Annað

Föstudaginn 24. desember birtist í Morgunblaðinu mjög athyglisverð grein eftir framkvæmdastjóra Sambands íslenskra auglýsingastofa, Ingólf Hjörleifsson. Greinin ber yfirskriftina Auglýstu skoðun þína. Tilefni greinarinnar eru þær umræður sem sprottið hafa upp vegna fyrirhugaðrar auglýsingar Þjóðarhreyfingarinnar í New York Times...Eftirminnilegt dæmi um mátt auglýsinganna eru auglýsingar BSRB í aðdraganda BSRB verkfallsins 1984. Auglýst voru í sjónvarpi kjör félagsmanna...Eitt skuggalegasta dæmi síðari tíma um misnotkun auglýsingarinnar er sú stórfenglega "lýtaaðgerð" sem framkvæmd var á Framsóknarflokknum fyrir síðustu Alþingiskosningar. Auglýsingastofu var þá falið það erfiða hlutverk ...

Pólitísk jólahugvekja er titill greinar eftir séra Gunnar Kristjánsson á Reynivöllum Kjós, sem birtist hér á heimasíðunni í dálkinum Frjálsir pennar. Greinin er í senn trúarleg og pólitísk eins og titillinn ber með sér. Séra Gunnar vill vekja okkur til umhugsunar og ábyrgðar, ekki aðeins kristna menn heldur alla menn ...

Nýhil útgáfan hefur gefið út annað rit sitt og nefnist það Af okkur undir ritstjórn Viðars Þorsteinssonar og fjallar um þjóðerni og hnattvæðingu. Fyrsta ritið hét Af Stríði undir ritstjórn Hauks Más Helgasonar og fjallaði sú bók um Íraksstríðið og var lítillega um hana fjallað hér á síðunni enda bókin sérlega áhugaverð og vekjandi ... Í bókinni Af Okkur eru margar skemmtilegar greinar, ljóð og myndir og ljóst að þarna fara miklir eldhugar. Í bókinni úir og grúir af nýhugsun og skarpri þjóðfélagsgagnrýni ... Það er mikilvægt að örva umræðu um hugmyndir og pólitík. Nýhil útgáfan gerir það svo sannarlega með útgáfu bókarinnar Af okkur. Ég staldraði ögn við þau ummæli ...

Hér á síðunni voru fyrir nokkrum dögum reifaðar keninngar um valdatafl í Norðurljósum – og Stjórnarráði. Lesandi hafði spurt hvort verið gæti að sáttagjörð væri í smíðum á milli Norðurljósa og Stjórnarráðsins og væri þar komin skýringin á brottvikningu Sigurðar G. Guðjónssonar frá Norðurljósum. Í fréttaskýringu Agnesar Bragadóttur í Morgunblaðinu um síðustu helgi eru líkur leiddar að því að einmitt þetta hafi verið að gerast. En það var margt annað merkilegt og umhugsunarvert sem fram kom í grein Agnesar. Ég staldraði t.d. við eftirfarandi í framhaldi af...

Fyrir nokkrum dögum beindi lesandi til mín spurningum um hræringarnar hjá Norðurljósum, sem ég ekki kunni svör við. Niðurlagsorðin í bréfinu voru þessi: "Eitt smáatriði í lokin. Fyrir okkur sem eru áhorfendur er eitt atriði í símabyltingunni óskiljanlegt. Talsmenn Norðurljósa halda ekki vatni yfir stjórnvisku Sigurðar G. Guðjónssonar, sem nú hefur verið sagt upp störfum hjá fyrirtækinu. Við höfum fylgst með honum skylmast við forkólfa sjálfstæðismanna ..."...Í sunnudagsblaði Morgunblaðsins kunna að vera komin svörin .... Þar er ítarleg fréttaskýring eftir Agnesi Bragadóttur og er hún kynnt í forsíðufrétt. Þar segir m.a.: "að skiptar skoðanir eru á því hversvegna Sigurði G. Guðjónssyni, forstjóra Norðurljósa ,.. var skyndilega sagt upp störfum ...

