Eldri greinar Apríl 2007

FJALLAGRÖS OG SAUÐSKINNSSKÓR

Sveinn Hannesson

, framkvæmdastjóri Samtaka iðnaðarins, tók sig vel út í ræðustól á málþingi sem haldið var í dag undir yfirskriftinni FJALLAGRÖS OG SAUÐSKINNSSKÓR  en það fór fram í Straumi í Hafnarfirði. Á málþinginu var sjónum einkum beint að nýsköpun í atvinnurekstri. Sveinn flutti mjög fróðlegt erindi. Hann varði nokkrum tíma í skilgreiningar á hugtökum. Sagði t.d. að fólk tengdi stundum sprotafyrirtæki stærð og umfangi starfseminnar. Það væri á misskilningi byggt. Um væri að ræða að viðkomandi fyrirtæki væri að minnsta kosti að tíunda hluta veltunnar byggt á rannsókna- og þróunarverkefni. Sveini varð tíðrætt um verðmætasköpun og varaði við "fölskum hagvexti", "hagvexti sem tekinn væri að láni". Okkur væri lífsnauðsynlegt að tryggja hagvöxt sem...

Lesa meira

JÓNÍNA BJARTMARZ, UMHVERFISVERÐLAUNIN OG HINAR SYRGJANDI MÆÐUR


Á degi umhverfisins - sem var í gær -  taldi Jónína Bjartmarz umhverfisráðherra Framsóknarflokksins rétt að veita auðhringnum Bechtel  sérstök verðlaun, Kuðunginn, sem er umhverfisviðurkenning Umhverfisráðuneytisins. Vel kann að vera að fyrirtækið hafi staðið sig vel hvað varðar öryggisreglur við byggingu álversins á Reyðarfirði, en vandséð er hvernig mengandi stóriðja á skilið sérstök umhverfisverðlaun. Að verðlauna fyrirtækið af því það "vinnur eftir umhverfiskerfi sem dregur stórlega úr líkum á umhverfisslysum og mengun" er umhugsunarefni. Hefði mátt ætla að ríkisstjórnin hefði gert ítrustu kröfur í þeim efnum að skilyrði fyrir leyfisveitingu. En þetta minnir okkur líka á að ...

Lesa meira

Í HEIMSÓKN HJÁ TALSMANNI NEYTENDA

...Það má segja að stjórnmálamenn séu á hálum ís að agnúast út í auglýsingamennsku á sama tíma og stjórnmálaflokkarnir auglýsa án afláts. Í því sambandi vil ég þó segja fyrir mitt leyti að ég hef aldrei verið á móti auglýsingum. Þær eru mikilvægar ef þær gefa réttar og góðar upplýsingar. Það getur þannig verið réttlætanlegt að birta mynd af frambjóðanda til að minna á að hann er í framboði en þarna er hinn gullni vegur vissulega vandrataður. Sú krafa sem fólk hlýtur að gera til stjórnmálaflokka eins og fyrirtækja er að auglýst sé á réttum forsendum eða svo vitnað sé aftur í fyrrnefnda grein á heimasíðu Talsmanns neytenda: "Auðvitað eigum við að gera kröfu til fyrirtækja að þau auglýsi vörur sína og þjónustu á réttum forsendum og segi okkur satt og rétt frá. Við viljum ekkert fá að heyra um fífilbrekkur og gróin tún eða ást á landi og þjóð þegar við heyrum frá Kaupþingi, Glitni eða Landsbanka. Við viljum heyra um lánakjörin, hve háir vextir eru, til hve langs tíma sé lánað, um verðtryggingu, uppgreiðslugjöld og ...

