... Fyrir aldarfjórðungi vorum við samherjar í baráttu fyrir fólk sem hafði lent í misgenginu fræga 1983-1984. Þú í Sigtúnshópnum en ég á Akureyri. Nú þegar hrópað er á leiðréttingu vísitöluhækkunar upp á 10% á einu ári verður mér hugsað til 40% hækkunar á lánskjaravísitölunni 1983 með fasta launavísitölu. Þá var lítið gert annað en að lengja í lánum og bjóða upp á viðbótarlán. Munurinn þá og nú er að vísu sá að þá voru menn ekki skuldsettir langt upp fyrir haus, ekki með bílalán og lán til nánast alls sem mönnum datt í huga að kaupa. Lánafylleríið mikla þar sem bankarnir mokuðu út lánsfé eins og ÁTVR hefði gefið öllum alkóhólistum þjóðarinnar vín!!! Að mínu áliti er engin ástæða til að gera ...
Magnús

Föstudagskvöldið 25. september greip ég Fréttablað dagsins til að fletta meðan ég horfði með öðru auganu á söfnunardagskrá ríkissjónvarpsins „Á rás með Grensás". Svona söfnunarátak er aðdáunarvert og í þættinum var virkileg samstöðustemning. Samkvæmt fréttum kvöldið eftir höfðu 120 milljónir safnast þá. Það er hins vegar dapurlegt að þörf sé á slíku söfnunarátaki fyrir jafnbrýna heilbrigðisþjónustu og Grensádeildinni er ætlað að veita. Og vel að merkja, þessi söfnun er ekki til komin vegna þeirrar kreppu sem við búum við núna, hér var verið að ......Á 2. síðu Fréttablaðins þennan dag var fyrirsögnin „Leggja milljarða í nýtt einkasjúkrahús". Í fréttinni var sagt frá áætlunum um byggingu einkarekins sjúkrahúss sem mun sérhæfa sig í mjaðma- og hnjáliðaaðgerðum á erlendum ríkisborgurum og sagt að sjúklingar muni aðallega koma frá Evrópu og Bandaríkjunum, „en kjósi Íslendingar að kaupa sér heilbrigðisþjónustu á eigin kostnað sé það þeim í sjálfsvald sett," er haft eftir framkvæmdastjóranum. Það þarf svo sem ekki að ...

Uppnám og vanstilling fer nú eins og vindhviða fyrir dómkirkjuhorn. Sá sem því veldur er Davíð Oddsson, ritstjóri. Ég skil ekki að menn skuli nenna að fá útrás fyrir óánægju sína í Davíð Oddssyni. Ég er svo sem engin sérstök áhugamenneskja um Davíð, en mér finnst hann ekki njóta sannmælis þegar menn eru að reyna að staðsetja hann í íslenskum stjórnmálum, staðsetningu sem menn nota svo til að sannfæra sig um að hann muni misnota Morgunblaðið sem sumpart á sér glæsta sögu og hefð, sem íslenskir blaðaunnendur ættu að meta.  
Án þess að draga fjöður yfir þá skoðun mína að mörg mistök voru gerð á efnahagssviði á löngum fosætisráðherratíma Davíðs Oddssonar þá held ég að sagan muni ekki skilgreina hann sem einskæran sérhagsmunagæslumann, fjarri því. Rithöfundur er ekki sérhagsmunagæslumaður. Ég er til dæmis ekki viss um að Davíð stjórnmálamaðurinn sé meiri ...
Ólína

...Sú spurning sem vaknar er þá þessi: Munu íslenskir sjúklingar leita inn á hina nýju einkaspítala og krefjast hlutdeildar hins opinbera í kostnaði? Liggur þetta í hugmyndinni? Munu sjálfstætt starfandi læknar vilja fá hið besta af báðum heimum, starfa á einkaspítala en jafnframt fá greiðslur frá hinu opinbera í gegnum Sjúkratryggingar? Hér gilda ekki eingöngu yfirlýsingar um ásetning manna því við verðum í alvöru að velta því fyrir okkur hvaða þrýstingur verður uppi þegar nýr einkarekinn veruleiki lítur dagsins ljós. Mikilvægt er að taka þessa umræðu strax. Um er að ræða hagsmuni sjúklinga, starfsfólks, skattgreiðenda, almannaþjónustunnar - og sjálfstætt starfandi sérfræðinga. Sú staða gæti nefnilega skapast ...