Þegar séra Gunnar Kristjánsson, Reynivöllum í Kjós, predikar þá hlusta menn – og ekki að ástæðulausu. Það sannaðist enn einu sinni nú í dag þegar útvarpað var úr Brautarholtskirkju messu þar sem séra Gunnar predikaði: Hann á jafnan erindi við fólk, fær okkur til að staldra við og velta fyrir okkur heimspekilegum álitamálum. Þótt séra Gunnar sæki iðulega efnivið í liðinn tíma er samtíminn aldrei langt undan. Í dag rýndi hann í leikritin Sölumaður deyr eftir Arthur Miller og leikrit Hrafnhildar Hagalín, Norður, sem nú er á fjölum Þjóðleikhússins og í Töluð orð Andrésar Björnssonar. Undirliggjandi var boðskapur Fjallræðunnar...

Skemmtileg er sú hugmynd að láta kjósa um þjóðarblóm. Verst er að almennt er fólk ekki búið að átta sig á að atkvæðagreiðslan stendur yfir einmitt nú og fáir dagar til stefnu eða fram til 15. október. Valið stendur á milli sjö blóma sem eru: Blágresi, Blóðberg, Geldingahnappur, Gleym-mér-ei, Holtasóley, Lambagras og Hrafnafífa eða Fífa eins og hún yfirleitt er kölluð. Það er ásæða til að hvetja fólk til þátttöku og verð ég að segja að öll þau blóm sem komin eru í "undanúrslit" eru að mínu mati verðug til að verða þjóðarblóm okkar. Fyrir mitt leyti hef ég komist að niðurstöðu. Niðurstaðan varð Fífa. Að hún  yrði fyrir valinu hjá mér hefði ég ekki trúað að óreyndu. Ég hef þegar kosið Fífuna og lét þar stjórnast af röksemdum Rögnu S. Sveinsdóttur í grein hennar í Morgunblaðinu nýlega....

  ...má segja að Kristín Rós Hákonardóttir, Jón Oddur Halldórsson og fleiri, sem nú síðustu daga hafa gert garðinn frægan á Ólympíuleikum fatlaðara íþróttamanna í Aþenu, hafi   bætt um betur. Þau hafa unnið mikla sigra í sínum greinum, Kristín Rós bætti eigið heimsmet, vann gull og silfur og Jón Oddur vann til silfurverðlauna. Þetta á eflaust eftir að verða mörgu ungu fólki hvatning. En það sem meira er: Þetta á eftir að hvetja fatlað fólk til dáða. Þeir sem búa við fötlun þurfa að leggja harðar að sér en aðrir og eiga þeir aðdáun og lof skilið... 

Fyrir stuttu síðan hlotnaðist mér sá heiður að fá að taka þátt í listsköpun Önnu Hrefnudóttur, myndlistarkonu. Henni hugkvæmdist nefnilega að leita til nokkurra einstaklinga af mismunandi árgerðum og upplagi, og fá þá til mála með sér á striga – óundirbúið og impúlsíft. Í öllum tilvikum gerist þetta í fjöru, í mínu tilviki í Sundskálavör í Skerjafirði. Heimilt er að nota fjörusandinn...

Ef ég væri spurður hvort áherslu ætti að leggja á afreksíþróttir eða almanna-þáttöku í íþróttum myndi ég hallast að hinu síðarnefnda. Málið er þó ekki alveg svona einfalt. Árangur afreksfólksins beinir nefnilega sjónum okkar hinna að íþróttunum, vekur áhuga okkar á þeim og  ef rétt er á haldið getur örvað áhuga ungs fólks að stunda íþróttir. Enn er mér minnisstætt hvernig árangur Friðriks Ólafssonar í skákinni á sínum tíma virkaði sem vítamínsprauta á skááhugann...

Tónlistarmaðurinn Lou Reed er á Íslandi. Margir kannast við hann eins og reyndar marga aðra, listafólk og annað þekkt fólk sem hefur sótt okkur heim að undanförnu. Það eiga þessir gestir sameiginlegt að engan frið fá þeir fyrir landanum, friðlausum af æsingi. Menn vilja ljósmynd eða eiginhandaráritun eða bara góna á hina heimsþekktu gesti. Það er af sem áður var að þekkt fólk sem sótti Ísland heim fékk að vera í friði. Aðkomumenn kunnu að meta þetta og þóttu Íslendingar menn að meiri fyrir að vera lausir við þann fáfengileika sem fylgir þessu frægra manna dekri. Framar öllu kunnu gestirnir að meta að fá að njóta friðhelgi. Fyrir fjórum árum kom Paul McCartney, bítillinn frægi, hingað til lands. Hann var eltur á röndum. Af því tilefni skrifaði ég litla blaðagrein með ákalli til fjölmiðlafólks. Þetta ákall á ekki síður við nú en þá.