Lesa meira

SKÁTAMESSA OG NESHRINGURINN


...Margrét Tómasdóttir, skátahöfðingi, minntist þess að fljótlega eftir stofnun skátafélaga hér á landi hefði sr. Friðrik Friðriksson farið með skátaflokk, Væringja, um götur Reykjavíkur, á sumardaginn fyrsta að því er mér skildist, syngjandi sálma á latínu! Einhvern veginn var þessi frásögn - eða öllu heldur svipmynd - sem brugðið var upp sérlega grípandi vegna stórbrunans í Austurstræti í gær þar sem ...Mynd hér að ofan er frá göngunni um Seltjarnarnesið þegar staðnæmst var við Kviku sem er útilistaverk sem hægt er að dýfa í fótum. Verkið, sem er eftir Ólöfu Nordal, stendur á Kisuklöppum í fjörunni við Norðurströnd og er óvenjulegt að því leyti að gestir og gangandi geta baðað fætur sína í því. Verkið er gert úr heilum grágrýtissteini sem í er sorfin hringlaga fótbaðs- eða vaðlaug...Göngutúrinn var mjög fróðlegur og stórskemmtilegur. Til hamingju Seltirningar með framtak Kristínar Þorsteinsdóttur. Megi fyrirtæki hennar, NESHRINGURINN, eiga bjarta framtíð. 

Lesa meira

TÖKUM ÞÁTT Á UNDIRSKRIFTASÖFNUN TIL STUÐNINGS SAMFÉLAGSÞJÓNUSTUNNI!


...Verkalýðshreyfingin í Evrópu (ETUC, sem BSRB og ASÍ eiga aðild að, og EPSU, sem BSRB á aðild að) hefur skorið upp herör gegn þessari þróun og hvetur nú til undirskriftasöfnunar í því skyni að verja velferðarþjónustuna...Vilji fólk á annað borð verja þessa þjónustu verður að sýna það í verki. Á heimasíðu BSRB er fjallað nánar um undirskriftasöfnunina og hvernig menn beri sig að við að taka þátt í henni. Ég beini eindreginni ósk til ALLRA að taka þátt, sjá HÉR...

Lesa meira

MÚRAR ERU ENGIN LAUSN

Birtist í Fréttablaðinu 14.04.07.
Nokkuð hefur verið rætt um innflytjendapólitík að undanförnu. Flest okkar höfum við þá afstöðu að við viljum að eins vel sé komið fram gagnvart útlendu aðkomufólki og við viljum að gert sé gagnvart okkur þegar við erum í útlöndum. Sjálfur hef ég reynslu af því að vera búsettur erlendis og er hlýtt til þeirra þjóða sem ég hef dvalist hjá, ekki síst vegna þess hve vel mér var tekið. Þetta breytir því ekki að bráðnauðsynlegt er að ræða innstreymi erlends launafólks til landsins, í hve miklum mæli við viljum og getum tekið á móti aðkomufólki svo sómasamlegt sé. Einnig þarf að hafa í huga að atvinnulíf verði ekki sveiflukennt þannig að á víxl gangi á með ofsaþenslu og síðan fjöldaatvinnuleysi. Jafnvægi er heillavænlegra fyrri atvinnulífið og samfélagið...

Lesa meira

HVAÐ ÞYRFTI LÖNGUSKERJABRAUTIN AÐ STANDA HÁTT?


Þessa mynd tók ég á grasinu ofan við fjöruna á Ægisíðunni við Skerjafjörðinn góða. Í fjarska sæist í Löngusker ef myndin væri betri. Ég ætlaði varla að trúa mínum eigin eyrum þegar ég heyrði að nefnd hefði komist að þeirri niðurstöðu að Löngusker í Skerjafirði kæmu til álita sem nýr Reykjavíkurflugvöllur! Margir sjá án efa fyrir sér litla netta braut eftir Skerjafirðinum – að deilurnar um Vatnsmýrina væru þar með úr sögunni. Auðvitað er málið ekki svona einfalt. Við erum í reynd að tala um stórfellda uppfyllingu í Skerjafirðinum...Ef á hinn bóginn menn telja sig geta komist af með tiltölulega litla uppfyllingu – þ.e. að segja mjóa braut við Löngusker – þurfa hinir sömu að svara því til ... Lesa meira