Viðtal í Viðskiptablaðinu 17.09.09.
..."Ég vil að minnsta kosti ekki þenja út nýja sjóði á sama tíma og við erum að draga saman endurhæfingu hjá aðilum á borð við Reykjalund og Grensás. Ég hefði því kosið að verkalýðshreyfingin beindi ekki bara sjónum sínum að sjóðum sem tengjast henni heldur heilbrigðiskerfinu almennt. Flestir sem njóta almannaþjónustu heilbrigðiskerfisins bera uppi verkalýðshreyfinguna og henni ber að verja hagsmuni almennings í þessu sambandi. Eða til dæmis berjast gegn markaðslausnum sem oftast reynast miklu dýrari, að minnsta kosti fyrir verkafólk sem veikist..."

Svolítð erfitt er að átta sig á Staksteinum Morgunblaðsins í dag að öðru leyti en því að ritstjóri blaðsins tekur þar undir með forystu Sjálfstæðisflokksins um að álitamál sé hvort sá flokkur eigi yfirleitt nokkra samleið með ríkisstjórninni í Icesave-málinu. Tilefnið er viðtal við mig síðastliðinn föstudag í Spegli RÚV þar sem ég furðaði mig á þessari afstöðu flokksins í ljósi þess sem á undan er gengið. Hef ég hvatt til þverpólitískrar samstöðu í þessu máli og minnt á að þegar þeirri aðferð hefur verið beitt í yfirstandandi erfiðleikum þjóðarinnar þá hefur það skilað árangri. Til marks um það eru Icesave fyrirvaranrir frá í sumar. Þar komu ....

Á að setja bráðabirgðalög um Icesave í fullum trúnaði? Eru allir búinir að tapa sér í leynimakki? Menn geta gefið eftir í Icesavemálum, en ekki með því að rjúfa trúnað við þjóðina og lýðræðið. Það má ekkert gera í þessu máli án aðkomu þingsins.
Hreinn K

Reuters fréttastofan sendi frá sér frétt í gær. Fréttin var um siðferði danskra hægri manna, um ungan dómsmálaráðherra, Lene Espersen. Lene þessi lét þess getið þegar hún kom fyrir fjárlaganefnd danska þjóðþingsins að hún hyggðist láta kanna, hvort ástæða væri til að ábyrgðarvæða þá sem stýrðu danska fjármálaeftirlitinu. Nú hefur Lene Espersen falið óháðum lagasérfræðingum að kanna hvort efni eru til þess að höfða mál gegn stjórnendum og ábyrgðarmönnum danska fjármálaeftirlitsins á grundvelli laga um réttindi og skyldur þeirra sem gegna opinberum embættum. Svona bregst ...
Ólína

Viska þorsteins Pálssonar er ekki þjóðhagslega hagkvæm. Hann hefur farið í gegnum dómgreindar hreinsun Sjálfstæðisflokksins. Of fáir hafa komist frá þeirri hreinsun með nothæfa dómgreind í landsmálapólitík í áraraðir. ESB áhugi sumra sjálfstæðismanna er gott dæmi um það. Mér ofbýður stundum.... Þorsteinn talar eins og hann sé óreyndur í þannig vinnu. Hann minnir mig á barn í sandkassaleik ...
Anna Sigríður Guðmundsdóttir

...Undir þetta hafði forsætisráðherrann tekið. Í þessum anda hafði framkvæmdavaldið farið með málið inn í þingið,  skuldbindingalaust - gengið til samráðs - í anda vinnulags sumarsins. Svarið sem ráðherrarnir fá er hins vegar afdráttarlaust. Við ætlum ekki að draga ríkisstjórnina að landi!!!  Þetta voru skilaboð Sjálfstæðisflokksins. Svona hugsa þeir sem telja að flokkur sinn sé stærri en þjóðin. Þjóðin veit hins vegar að svo er ekki. Sjálstæðisflokkuriunn sýndi í kvöld hve agnarsmár hann er...

