Þá er árið 2009 á enda runnið og framundan nýtt ár. Á þessum tímamótum dagatalsins lítum við yfir farinn veg jafnframt því sem við horfum fram á veginn. Árið sem nú er liðið hefur verið mörgu fólki erfitt, einkum þeim sem misst hafa ástvini, búa við heilsubrest eða atvinnuleysi. Skuldum vafnar fjölskyldur hafa margar átt í erfiðleikum með að halda íbúðarhúsnæði sínu og sjá því miður, alltof margar, fram á áframhaldandi þrengingar. Á árinu höfum við flest líka orðið ánjótandi gleðistunda. KK komst skemmtilega að orði í útvarpsviðtali á gamlársdag þegar hann ...

Sennilega myndu Rolling Stones ekki trekkja betur á konsert í Reykjavík núna en Sigurður Nordal gerði á fyrirlestra sína sem stóðu vetrarlangt og hófust í október 1918. Það er að segja hlutfallslega. Um fimm hundruð manns sóttu fyrsta fyrirlesturinn sem haldinn var í rúmbestu húsakynnum Reykjavíkur á þeim tíma, Bárubúð. Reykvíkingar hafa þá verið um sextán þúsund. Nokkuð gott hlutfall á fyrirlestur um heimspeki!  Sigurður var 32 ára gamall, nýkominn heim ... Þetta á að verða okkur Íslendingum umhugsunarefni í þrengingum þjóðarinnar. Við eigum að leggja ríka rækt við okkar eigin menningu og gera jafnframt út menn sem aldrei fyrr til að fara sem víðast að finna ...

...Við viljum bera okkur saman við Norðurlöndin og standa jafnfætis þeim en á sama tíma og margir Íslendingar eru atvinnulausir, búa við skert laun og vinnuframlag eða eru flúnir land svo þeir geti greitt skuldir sínar. Þá eru margir að reyna að byggja sig upp, klára óklárað nám eða bæta við sig þekkingu á meðan allt er í lægð. Forseti Finnlands var spurður að því um daginn hvað væri leyndarmálið að baki finnskri velmegun, svarið var einfallt: Menntun, menntun og meiri menntun. Því finnst mér RANGT og ég styð það ekki að draga saman seglin í menntun og koma á ...
Helgi Halldórsson

...Gæluverkefni svo sem styrkir til stjórnmálaflokka máttu hverfa 1-2 ár og ná þar í 400 milljónir hvert ár, listamannalaun mátti alveg þurrka út og verja því fé til öryrkja og svo mætti lengi telja. VG standa fyrir velferð fólksins og harður niðurskurður í stað hagsmunapots við útdeilingu í Fjárlaganefnd minnir um margt á skömmtunarnefndirnar um 1950 þegar réttur litur varð að vera á mönnum til að fá að kaupa bíl sem dæmi. Ekki er minnst á verkalýðsfélög sem munu bregðast hart við á næsta ári og ...
Þór Gunnlaugsson

...Ég er sjálfur sannfærður um það að ef kreppan verður ekki sá steinn sem hleypir af skriðu sjálfsskoðunar og umbóta í okkar þjóðfélagi, þá muni fara illa fyrir okkur, hvernig sem okkur mun reiða af efnahagslega eftir síðustu áföll. Aðskilnaður framkvæmdavalds og löggjafarvalds, vönduð, fagleg og óháð stjórnsýsla, gegnsæi og fagleg vinnubrögð við val á einstaklingum í opinber störf og virkt lýðræði eru lykilatriði. Efling frjálsrar og óháðrar fjölmiðlunar er líka lífsnauðsynleg. Það er sorglegt að allt þetta tal um peninga og skuldir hefur drekkt umræðunni um raunverulegar þjóðfélagsumbætur og ...
Þórhallur Pálsson

Guðmundur Jónsson, sagnfræðingur, á athyglisverða grein í Sögu, tímariti Sögufélagsins, Efnahagskreppur á Íslandi 1870-2000. Svo er að skilja að tilefni rannsóknarinnar sé kreppan sem nú ríður yfir Ísland. Í aðfararorðum segir að höfundur grafist m.a. fyrir um hvort "sveiflur í íslensku efnahagslífi" séu "meiri en í örðum löndum".  Niðurstöðurnar hvað þetta snertir eru sláandi...Spyrja má hvort eitthvað svipað hafi vakað fyrir Guðmundi Jónssyni sjálfum og Hannesi Finnsyni fyrr á tíð, að setja yfirstandandi vanda í sögulegt samhengi og minna okkur þar með á að sagan kenni að birtir á ný eftir dimma daga. Sannast sagna flögraði þessi hugsun að mér líka þegar ég sá útgáfuárið, sem þeir Jón Eyþórsson og Jóhannes Nordal gáfu út Mannfækkun af hallærum ...