GLEÐILEGA PÁSKA

Páskarnir eru góður tími. Fyrir þorra fólks er samfelldur frítími frá lokum vinnudags á miðvikudegi og fram á þriðjudagsmorgun. Vaktavinnufólkið þarf hins vegar að standa sína pligt alla páskahelgina, nótt sem dag. Það á við um heilbrigðisstéttirnar, löggæslu- og öryggisstéttir auk þess sem það færist í vöxt að verslun og þjónusta standi til boða öllum stundum og eru páskarnir þar ekki undanskildir.
Ég hef stundum velt því fyrir mér hvað æskilegt sé í þessu efni, hvers konar þjóðfélag við viljum. Viljum við þjóðfélag þar sem stefnt er að því að sem flestir geti tekið frí á sama tíma eða viljum við þjóðfélag sem þekkir ekki mun á nóttu og degi, helgum eða rúmhelgum dögum? Síðari kosturinn er vissulega þægilegur. Það er gott að komast í búðina hvenær sem er eða geta nálgast hverja þá þjónustu sem hugsast getur þegar maður þarfnast hennar. Þjóðfélagið er að þróast í þessa átt. Á móti er þá hitt sjónarmiðið, nefnilega það  að fjölskyldur sundrist í fríum. Einn þarf að ...

Lesa meira

PÍSLARGANGAN Í HAFNARFJARÐARKIRKJU OG HÁGÆÐA TÓNLIST


Séra Gunnþór Ingason, sóknarprestur í Hafnafjarðarkirkju, efndi í dag - Föstudaginn langa - til sérstakrar vöku í kirkju sinni þar sem hann fékk fulltrúa fjögurra stjórnmálaflokka til þess að lesa úr Jóhannesarguðspjalli um Píslargöngu Krists. Auk mín lásu Þorgerður Katrín Gunnarsdóttir, Samúel Örn Erlingsson og Árni Páll Árnason. Þegar við höfðum lokið lestrinum svöruðum við spurningunni hvað Píslarsagan segði okkur. Þetta gerðum við hvert á sinn hátt.
Stundin í Hafnarfjarðarkirkju er eftirminnileg, ekki síst vegna þeirrar tónlistar sem flutt var. Guðmundur Sigurðsson lék listavel á orgel og fiðluleikur Hjörleifs Valssonar var með hreinum ólíkindum. Fólk sat sem bergnumið í kirkjunni. Kirkjukór Hafnarfjarðarkirkju söng en forsöngvari var Þórunn Björnsdóttir, sem ...

Lesa meira

NÚ VILJA ALLIR VERA HAFNFIRÐINGAR !

...Nú segja fjölskyldurnar í landinu og forsvarsmenn fyrirtækja í vaxandi mæli að nóg sé komið. Hafnfirðingum birtust öfgar þessarar stóriðjuáráttu þegar ætlast var til þess að þeir greiddu götu þess að innan bæjarmarkanna yrði rekin stærsta álverkasmiðja Evrópu. Það fór svo að  Hafnfirðingar sneru þessu tafli við. Grasrótarsamtökin Sól í Straumi áttu að sönnu samstarf við systursamtök annars staðar á landinu; grasrótarsamtökin sem kenna sig við Sólina. Þau samtök urðu fyrst til í Hvalfirðinum og eru nú að eflast á Reykjanesi og Suðurlandi. Vegna árangurs Hafnfirðinga er Hafnarfjörður nú orðinn táknrænn fyrir árangursríka baráttu í þágu...

Lesa meira

Frá lesendum

TEKIÐ UNDIR MEÐ GRÍMI UM BAKKA-RANGHERMI OG ÞÖGGUN

Þú pælir sem aðrir Ögmundur í pestaróféti, m.a hvernig það virkar á stjórnmál. Eitt gróft dæmi um misnotkun er verksmiðjan á Bakka sem okkur er sagt án athugasemda fjjölmiðlafólks að hafi lent í ógöngum vegna Covid. Þetta eru helber ósannindi. Þess vegna fagna ég skrifum Gríms hér á síðunni um staðreyndir þessa máls. Svo vill til að ég þekki þetta nokkuð og tek ég heilshugar undir með Grími: Sleitulausar ófarir i rekstri kísilvers á Bakka hófust um mitt ár 2018, frá byrjun. Ekki batnaði rekstur 2019, tapið þá 7.3 milljarðar. Ömurlegur var gangurinn, 2020 byrjaði mjög illa. Líklega var tap á tveggja ára rekstri orðinn 14 ma þegar glóruleysið leiddi til stöðvunar á rekstri við lok júlí sl. Engin búbót er sýnd í kortum. Krísan algjör. Vegna þessa tekur yfirklór við en mest þöggun um málavexti. Grófasta ranghermið til yfirklórs er ...
Jóhannes Gr. Jónsson

Lesa meira

FER MIKINN

Bítur oft í annars bök
eða ber út þvaður
Þorsteinn hefur á því tök
enda auðmaður. 