...Þið svikuð fólkið í landinu svo illilega eftir að þið komust til valda að ykkur verður ekki fyrirgefið.  Þið eltið alla ... rotnu spillinguna og vitleysuna í Evrópuflokki Jóhönnu Sig. og co.  Það er sárt að segja að fjöldi fólks getur ekki lengur vitað hvort það sem þið segið er logið eða satt, hvort orð ykkar muni standa. Og það er ykkar tap.
Þið voruð andvígir AGS (IMF) og þeir ...
EE elle

...Ef það hefði verið boðskapurinn frá hinum norrænu gestum þá hefði verið hægt að taka þá og yfirlýsingar þeirra alvarlega. Svona var það þó ekki. Þess vegna leitaði hugurinn upp á Kremlarmúrinn. Áttatíu árum eftir að hugsjónirnar dóu austur þar. Og við tók jakkafata- og (í minna mæli) dragtarklæddur veruleikinn. Veruleiki sem stýrður er af vel snurfusuðu fólki sem líður vel í öllum kerfum...

...Þegar Þórólfur Matthíasson kynnti sínar hugmyndir á dögunum hrökk ég við, vegna þess að þarna voru nákvæmlega sömu hugmyndir á ferðinni og við höfðum skoðað 1983. En nauðsynlegt er að laga einnig öll viðmið varðandi verðtryggingar og miða verður við verðmæti fastaeignanna hverju sinni. Það er ekki flókið og við eigum vísitölu sem hægt er að nota með nokkrum breytingum til viðmiðunar. Það er síðan viðfangsefni stjórnmálanna að ákveða í hvaða hlutfalli af tekjum væri eðlilegt að endurgreiðslan væri og ekki ósennilegt að hlutfallið yrði að vera eitthvað lægra en við gerðum ráð fyrir forðum.
Kristbjörn Árnason

Mig langar til að þakka Ólínu fyrir lesendabréfið/greinina hér á síðunni hjá þér nýlega Ögmundur undir yfirskriftinni Veröldin að hætti Þorsteins....Þetta er afburða góð pólitísk greining Ólínu á skrifum Þorsteins Pálssonar, fyrrverandi ritstjóra Fréttablaðsins. Ólína hefur greinilega góða sögulega yfirsýn. Ekki búin að gleyma því að Þorsteinn er...gamall harðlínupólitíkus úr Eimreiðarhópnum sem vildi Báknið burt, les: Niður með velferðarkerfið!
Mér varð hugsað til þessa þegar Þorsteinn sagði í Moggaviðtali fyrir nokkrum dögum að sér þætti þjóðfélagsleg nauðsyn og ábyrgt þegar VG sviki stefnumál sín! Hver skyldu þessi stefnumál vera? ...
Grímur  

...Þetta var upphaf forsíðufréttar Morgunblaðsins síðastliðinn fimmtudag. Þar var einnig vitnað til upplýsinga frá Lýðheilsustöð m.a. um dauðsföll af völdum reykinga. Upp í hugann komu bílarnir tveir, sundurtættir hvor andspænis öðrum ofan á gámi eða einhveju slíku, sem blasa við sjónum þegar ekið er upp á Hellisheiðina. Stórum stöfum segir frá hve mörg dauðaslys hafi orðið í umferðinni það sem af er ári. Nú stendur talan í tíu. Yfirleittt endar talan á milli tuttugu og þrjátíu. Dauðatalan vegna reykinga er nokkru hærri. Hún er fjögur hundruð - 400  - yfir árið! Sigríður Ólína Haraldsdóttir segir í fyrrnefndri Morgunblaðsfrétt að oftar en ekki verði sjúklingar undrandi þegar þeim er greint frá því að...