...Þvi miður verð ég að segja að vonbrigði mín með störf ykkar Vinstri Grænna og Samfylkingar eru gríðarleg. Ég studdi það að skipt yrði út hér í vor en þið hafið ekki staðið ykkur sem skyldi. Það er mín skoðun að þið hafið svikið þjóð ykkar, logið ykkur inn á þing og til þess að átta ykkur á þvi hvað ég er að fara þurfið þið ekki annað en að hlusta á upptökur frá kosningabaráttunni í vor, og lesa birtar greinar í öllum blöðum. Þið hafið algjörlega brugðist heimilunum í landinu og geri ég fastlega ráð fyrir þvi að sá dagur muni koma að þið munið gjalda fyrir það dýru verði. Þið kallið ykkur velferðar stjórn en hvaða velferðarstjórn gerir ...
Steinar Immanúel Sörensson

Í Þorvalds þætti víðförla segir svo frá því þegar Þórdís spákona á Spákonufelli á Skagaströnd tók Þorvald í fóstur. Er fróðlegt að sjá í þættinum að hún gerði sér nokkurn „fémun." Svo segir í þættinum að hún mælti til Koðráns...Hér kemur fram mat á peningum, sumt fé er illa fengið og ekki sæmandi að nota það til góðra verka. Mér kom þessi stutta frásögn í hug þegar fréttist af því að íslenska ríkisstjórnin ætli að veita einum útrásarvíkingnum tugi eða hundraða milljóna styrk til að setja á stofn gagnaver á Suðurnesjum eins og iðnaðarráðherran tilkynnti í vikunni.
Maður hélt satt að segja að þjóðin væri búin að gefa björgúlfunum nógu mikla peninga. Það liggur í augum uppi að slíkar fúlgur fjár, sem björgúlfarnir hafa haft handa á milli, er sumt dregið saman fyrir ...

Ég sendi lesendum síðunnar bestu jólakveðjur. Megið þið öll njóta friðsældar á jólum. Yfir jólahátíðina slakar þjóðin á, borðar góðan mat, les bækur, gengur út í náttúruna, dormar, en framar öllu öðru, er samvistum við sína nánustu og treystir fjölskyldu- og vinabönd. Til eru þeir - og því miður alltof margir - sem eru einmana, fjárvana og óhamingjusamir. Jólin eiga að vera tími gleði en jafnframt íhugunar um margbreytileika tilverunnar og leiðir til að gera heiminn betri. Margir beina hugsun sinni í farveg trúarinnar - og þá ekki síst á jólum, aðrir hugsa eftir öðrum brautum. Öll eigum við að geta sameinast í einum samnefnara: Velvildinni. Nokkrum sinnum hef ég vísað til Sigurjóns Friðjónssonar ..

Sæll Ögmundur.
Mig langar að fara nokkrum orðum um ummmæli í þinn garð síðustu daga. Ég verð að viðurkenna að ég hef alls ekki aðhyllst VG, reyndar ekki heldur aðra fjórflokkana á þingi, en nú hef ég allavega sannfærst um að ennþá sé von fyrir alþjóð um að það sé til málsvari almennings, mann sem stendur á sannfæringu sinni og stendur og fellur með skoðunum sínum. Sá fréttaflutningur síðustu daga er aðeins þér í hag og ég veit að þú munt standa uppi sem sigurvegari að lokum. Því miður ert þú ennþá málsvari VG, ég mun reyndar aldrei kjósa þá eða þann flokk, en ég mun alltaf styðja þig hafi ég ...
Þorsteinn

...Þegar samvinna og samstaða tekst með einstaklingum vex hver og einn þeirra umfram sjálfan sig - saman fá þeir áorkað meiru en þeir hefðu gert hver á  sínum báti. Samstaða þýðir ekki að fylgja eigi hópi gagnrýnislaust. Sagan kennir einmitt að fátt er varasamara en undirgefni og fylgispekt. Þjóðfélagshrun nú - sem og fyrr á tíð - á meðal annars skýringu í því að stigið er á dómgreind einstaklinganna, þeim gert að lúta boðvaldi. Dómgreind og sjálfstæði þeirra er hins vegar sjálf forsenda lýðræðisins. Ef einstaklingsfrumkvæðið er kæft og sjálfstæð hugsun fær ekki að blómstra hverfur líka leikgleðin. Hún er okkur öllum mikils virði. Þannig samstöðu viljum við - af fúsum og frjálsum vilja án...