Mikið fjölmenni var við opnun málverkasýningar Valgarðs Gunnarssonar, myndlistarmanns í Munaðarnesi á laugardag og var félagsmiðstöðin í orlofsbyggðum BSRB full út úr dyrum. Anna Kristín Arngrímsdóttir, leikkona las ljóð og Álftagerðisbræður sungu. Að venju var boðið upp á veitingar í samvinnu við Unni Ágústsdóttur, sem rekur veitingastaðinn í Munaðarnesi. Fólk kom víða að til þessarar menningarhátíðar en greinilegt er að fólk úr nærliggjandi sveitum sækir þessar árlegu hátíðar BSRB reglulega...

BSRB sýnir það framtak á hverju sumri að efna til Menningarhátíðar í orlofsbyggðum bandalagsins í Munaðarnesi. Opnuð er málverkasýning sem síðan stendur allt sumarið og er það Valgarður Gunnarsson sem sýnir að þessu sinni. Álftagerðisbræður munu syngja og Anna Kristín Arngrímsdóttir leikkona verður með upplestur.

Haft var eftir Halldóri Ásgrímssyni, utanríkisráðherra og formanni Framsóknarflokkksins í morgunfréttum, að það væri skylda Ólafs Ragnars Grímssonar, forseta Íslands, gagnvart íslensku þjóðinni að sækja brúðkaup sonar Margrétar drottningar í Danmörku. Hvað veitir Halldóri Ásgrímssyni rétt til að tala á þennan hátt fyrir hönd íslensku þjóðarinnar? Ég segi fyrir mitt leyti að ...

Í áhrifamikilli predikun, sem útvarpað var í morgun hnykkti séra Gunnþór Ingason á nýlegri ályktun Prestastefnu Íslands þar sem íslensk stjórnvöld eru hvött til þess að draga tilbaka stuðning sinn við stríðsreksturinn í Írak. Séra Gunnþór varaði einnig við vígbúnaði í himingeimnum og vísaði þar augljóslega til ...

Eiríkur staldrar sérstaklega við þá yfirlýsingu Katrínar Jakobsdóttur, varaformanns VG, nýlega að breyta þurfi orðræðu í íslenskri pólitík. Eiríkur kemst að þeirri niðurstöðu, að þetta sé til marks um að Vinstrihreyfingin grænt framboð sé búin að gefa upp á bátinn allar tilraunir til að breyta þjóðfélaginu í átt til jafnaðar og félagslegs réttlætis. Ég hef skilið Katrínu Jakobsdóttur svo, að hún telji ...

Hver man ekki eftir undirskriftinni hágé á Þjóðviljanum forðum? Þetta var að sjálfsögðu undirskrift Helga Guðmundssonar, rithöfundar, stjórnmálamanns og verkalýðsforkólfs til langs tíma, en Helgi stóð um árabil í framvarðarsveit verkalýðsbaráttunnar – og lætur reyndar enn til sín taka á því sviði. Í gær birtist pistill eftir Helga Guðmundsson hér á síðunni í dálkinum frjálsir pennar. Helgi mun skrifa pistla hér annað veifið og er ég viss um að margir munu hafa áhuga á...

Drífa Snædal, ritari VG, skrifar mjög áhugaverða og vekjandi grein hér á síðuna í gær um kvennabaráttu. Hún setur þessa baráttu í sögulegt samhengi en hennar niðurstaða er sú, að þótt réttindabarátta kvenna hafi tekið breytingum í tímans rás, þá hafi hún ekki tekið eðlisbreytingu...