Mikil vá vofir nú yfir þar sem útlendingar eru nálægt því að eignast þriðja stærsta orkufyrirtæki landsins og OKKAR landsmanna. HEIMSKA EÐA MÚTUR?: Ekkert annað skýrir þessar gjörðir landráðaflokkanna í Borgarstjórn en mútur því enginn heilvita maður myndi svíkja þjóð sína svona, en þetta eru víst ekki heilvita menn. Og þó nóbelsverðlaunahafinn Joseph E. Stiglitz hafi nánast fallið á kné og grátbeðið okkur fyrir nokkrum dögum að GERA ÞETTA EKKI. Hann sagði að ....
Skattborgari

...Villi hefur 100% rétt fyrir sér á vefsíðunni þinni dag. Ég veit að menn sjá mikið eftir að einkavæða eldhús og ræstingar á sjúkrahúsunum í Kanada, og þá örugglega annarsstaðar.  Það er reynt í gríð og erg að snúa við, en það reynist kostnaðarsamt eftir breytinguna þar sem að allt verður að byrja upp á nýtt. Tækin, starfsfólkið og þjónustan er orðin allt önnur og einkafyrirtækin hafa fengið þefinn af einokunarstöðu sinni.  Þau vilja eðlilega ...
Helgi

Komdu sæll. Varðandi einkavæðingu á ræstingu og eldhúsi LSH Fossvogi langar mig að spyrja hvort þú hafir kynnt þér þessi mál í nágrannalöndum okkar? Ég þurfti ekki að fara langt á netinu til að sjá að það eru allir að reyna að snúa til baka. Heilbr.ráðherra Skotlands er búinn að banna alla einkavæðingu á ræstingu og eldhúsi á NHS spítölum. Ég sendi þér hlekk um þetta...Í Kanada eru þeir óðum að vinda ofan af þessu. Hvernig er hægt að gefa afslátt á hreinlæti í spítala? Svo vil ég hvetja þig til að vera með hands on stjórnun. Fylgstu með hvernig spítalamenn stjórna. Það er ekki nóg...
Villi

DV undir stjórn Reynis Traustasonar og Jóns Trausta Reynissonar hafa sýnt góða takta í fréttamennsku síðasta árið. Blaðið hefur upplýst fjölda margt um baksvið bankahrunsins og veitt okkur innsýn í það endalausa dellumakerí sem bankadrengirnir aðhöfðust áður en umheimurinn uppgötvaði takmörkun þeirra og vitleysugang.
Síðast afhjúpaði DV Bjarna Ármannsson enn einu sinni þegar blaðið sagði frá að 800 milljónir króna sem félag hans tók að láni þyrfti líklega að afskrifa. Fín frétt hjá DV. Hinir fjölmiðlarnir, þeir sem eru seinni til og þykjast sjálfir vera vandari að virðingu sinni, mættu mjög gjarnan upplýsa fyrir okkur eftirfarandi...
Gunnar

Nú er ár liðið frá því bandaríska/fjölþjóðlega fjármálafyrirtækið Lehman Brothers varð gjaldþrota. Í snarhasti voru milljarðar fluttir frá London vestur um haf - til að bjarga verðmætum "heim". Í London var skrifstofum lokað og þúsundir misstu vinnu sína í höfuðborg Bretlands. Nokkrum dögum síðar hrundu útibú Landsbankans í Bretlandi - eða öllu heldur þeim var hrundið. Breska stjórnin ákvað að frysta allar eigur Landsbankans með hryðjuverkalögum. Hvers vegna hryðjuverkalög á Ísland ...

Í morgun fékk ég senda í tölvupósti myndasyrpuna hér að neðan. Hún er áhrifarík. Annars vegar af ofsóknum á hendur gyðingum frá valdaskeiði Nasista og hins vegar af ofsóknum á hendur Palestínumönnum af hálfu Ísraela. Stundum er eins og við - flest hver -  höldum að ofbeldið og hinir raunverulegu glæpir gegn mannkyni séu fyrri tíma mál...

Daginn sem Magnús Árni Skúlason, bankaráðsmaður í Seðlabanka Íslands fyrir Famsóknarflokk, hafði samband við íslensk og bresk fyrirtæki í því skyni að kom upp milli þeirra gjaldeyrissamskiptum fyrirgerði hann stöðu sinni í bankanum. Þetta gjaldeyrismál er ekki flóknara en svo...og það þarf að krefja Sigmund Davíð Gunnlaugsson svars við því hvort endurnýjun Framsóknarflokksins felist í að ...  
Ólína

... Það virðist vera alveg sama, ég er rukkuð um tilkynningar og greiðslugjald, þótt svo ég fái ekki greiðsluseðlana. Það virðast ekki vera nein takmörk fyrir því hve þessir bankagúrúar geta plokkað af fólki. Var ekki búið að breyta þessu, mig minnir að Björgvin, fyrrum viðskiptaráðherra hafi komið því á koppinn. Vil koma því að að þú ert mjög vel ...
Kristjana Al.