Við lygina ´ann laginn er
ef leitar til varna
Maðurinn þar mikið fer
ég meina Bjarna.
...
Höf. Pétur Hraunfjörð.

Lesa meira

PÓLITÍSK LINDÝR

Mosi spyr hvað eigi að kalla stjórnmálafólk sem brýtur reglur sem það setur öðrum, lætur hagsmunaaðila bjóða sér í dekurferðir og síðan þyrlu Landhelgisgæslunnar snatta með sig fram og til baka á ráðherrafundi. Þau sem ekki eru í þyrlunum eða í dekurferðunum kóa með í þögn. Mosi klykkir út með því að spyrja hvort vanti beinin í þetta fólk. Þar með hefur hann svarað spurningu sinni. Að sjálfsögðu eru þetta pólitísk lindýr. 
Sunna Sara

Lesa meira

ALLIR TILBÚINIR AÐ SEGJA ÓSATT?

Þyrla Landhelgisgæslunnar flytur dómsmálaráðherra, sem er í hestaferð á Suðurlandi, til Reykjavíkur og aftur tilbaka. Landhelgisgæslan segir þetta hafi verið í leiðinni og þá væntanlega bæði fram og til baka. Þetta eru augljós ósannindi og er óneitanlega óþægilegt þegar kerfið er tilbúið að segja ósatt beint upp í opið geðið á okkur. Stutt er síðan ferðamálaráðherrann fór í dekurferð á vegum hótelkeðju, sem er siðlaust, og braut auk þess reglur sem hún var nýbúin að setja öðrum af því að það var svo gaman að hitta vinkonurnar og dómsmálaráðherrann segir okkur hve verðmætt það sé fyrir sig að komast á hestbak og í sól. Ríkisstjórnin kóar síðan með. Hvað á að kalla þetta? Vantar beinin í ...
Mosi

Lesa meira

UM PRINSIPP OG PRINSIPPLEYSI

Sammála er ég Jóel A. hér á síðunni hjá þér Ögmundur minn um það hvernig fréttamiðlar okkar virðist líta á það sem hlutverk sitt að sefa þjóðina og svæfa og drepa öllu á dreif sem máli skiptir. Í samanburði við stóru pólitísku málin þá sé kossaflangs ferðamálaráðherra með vinkvennum smávægilegt þótt brjóti gegn því sem predikað er. En eftir því sem ég hugsa málið þá finnst mér þetta þó ekki vera eins smátt mál og í fyrstu. Það varðar nefnilega prinsipp eða öllu heldur prinsippleysi. Þá er ég ekki bara að hugsa um fjarlægðartakmörk sem stjórnvöld ráðleggja heldur að vinkonurnar hafi verið í boði hótelkeðju! Semsagt ferðmálaráðherra fer ...
Mosi  

Lesa meira
Allt Frá lesendum

Fréttabréf

 

Frjálsir pennar

Kári skrifar: STUTT YFIRLIT UM ALÞJÓÐLEGA DÓMSTÓLA OG GERÐARDÓMA - síðari grein

... Vonandi hefur þessi stutta umfjöllun, í tveimur greinum, fært einhverja lesendur nær skilningi á alþjóðlegum dómstólum og gerðardómum. Segja má að hlutverk alþjóðlegra dómstóla, eins og t.d. stríðsglæpadómstóla, sé ekki hvað síst að senda skýr skilaboð um það að sameinuð ríki heims muni láta sig það varða ef ákveðin ríki önnur láta viðgangast að þar séu framin þjóðarmorð og stríðsglæpir. Að slíkt verði ekki látið átölulaust.
Nú geta menn í sjálfu sér deilt um það hvernig réttlæti virkar í raun og hvernig mismunandi ríki standa þar gagnvart réttlætinu ...

