Eldri greinar 2005

...Menn tengja gjarnan það besta í gjörðum okkar kristinni arfleifð. Það sækir mjög á hugann að þetta sé hreinlega rangt. Hvað með upplýsinguna, heimspeki almennt og hvað með heilbrigða skynsemi, er virkilega ekki eitthvað innbyggt í okkur öll sem má kalla því nafni? Mjög hrár bókstafsboðskapur sem berst úr kirkjunum - stundum útvarpað - finnst mér hreinlega óþægilegur, áreitinn án þess að vera vekjandi og uppbyggilegur. Iðulega hefði ég fremur kosið að heyra heimspekifyrirlestur eða gott ljóð. Séra Gunnar Kristjánsson á Reynivöllum í Kjós höfðaði hins vegar mjög sterkt til mín í útvarpsmessu á föstudaginn langa. Kannski vegna þess að predikun hans var í senn heimspeki og ljóð. Efinn fær líka að vera til í boðskap hans: ".. Raunar er efinn samofinn trúnni, því að engin trú er hugsanleg án efa - og skyldi nokkur efi vera til án trúar? Trú er ekki í því fólgin að leggja trúnað á hvaðeina sem sagt er og þaðan af síður að ...

Birtist í Morgunblaðinu 27.03.05
Nú kemur á daginn að stuðningshópur Bobbys Fischers ætlar ekki að láta staðar numið heldur skoða mál fleiri einstaklinga sem frelsa má úr ómannúðlegri prísund. Ungur maður af íslensku bergi brotinn, fórnarlamb fordóma og miðaldahugsunar í bandarísku dómskerfi, hefur verið nefndur í því sambandi.
Þannig gæti mál Fischers orðið fordæmi að tilraunum Íslendinga til að láta gott af sér leiða í mannréttindabaráttu. Það er hins vegar ein hætta í málinu...

...Í Útvarpsráði sitja nú af hálfu Sjálfstæðisflokksins tveir harðir frjálshyggjumenn þeir Gunnlaugur Sævar Gunnlaugsson og Andri Óttarsson. Sá fyrrnefndi er sjálfur á kafi í fjárferstingabraski og gefur lítið fyrir opinberan rekstur nema að sjálfsögðu þegar það þjónar persónulegum hagsmunum hans. Andri er einnig á hægri kantinum og skrifar ákaft gegn ríkisrekstri, þar með talið Ríkisútvarpinu, m.a. á vefritinu deiglan.com þar sem hann er í ritstjórn. Eftrifarandi má lesa í grein sem birtist sem ritstjórnarpistill og því á hans ábyrgð á deiglunni.com. Greinin er prýðileg og málefnaleg fyrir hans hatt. Það sem ég hins vegar gagnrýni er að Sjálfstæðisflokkurinn komi til áhrifa í Ríkisútvarpinu mönnum sem vilja stofnunina feiga. Sú var tíðin að Sjálfstæðisflokkurinn var breiður flokkur sem...

Röksemd Þorgerðar Katrínar Gunnarsdóttur, menntamálaráðherra, fyrir að breyta Ríkisútvarpinu í markaðsstofnun/SF er að innihaldi til eftirfarandi: Þá losnar stofnunin við afskipti stjórnmálamanna; fólk eins og mig, það er að segja ráðherrann sjálfan. Ef þetta er vandamálið kann ég eitt ráð við því. Það er að ...

Það er aumt hlutskipti frjálshyggjumanna, sem stæra sig af andstöðu við ríkisrekstur og almannastofnanir, að hafa ekki meiri sjálfsvirðingu en svo að taka að sér stjórn og umsjá ríkisfyrirtækja þegar þeir sjá sér persónulegan hag í því. Nema þeir telji það vera sérstaka köllun að láta planta sér innanbúðar til að valda tjóni og usla og grafa þannig undan þeim ríkisstofnunum sem þeim er treyst fyrir. Er það ef til vill skýringin á framferði formanns útvarpsráðs, frjálshyggjumannsins Gunnlaugs Sævars Gunnlaugssonar í þessu og öðrum ámóta málum sem upp hafa komið? Hefur hann sett sér það takmark að eyðileggja RÚV? Hann hefur alla vega gefið menntamálaráðherra Sjálfstæðisflokksins...

Þorgerður Katrín Gunnarsdóttir, menntamálaráðherra,

 kom fram í sjónvarpsfréttum og reyndi að sefa menn vegna reiði yfir hegðan meirihluta útvarpsráðs við ráðningu fréttastjóra útvarps. Það er að koma frumvarp sem boðar breytta stjórnsýslu í RÚV, segir ráðherrann. Og undir þetta sjónarmið taka margir, og segja að pólitískt kjörnir útvarpsráðsmenn eigi að heyra sögunni til...Hin nánu tengsl Ríkisútvarpsins við Alþingi eru einmitt þess valdandi að spilling og misbeiting valds er í fyrsta lagi öllum ljós og í öðru lagi veldur fyrirkomulagið því að enginn velkist í vafa um að öllum koma málefni stofnunarinnar við. Þegar eitthvað bjátar á er málið umsvifalaust tekið til umræðu á opinberum vettvangi. Viljum við breyta þessu? Viljum við Stöðvar 2 fyrirkomulagið þar sem tiltölulega nýráðinn fréttastjóri, Sigríður Árnadóttir, var rekinn skýringarlaust enda þótt hún væri sögð hafa staðið sig afbragðs vel í starfi. Grunur leikur á að mat eigenda væri að hún yrði þeim ekki leiðitöm. Þess vegna burt með hana. Vilja menn slíkt fyrirkomulag...