...Maður hefði ætlað nú eftir hrunið að slíkir aðilar temdu sér hógværð í málflutningi. Af viðtali við Hannes G. Sigurðsson, aðstoðarframkvæmdastjóra Samtaka atvinnulífsins, í Sjónvarpsfréttum í kvöld að dæma, hafa þessir aðilar ekkert lært. Hannes var stóryrtur í garð ríkisstjórnarinnar fyrir "að draga lappirnar" í endurreisnarstarfinu. Á hvern hátt skyldu stjórnvöldin draga lappirnar að mati SA? Þau vilja ekki, að sögn aðstoðarframkvæmdastjórans, að stóriðjustefnunni verði áfram hrundið fram af sama offorsi og til þessa (með geigvænlegri skuldsetningu orkufyrirtækjanna), þau vilji ekki hleypa erlendum fjárfestum í orkuiðnaðinn og þau vilji ekki virkja Þjórsá! Allt þetta vill Hannes ólmur að gert verði í snarhasti. Álíka ólmur er hann - og félagar hans í atvinnurekendasambandinu - og þeir voru áður fyrr að...

Finnst þér Ögmundur, að það sé núna hinn rétti tími til að eyða helstu kröftum ríkisstjórnar og embættismanna ráðuneytanna í að svara spurningum Olla stækkunarstjóra ESB? Fyrir mér er þetta dauðans alvara og þess vegna spyr ég vafningalaust: Er ykkur ekki enn ljóst að það ríkir alvöru kreppa hjá okkur mörgum?
Pétur Örn

Birtist í Fréttablaðinu 07.09.09
Tveir gamlir stjórnmálajaxlar leggja undir sig leiðarsíðu Fréttablaðsins um helgina. Annar skrifar leiðara, hinn pólitíska fréttaskýringu. Báðir eru fyrrverandi. Leiðarahöfundurinn er fyrrverandi formaður Framsóknarflokksins, stjórnmálagreinandinn fyrrverandi formaður Sjálfstæðisflokksins. Einhvern veginn fannst mér skrif þeirrra beggja vera svolítið fyrrverandi... Þetta er dæmigerð stjórnmálahugsun gærdagsins. Morgundagurinn snýst um opna umræðu og lýðræðislega. Þeir sem reyna að gera hana tortryggilega eiga heima í sögubókum fortíðarinnar....

Köguður kíkti af hól sínum um liðna helgi í morgunblöðum landsins. Annars vegar í viðtali við Morgunblaðið og hins vegar í stjórnmálaumfjöllun í Fréttablaðinu. Skyggni af þeim hól virðist hafa verið lélegt um helgina, en af því Þorsteinn Pálsson, fyrrverandi formaður Sjálfstæðisflokksins, forsætisráðherra, en umfram allt sjávarútvegsráðherra, gerir sér far um að skýra stjórnmálaástandið er ástæða til að fjalla nokkuð um það sem hann kallar, að draga málefnalegar ályktanir af pólitískum hræringum dagsins. Það er líka áhugavert að fara nokkrum orðum um þann heim sem Þorsteinn Pálsson sér þegar hann skyggnist um .....Sá sem stýrir hvíta kóngnum er sagður raunsæismaður, Ögmundur er fyrirvaramaðurinn, sá óábyrgi. Hér gerir Þorsteinn hvítum upp skoðun. Fjármálaráðherra hefur lagt áherslu á að þingið sjálft ætti að fara vandlega yfir málið, og afgreiða að sínum hætti. Hann hefur jafnframt sagt að hann sé prýðilega ánægður með niðurstöðu Alþingis.   Málið snérist ekki um að  ... Eða ber að skilja Þorstein Pálsson á þá leið, að OECD, Icesave að hætti Breta og Hollendinga, og þess vegna Alþjóðagjaldeyrissjóðurinn séu hvítir á taflborðinu, en þeir sem vilja reisa rönd við innheimtumönnum hins alþjóðlega fjármagns, eins og Stieglitz nefndi þá, þeir eru svartir í valdataflinu? Hefði ekki mátt hugsa þessa analýsu örlítið
Ólína