Lesa meira

Baldur Andrésson skrifar: BALLERI-BRELLAN

Vopnasali til “heppilegra” herstjóra i Afríku að undirlagi CIA og stoltur útgerðarstjóri eigin” öryggissveita” til heppilegra manndrápa m.a. í Sómalíu, gerðist Íslandsvinur 2019. Michele Ballarín er hörkukvendið, sú sem keypti flugfreyjubúninga WOW 2019 ( þó án innihalds) og hélt að flugfélag fylgdi með í tombóluverði. Boðaði þvi ný flugtök WOW um jól en graut skorti i skálina, vængi á fuglinn. Nýkveikt ást ...

Lesa meira

Baldur Andrésson skrifar: ÁRÁSIR Á FLÓTTABÖRN

Samblanda af kynþátta-, trúarfordómum og fávisku er rót að illgjörnum árásum á fjögur egypsk flóttabörn og foreldra þeirra, sem hér hafa leyft sér að guða á glugga. Mannorðsníðingar dylgja um föður barnanna, stimpla hann sem líklegan “hryðjuverkamann” ! Fyrir það ámæli eiga ekki síst börn hans að líða. Maðurinn varð aktívisti þegar “ arabíska vorið” kom 2011 til Egyptalands, andóf gegn harðræði. Ekki fer allt að óskum og frá 2014 tók við ný harðstjórn, fræg fyrir ofsóknir gegn fyrri “ ólátabelgjum” Launmorð, pyntingar, aftökur, ólögmætar fangelsanir hafa snúið að þúsundum í Egyptalandi og gera það enn. Þá eru stimplar ekki sparaðir af ...

Lesa meira

Kári skrifar: STÓRA RÁNIÐ UNDIRBÚIÐ - FRAMHALDSUMRÆÐA NÍU - RAFORKUTILSKIPUN 2019/944 ESB - ORKUPAKKI 4

 ... Efist einhver um að þetta sé raunverulega svona í pottinn búið, þá ætti sá hinn sami/sú hin sama að spyrja sig: hefur einhvern tíma verið kosið um þetta fyrirkomulag [að Ísland yrði hluti að innri orkumarkaði Evrópu]? Hefur verið haldin þjóðaratkvæðagreiðsla um fyrirkomulagið? Kallar þjóðin sjálf eftir þessu fyrirkomulagi? Er hugtakið „lýðræði“ það fyrsta sem fólki kemur til hugar í þessu ferli öllu saman, eða frá því að fyrsti orkupakkinn var innleiddur? Eru stjórnmálamenn tilbúnir að leggja spilin á borðið í þessu máli fyrir næstu kosningar? [Þvert á flokka] ...

Lesa meira

Baldur Andrésson skrifar: PCC SE. - ÚTRÁSIN TIL ÍSLANDS.  ( Um eiganda og skuldabera hans)

Þýski hringurinn PCC SE, sérhannað útrásarfyrirtæki, gumar af yfirráðum og eign á 82 leppfyrirtækjum sínum í 18 ríkjum víðsvegar um heim, einu á Íslandi. Öll bera þau sjálfstæða ábyrgð, en eiga að skila eiganda arði. Íslenska “ útibú” PCC SE hlaut nafn, BakkiSilicon hf. Eigandinn hefur ráðskast með öll umsvif þess á Íslandi og erl.viðskipti þess. En sett alla ábyrgð á herðar BakkiSilcon hf, m.a. gífurlega skuldabyrði, sem nú er að sliga útibúið á Íslandi. Við bætast ...

Lesa meira

Kári skrifar: STUTT YFIRLIT UM ALÞJÓÐLEGA DÓMSTÓLA OG GERÐARDÓMA

Í umræðu samtímans gætir eðlilega nokkurs misskilnings hvað snertir alþjóðlega dómstóla og lögsögu þeirra. Misskilningurinn er fullkomlega eðlilegur sökum þess að dómstólarnir eru margir, þeir eru langt frá fólki í daglegum veruleika lífsins og fjalla um mál sem mörgum eru fjarlæg. Í fyrsta lagi þarf að gera greinarmun á alþjóðlegum dómstólum annars vegar og svæðisbundnum (regional courts) dómstólum hins vegar [sbr. Mannréttindadómstól Evrópu]. Í öðru lagi þarf að hafa í huga hvaða ...

Lesa meira
Allt Frjálsir pennar