fráleitt að aðgreina orkuframleiðsluna öðrum þáttum. Spyrja þarf um ferlið allt. Til hvers er virkjað og hverju er spillt? Ef virkjað er til þess að framleiða einnota kókdósir úr áli, eða skriðdreka til árása á íraska alþýðu til að hafa af henni olíuauðlindirnar - er það þá vistvæn virkjun ef virkjunin sjálf er ekki...

Ólafur Ragnar Grímsson, forseti Íslands, flutti góða ræðu við setningu Alþingis í gær. Orð hans voru í tíma töluð. Hann sagði að við yrðum að hlúa að menningararfi þjóðarinnar ekki aðeins sem þakkargjörð við liðinn tíma, "heldur til þess að við glötum ekki sálu okkar, slítum ekki upp ræturnar í umrótinu sem fylgja mun hinni nýju öld.
Sjálfsmynd og staðfesta íslenskrar þjóðar hvílir einkum á þremur stoðum: 
- Arfleifðinni sem íbúar dreifðra byggða hafa skapað.
- Samkenndinni sem hliðstæð lífskjör festu í sessi.
- Tungumáli sem gaf menningunni ávallt nýjan sköpunarkraft.
Þessi þrenning arfleifðar, samkenndar og tungu á nú í vök að verjast og því áríðandi að hugað sé vel að stefnumótun og ákvörðunum."
Ég finn það að Íslendingar skynja að nú þarf í alvöru að rísa upp til varnar íslenskum menningararfi. Peningamennirnir sem sýsla með sálarlaust silfrið og þjónar þeirra gefa lítið fyrir íslenska tungu og íslenska menningu og þótti mér gott að hlýða á orð forseta lýðveldisins sem ganga...

Svartast á þingi settist rykið,
sá því um langan veg.
Göfuglyndi er grátlega mikið,
góðmennska óbærileg.
...
Kári

Þvagsýrugigt nú þingmaður hefur
Þrautir í tánum og mikið því sefur
fíflablöð tekur
lítið ´ann ekur
og Facebook húsráðin Ása gefur.
Höf. Pétur Hraunfjörð.

Hannes Hólmsteinn í tísti telur
Thunberg þvæla út í eitt
En heilbrigt vit þó barnið hefur
hann lítið sem ekki neitt. 
...
Höf. Pétur Hraunfjörð.

Innri manninn oftar tel,
Alþingis í liði.
Ljúga, brosa, láta vel,
leika mannasiði.
...
Kári

Áslaug valdi aflagðan Hrein
ákveðin réði guttann
Hún vildi sýnast í baki bein
og senda Davíð puttann.
...
Höf. Pétur Hraunfjörð.

Sæll Ögmunur.
Bestu þakkir fyrir snjalla grein í Mogga í dag. Það gladdi mitt gamla hjarta að kalla þá heilögu stétt, sem í dag kalla sig fjárfesta, braskara. Þetta gamla nafn þyrfti að endurreisa.
Bestu kveðjur,
Ól.Bj.

Í fjölmiðlana frúin sér skellti
fúkyrðum þar úr sér hellti
Vigga ei sefur
áreitni hefur
og upplifir nú algjört einelti.
...
Höf. Pétur Hraunfjörð.

Allir hérna eru að gapa
ástandið ótryggt er
Hluthafa hópur er að tapa
á bréfum í Icelander.
Höf. er Pétur Hraunfjörð

Þynnku auka, þrotlaust starf,
þrautir margar hanna.
Vitund fólksins veikja þarf,
um villu stjórnvaldanna.
Í víni netsins vaða skalt,
veisluföng og humar.
Fylliraftar fagna um allt,
finna eilíft sumar.
Þakka greiða þúsundfalt,
þurfa vímu gumar.
Kári

Ræna banka, reyna enn,
reynslu hafa í faginu.
Fara útaf alþingsmenn,
einkavæðingarlaginu.

Lofgjörð til valdsins ég lítils met,
lygi þó margir sæju.
Ofar því heilbrigðan hávaða set,
hógværri undirlægju.
...
Kári