Er réttlætanlegt að verja milljörðum til að reisa tónlistarhús við höfnina á sama tíma og skorið er niður í heilbrigðiskerfinu? Ég segi nei. Sé ekki að tónlistarmenning landans sé að hruni komin. Vissulega á hún skilið höll. En við höfum ekki efni á því núna. Ætlar þessi ríkisstjórn virkilega að verja takmörkuðum fjármunum ríkisins í steypu fremur en fólk? Þetta ...
Baldur Ragnarsson

Hver er þín siðferðilega staða Ögmundur, nú þegar ráðist er að opinberum starfsmönnum af ríkistjórn sem þú situr í? Er þér siðferðislega stætt á því að þykjast vera talsmaður opinberra starfmanna lengur?
Stefán Arngrímsson

Joseph Stiglitz fór almennnt vel í Íslendinga. Það leyfi ég mér að fullyrða. "Hófasamur" og  "í góðu jafnvægi" voru lýsingar sem ég heyrði frá fleiri en einum eftir Silfur Egils í gær. Sama var uppi á teningnum eftir opna fundi hans í dag í Háskóla Íslands og með þingmönnum og ríkisstjórn. Ég ætla að nefna tíu atriði sem fram komu hjá Stigliz og mér þóttu athyglisverð...

Samræðulækurinn er bakkafullur á Íslandi um þessar mundir. Þá festast margir í útúrdúrum, kjarni máls týnist í grugginu öllu. Hugmyndaringlureið er eimitt akkur valdsins, sem leitt hefur Ísland á vonarvöl. Það safnar vopnum sínum á ný andspænis ringlaðri þjóð. Andsvar fólksins verður að felast í að styrkja heilbrigða dómgreind, styðja við réttlæti og samhjálp, efla á ný eigið sjálfstraust....Tjónið, sköpunarverk þeirra, er þó farg sem er að kæfa lífsanda samfélagsins. Handrukkarar heimsins standa sameinaðir með skuldakröfur sínar. Skaðvaldarnir kannast ekkert við eigin gjörðir, hallmæla  tilraunum til tjónavarna, hindra þær eftir mætti. Trúarskáld frjálshyggjunar yrkja áfram í skjóli ringlureiðar. Þau halda púðrinu þurru , geyma eldspítur í vasa, tilbúin til nýrra skemmdarverka. Eftir ártuga heilaþvottarstörf þykjast þau enn eiga innangegnt í hugmyndaheim landsmanna....

Í dag verður Joseph Stiglitz í Silfri Egils. Þetta þykir mér vera góð byrjun á vetrinum hjá Agli! Stiglitz fékk Nóbelsverðlaunin í hagfræði árið 2001. Hann er fyrrum aðalhagfræðingur Alþjóðabankans en nú prófessor við Columbiaháskóla í New York. Stiglitz var á sínum tíma einn helsti efnahagsráðgjafi Bills Clintons forseta Bandaríkjanna. Stiglitz er kunnur fyrir gagnrýna hugsun og hefur umfjöllun hans um stefnu Alþjóðagjaldeyrissjóðsins og Aljþóðabankans í málefnum skuldsettra ríkja vakið athygli - þó ekki alltaf hrifningu ráðandi afla. Eitt er óhætt að fullyrða: Á Joseph Stiglitz er hlustað. Það verður og gert í ...

Frjálshyggjuflokkarnir eru illa að sér í fjármálum, einsog þjóðin veit núna. Nýjasta dæmið birtis í því að þeir halda að erlend fjárfesting, sé það að lána útlendingum peninga...
Hreinn K

...Ekki svo að skilja að fyrr á tíð hafi heilbrigðisstarfsfólk ekki búið við miklu erfiðari aðstæður en nú. Það sem gerir hins vegar stöðuna verri núna er krafan um að vinda ofan af og draga saman. Það er erfitt. Ákvarðanir sem leiða til lakari þjónustu eða uppsagna eru - og eiga að vera - erfiðar. Verkefnið er hins vegar að reyna í lengstu lög að koma í veg fyrir að einmitt þetta gerist. Nú er það svo að ekkert kerfi er svo gott að það megi ekki bæta það og öll kerfi - þar á meðal heilbrigðiskerfið - eiga að vera í stöðugri endurskoðun. Orðið hagræðing er stundum - og reyndar oftast  - notað sem feluorð fyrir niðurskurð. Það á ekki að gera. Ef hins vegar hægt er að snúa niðurskurði yfir í...