Erindi á fundi SARK - Samtökum um aðskilnað ríkis og kirkju 05.03.05.
Ég var beðinn um að svara því á þessum fundi hvaða skýringar ég teldi vera á því að það virtist pólitískt viðkvæmt að ræða spurninguna um aðskilnað ríkis og kirkju.
Svar mitt er á þá lund að viðfangsefnið er nokkuð flókið og að ýmsu að hyggja þegar framtíðarstefna í afstöðu hins opinbera til trúmála almennt er mótuð. Málið er tilfinningaþrungið og af þeim sökum viðkvæmt - líka pólitískt. Ég sá í orðsendingu þar sem þessi fundur er auglýstur að einn málshefjandinn um þetta fundarefni væri...

Það kemur fyrir að prestar hreyfa við okkur í predikunum sínum. Það gerði séra Gunnþór Þ. Ingson sóknarprestur í Hafnarfirði fyrsta sunnudag í febrúar en þá flutti hann áhrifamikla útvarpsmessu. Viðfangsefni séra Gunnþórs voru stefnur og straumar sem nú leika bæði um íslenskt samfélag og alþjóðasamfélagið í heild sinni. Hann hvatti okkur til að sýna árvekni í umhverfismálum, þar þyrftum við að beita okkur á alþjóðavettvangi, sömuleiðis í mannréttindamálum...

Drífu vil þakka dugnaðinn
dengi því fram í hrósi
Hjartahlýu frá henni finn
fór á kostum í kastljósi.
...
Höf. Pétur Hraunfjörð.

Jólin bráðlega bæta geð
Þá bökkum útúr kófi 
Verum bjartsýn vertu með
og hættum grímuþófi.

Hátíðin nú gengur í garð
grímu jól og pestin
Kaupmenn allir fá sinn arð
en tekjufallsbætur restin.

Lítið gerist lötum hjá
Leiðindin allir sjá
Lúnu höfði lyfta má
Líka mætti fara frá.
Höf. Pétur Hraunfjörð.

Velja Dauðann og verja þann,
virðingu þingsins flíka.
Á Íslandi vantar umboðsmann,
ófæddu barnanna líka.

Þannig er talað á þinginu maður,
þar eru fáir til varna.
Ísland er tilvalinn áfangastaður,
ef eyða skal lífi barna.
Kári

Spilakassi er spillingin ein
sparlega ættir að njóta
þetta er algjört manna mein
marga niður brjóta.

Heimilin eiga nú heldur bágt
um hörmungarnar því yrki
Að vinnu er leitað hátt og lágt
og sótt um tekjufallsstyrki.
...
Höf. Pétur Hraunfjörð

Sífellt meira á móti blæs
margir hætta að anda
Sigríður líklega orðin læs
léttir þó nokkurn vanda.
...
Höf. Pétur Hraunfjörð.

Herinn sig hafði burt
hann er kominn aftur
Verður víst um kurt 
sá vandræða raftur.

Vinstri græn virðast nú
vera á undanhaldinu
því leiðitöm og liðleg frú
er liðhlaupi hjá Íhaldinu.

Hörmuleg er andskotans hítin
hér borga eigum íhaldsskítinn
um þetta yrki
lokunarstyrki
er ríkistjórnin eitthvað skrítin?
...
Höf. Pétur Hraunfjörð.

Smáfrétt var nýlaga laumað út um að 21 ma mundi Pentagon verja í fyrsta áfanga stríðsundirbúnings á Vellinum. IAV strax valið í 6 ma verk- hlutann, aftur mætt í hermangið. VG er afar lúpulegt í meðvirkni sinni. Mjög er fyndin vöktun umhverfis þeirra, sem látast ekki sjá, að blásið er nú í herlúður af kjarnorkutröllum. Blástur úr beljurassi er áhyggjuefnið. Svo illa er komið fyrir eldri málefna- skrá VG að vandséð er, á hvaða grunni það appírat stendur nú. Svo langt er gengið að VG blasir við sem tannlaust viðrini, reikult sem ...
Nonni

Algerlega er ég sammála þér Ögmundur að með afnámi 70-ára starfslokareglu hjá ríki og sveitarfélögum er verið að gera vinnustöðum, stjórnendum þar og vinnuandanum illt með þessu frumvarpi sem þú vísar í hér á síðunni. Þetta er vanhugsað. Ég þekki þetta af eigin raun sem stjórnandi á vinnustað sem er umhugað um góðan starfsanda.
Forstöðumður 

Að kaupa völd er krefjandi og dýrt
í kosningum er áróðri faglega stýrt
í Cóvid fári
á næsta ári
er fátæktin svakaleg
það er skýrt.

Þar kreppunnar verður vart
vælir því allt heima
En þetta fólk allt vinnur svart
ekki má því gleyma. 
...
Höf. Pétur Hraunfjörð.

Í morgun hlustaði ég á forsætisráðherrann tala í útvarpi um afstöðu ríkisstjórnarinnar til sóttvarnaraðgerða. Henni fannst allt vera rétt gert. Allt bara tilmæli, ekki bönn. En það eru ekki einu sinni tilmæli til þeirra sem reka viðbjóðslega spilakassa um að loka þeim. Aðstandendur spilafíkla hafa þó grátbeðið um að “góðgerðafélögin” verði skikkuð til að loka. Nei, aldeilis ekki! Ríkisstjórnin hefur meira að segja fyrir því að breyta reglum frá í vor til að undanskilja spilakassaútgerðina timælum sínum. Ég á dóttur sem þessir kassar hafa eyðilagt. Þess vegna vil ég tala tæpitungulaust við ykkur sem stjórna hér. Í mínum augum eruð þið vesalingar.
Móðir spilafíkils