Í magnaðri predikun séra Arnar Bárðar Jónssonar, sem útvarpað var úr Neskirkju í Reykjavík í Ríkisútvarpinu í dag, var spurningu á þessa lund varpað fram og brá prestur þar út af skrifuðum texta. Með spurningunni vildi séra Örn Bárður minna okkur á að við erum hluti af alþjóðasamfélaginu, látum þar til okkar taka og að því fylgi ábyrgð. Hann minnti á siðferðilega ábyrgð mannsins gagnvart meðbræðrum sínum, óháð trúarbrögðum. Hann kom víða við, fjallaði þó fyrst og fremst um alþjóðamál en vék einnig að öðrum málum, m.a. frumvarpi sem liggur fyrir Alþingi um málefni útlendinga. Tilvísanir í bókmenntir voru ríkulegar, sannkölluð veisla! ...

Fyrir ríkisstjórn sem nánast hefur verið í rassvasa Kára Stefánssonar öll þessi ár hljóta þetta að vera kaldar kveðjur. Þegar verið var að koma fyrirtækinu á laggirnar lét forsætisráðherra þjóðarinnar stilla sér upp eins og glitrandi tryggðapanti við undirskrift samninga í Perlunni í Reykjavík, á milli forstjóra ÍE annars vegar og fjölþjóðafyrirtækisins Hoffman La Roche hins vegar. Þetta voru augljós skilaboð til fjárfesta. Enginn vafi leikur á að þessi nána tenging fyrirtækisins við ríkisvaldið styrkti mjög stöðu þess í öllum viðskiptasamningum. Þá var það nú meira en sýndargreiði þegar Landsbankinn og Búnaðarbankinn keyptu bandaríska áhættufjárfesta ...

Birtist í Fréttablaðinu 18.03.04.
Davíð Oddson lætur ríkið skrifa um sig sagnfræðirit og nú segist forsetinn valdamaður sem vilji geta talað hátt og svarað fyrir sig þegar á hann er ráðist – væntanlega af forsætisráðherranum.
Er verið að setja þjóðina upp á áhorfendapalla? Stendur til að við kjósum yfir okkur menn – valdamenn - til að tala yfir okkur og fyrir okkur?...

Í dag gerist það síðan að kaupfélagsstjórinn í Skagafirði, Þórólfur Gíslason, sendir inn á borð Efnahags- og viðskiptanefndar erindi með ósk um að lögum verði breytt á þann veg að 5% reglan verði hreinlega numin brott. Í röksemdafærslu kaupfélagsstjórans segir m.a. um núverandi aðstæður:...

Þarna eru mikilvægir fjölmiðlar að sameinast og að því leyti sem þetta kemur til með að styrkja rekstur þeirra er þessi breyting jákvæð og til góðs. Það er óhemju dýrt að reka góða vandaða fjölmiðla og það er mikilvægt að fjölmiðlar hafi mjög styrkar fjárhagslegar stoðir svo þeir geti framleitt gæðaefni. Nú er okkur sagt að rekstri þessara fyrirtækja verði haldið aðgreindum þannig að óljóst er að hvaða...

Birtist í Fréttablaðinu 07.01.2004
Ráðamenn sem tala á þann drambsama hátt til þjóðarinnar, sem Davíð Oddsson gerði á gamlársdag, verða að fá orð í eyra. Þeir þurfa aðhald. Þeir þurfa hreinlega á leiðsögn að halda. Í því efni má þjóðin ekki bregðast þeim...

Ólafur Ragnar Grímsson hefur sagt margt ágætt í ávarpsorðum sínum til þjóðarinnar á nýjársdag á liðnum árum og vissulega var sitthvað ágætt í ávarpinu að þessu sinni. En það á ekki við um meginstefið, nefnilega, að við megum ekki vera vond við ríka fólkið, því það þurfi svigrúm til að "athafna sig". Þessi áskorun var sett í búning sanngirninnar! Á öðru var þörf frá Bessastöðum nú, í samfélagi vaxandi misskiptingar....Davíð Oddsson var ánægður með sig og sína í sínu ávarpi. Hér á landi væri allt í stakasta lagi...En viti menn, undir miðnættið á gamlárskvöld birtist síðan Markús Örn Antonsson, útvarpsstjóri með aldeilis bráðgóða hugvekju, þátt um Sigvalda Kaldalóns tónskáldið mikla. Það var einstaklega vel til fundið af Markúsi Erni að flétta saman lífshlaup og list Sigvalda sinni hugvekju og á útvarpsstjóri...