...Þú skalt líka hafa þökk fyrir að benda á misbrestina í röksemdafærslunni hjá OCDE samtökunum. Ég verð í þessu sambandi að viðurkenna að ég hafði alls ekki áttað mig á samhenginu milli málflutnings Alþýðusambandsins og velferðarkerfisins og hagsmuna alþjóðabankans. Ég fæ ekki betur séð þegar ég rifja upp málflutning minna manna en að þeir hafi beinlínis verið að leggja til atlögu við velferðarkerfið í samvinnu við atvinnurekendasamtökin og Alþjóðabankann. Ég sat fund í sumar og tók undir kröfur okkar manna en viðurkenni eins að þar fór ég villur vegar. Ekki held ég að Ásmundur Stefánsson hefði ...
Gunnar

Getur vinstri stjórn, sem vill láta taka sig alvarlega sem velferðarstjórn í anda norrænnar jafnaðarstefnu, byrjað á því að skerða kjör ellilífeyrisþega og öryrkja? Ég svara þeirri spurningu afdráttarlaust neitandi. Það væri hins vegar fróðlegt að fá þitt álit, Ögmundur. Ég hefi sjálfur notið örorkustyrks frá áramótum, en 1. júlí var hann skertur um þriðjung. Þó er ég áreiðanlega betur settur en margur annar, sem nýtur styrks frá Tryggingastofnun ríkisins.
Beztu kveðjur,
Sigurður Jón Ólafsson

...Hvers vegna spyr enginn hvers vegna regluverkið var ekki til staðar sem tryggði að slíkur uppgangur gæti ekki átt sér stað?? Hvers vegna spyr enginn hvers vegna varaformaður Sjálfstæðisflokksins upplýsti ekki þjóð og þing að bankinn hennar væri kominn á hausinn með tilheyrandi afleiðingum. Trúir því virkilega einhver að hún hafi ekki vitað af stöðu mála? Um hvað var rætt um við eldhúsborðið?? Munum að hún er kosin til að gæta hagsmuna þjóðarinnar! Ef við sem forsvarsmenn fyrirtækja gerumst sekir um slík afglöp sætum við ábyrgð. Að mínu viti eru ráðamenn þjóðarinnar í aðdraganda hrunsins sekir um afglöp á starfi sem í sumum tilfellum kunna að falla undir hegningarlög....
Magnus Jósefsson

Ein einföld spurning. Er Steingrímur viljalaust handbendi Franek landsstjóra AGS? Ástæða þess að ég spyr þessarar einföldu spurningar, er sú að án svars við henni get ég ekki myndað mér skoðun á því hvert VG stefnir. Þið hin í VG getið það kannski ekki ...
Pétur Örn

...En það eru heilbrigðismálin sem standa mér næst. Þar lýsir OECD því yfir að hægt sé að skera niður um fimmtung án þess að skerða þjónustu! Við þurfum ekki annað en líta til Spánar til að finna fordæmi, segja skýrsluhöfundar. Það sem gera þurfi sé að opna kerfið betur fyrir einkavæðingu og taka upp notendagjöld í ríkari mæli. Á mannamáli þýðir þetta að hækka eigi sjúklingaskatta. Prófessor í hagfræði sagði í Spegli RÚV í kvöld að almennt væri andstaða gegn hugmyndum OECD innan heilbrigðiskerfisins. Þetta þótti mér afvegaleiðandi yfirlýsing ...Mér heyrðist ég heyra í fulltrúum aðlja vinnumarkaðar tjá sig um skýrsluna og að hagfræðingur ASÍ hafi andmælt hugmyndunum sem snúa að heilbrigðiskefinu. Fróðlegt verður að fylgjast með fulltrúum samtaka launafólks þegar næsta niðurskurðarhrina í anda OECD og AGS  byrjar í veflerðarkerfinu. Ekki hafa mér virst þeir bera mikinn kvíðboga fyrir niðurskurðinum til þessa og vísa ég þá í ...

...Ef einstaklingarnir sem hingað komu til að setja upp gamanleikinn OECD Economic survey of Iceland 2009 bæru virðingu fyrir stofnuninni sem greiðir þeim launin hefðu þeir átt að biðjast afsökunar á skýrslum sínum nokkur undanfarin ár. Og þeir hefðu átt að taka íslenska gagnabrunna sína í gegn. Efnahagsúttektin er eitt, annað eru til frasakenndar og pólitískar ályktanir leikendanna um heilbrigðiskerfið íslenska, en ég treysti því Ögmundur, að þú takir syrpu á OECD mönnunum og íslenskum handlöngurum þeirra varðandi heilbrigðismálin.   Eitt er að þurfa að lifa við yfirþjóðlegt vald alþjóða kapítalismans í gervi IMF, annað að þurfa að hlusta á krítiklausa umfjöllun í nefskattsmiðlum Páls Magnússonar, en verst er að sjá fjármálaráðuneytið gapa athugasemdalaust upp í gin gamanleikaranna frá París...  
Ólína

Nú birtist í fréttum að Alþjóðagjaldeyrissjóðurinn samþykki væntanlega ekki að íslenska ríkið eignist hlutinn í HS orku. Þessi sjóður hefur einmitt verið gagnrýndur mikið fyrir að einkavæða auðlindir. Það er öllum holt að rifja upp vatnsstríðið í Bólivíu og þátt sjóðsins í því, sjá ...
Kristín Þórarinsdóttir

...En hvað sem því líður þá á ríkið ekki að taka nokkurn þátt í uppbyggingu þessara stofnanna né styrkja þær með upphæðum. Einkarekstur á EKKI að vera borgaður af skattborgurum! Svo getum við talað um það hversu siðlegt það er að verðleggja líkamsparta,...
Ágúst

Í gær var mér kynnt nýtt hugtak á íslenskri tungu: lánþegi. Kannski er hugtakið alls ekki nýtt. En í þeirri merkingu sem mér var kynnt orðið er það nýlunda. Alla vega ekki ýkja gamalt. Hugtakið í hinni nýju merkingu átti við þegar Landsbanki og Búnaðarbanki voru "seldir". Þá var lánað fyrir sölunni og það sem síðan á annað borð var greitt, var borgað með arðinum af hinum keypta banka. Nú stendur til að hópur fjármangara sem kalla sig Magma Energy, kaupi sig inn í orkugeirann á Reykjanesi. Fyrst í stað var því haldið fram að með þessum kaupum kæmi nýtt erlent fjármagn inn í landið. Nú kemur á daginn að ráðgert er að útborgun Magma sé aðeins 30% af kaupverðinu. Keypt er á hálfprís því svo lágt er krónan metin eins og sakir standa: 50% afsláttur þar. Þau 70% sem eftir standa eru lánuð!....

...Fyrirvararnir eru af tvennum toga. Í fyrsta lagi efnahagslegir fyrirvarar sem hagfræðingahópur í þinginu vann að. Á engan er hallað að nefna Pétur H. Blöndal á nafn öðrum fremur í þessu verki en hann hefur beitt sér frá upphafi fyrir því að settir yrðu fyrirvarar sem tengdu afborganir hagvexti. Lilja Mósesdóttir, Þór Saari, Tryggvi Þór Herbertsson og fleiri komu að þessari vinnu. Í öðru lagi eru það lögfræðilegir fyrirvarar. Grunnplaggið að þeim kom frá baráttumönnum í Indefense hópnum og þá sérstaklega Helga Áss Grétarssyni sem skilaði frábærri faglegri vinnu en síðan fékk hópur undir formennsku Eiríks Tómassonar það verk að samræma sjónarmið og áttu Helgi Áss og Benedikt  Bogason þar einnig sæti, ásamt starfsmönnum ráðuneyta. Ragnar Hall og fleiri lögfræðingar komu einnig að þessum málum...