Valinkunnugt er það viðbragð ríkisins við kreppu í kapítalísku hagkerfi að þá verði efnt til opinberra framkvæmda seM aldrei fyrr. Aðaltilgangurinn er að auka samfélagsveltuna, hækka neyslustigið, koma hjólum kapítalismans í gang. Aukaafurðin er að atvinnuleysi minnkar og að tiltekin mannvirki gætu orðið til þjóðþrifa síðar. Slikt  ríkisviðbragð er gjarnan kennt við hagfræðinginn Keynes sem hvorki var vinstri rótækur né krati. 
Keynes  mælti gegn Versalasamningnum á sínum tíma, vissi að ef þýskt ríkisvald yrði mergsogið og vanað, yrði það banabiti kapítalisma, vísir að ...

...Sem þú bendir ár, er það rétt að vafi leikur á því hvort okkur beri skylda til að greiða þessi töp Breta og Hollendinga! Því á þetta ekki að ákveðast á Alþingi undir hótunum - heldur fyrir alþjóðlegum dómstóli...Þess heldur er það fáránlegt að hneppa komandi kynslóðir í ánauð í fleiri áratugi. Það er margt líkt með þessum samningum eins og með samningunum við Þjóðverja eftir fyrra stríðið. Nauðung sem leiddi till óskapa...Vextirnir eru útí loftið og stærsti bagginn. Engir vextir, þá kannski getum við samþykkt að borga til að sýna góðan vilja! ...Að svínbeygja sig fyrir hótunum Evrópumafíunnar er litlu betra en að ...
Karl Johannsson

Tjón af Ömma ekkert hlýzt,
í sig fær hann veigum skvett.
Þótt hugsun skýr menn skreyti víst
þá skiptir mestu að kjósa rétt. 
....
PP

Líklega hefur þessi þjóð sjaldan staðið frammi fyrir líkum vanda og nú eftir fyllirí markaðsgemsanna í boði Sjálfstæðisflokksins. Í ljósi sögunnar sjáum við að þessari þjóð er fátt ofvaxið þegar hún gengur samhent og heils hugar til verks....Er það ekki lágmarkskrafa til fólks sem þetta samfélag hefur séð fyrir skólagöngu gegn um jafnvel áratugi hunskist til að leyfa fræðimennskunni að hafa forgang fram yfir blinda flokkshollustu? Það er nefnilega í mínum huga forsenda fyrir farsælli lausn á þeim risavöxnu verkefnum sem samfélagið stendur nú frammi fyrir að allir leggist heils hugar á árar með hagsmuni næstu kynslóða að leiðarljósi.
Árni Gunnarrsson

Pistillinn þinn (Tíu staðreyndir um Icesave...) og bréf Ólínu (Borgar þungaiðnaður brúsann?) hér á síðunni eru hárréttir. Niðurstaða mín er samt þessi: Það verður að samþykkja Icesave á þingi. Annnars fáum við Samfylkingu og Sjálfstæðisflokk í stjórn sem samþykkir Icesave í lítt breyttu formi og stormar síðan inn í ESB. Sú ríkisstjórn yrði verri en þessi. Vandinn er sá að núverandi ríkisstjórn segist fara frá ef Alþingi fellir Icesave. Þessi tenging er ósvífin og heimskuleg en staðreynd. Þess vegna ...
Jóhannes Jónsson

Ég er einn þeirra sem "telja að Íslendingar eigi ekki annarra kosta völ en skrifa undir afarkosti Icesave samninganna." Það eru tvö mál sem þvælast endalust fyrir mikilvægari úrlausnarefnum bæði á Alþingi og hjá embættismannaliðinu: Icesave og Evrópubandalagið. Það er löngu ljóst hvernig þeim málum mun lykta: Við verðum að standa við Icesave-samninginn (og viðurkenna að Davíð og víkingarnir höfðu okkur að fíflum) og við munum kolfella Evrópubandalagssamning ef málið kemst nokkurn tíma svo langt. Sem sagt: eyðsla á dýrmætum tíma (og peningum). Þeirri tilgátu var gaukað að mér að ...
Þorvaldur Örn

...Kíló af óveiddum þorski er selt á 250 kr. Miðað við 150 þús tonna úthlutun, gera það þrjátíuogsjö milljarða á ári. Með öðrum tegundum getum við haft í allt ca. 50-60 milljarða króna í auðlindagjald. Ef þessi stjórn ætlar sér ekki að gera breytingar á kvóta nema á yfir tuttugu árum og láta okkur þar með verða af 1000 milljörðum, þá er þetta tilgangslaus stjórn. Ef ungur maður sem er að hefja sjómennsku getur greitt 250 kr fyrir kílóið, af hverju geta ekki allir gert það?
mkv.
Hreinn K

...Á ég að trúa því að margt eðlisgreint fólk í VG missi vitið bara við að sjá framan í handrukkaragengi AGS, verði eins og grúppíur sem missa sig í hnjánum, jafnvel bara við að sjá nýja þungavigtar-rótarann þeirra, Stalín J. Steingrímsson með kærustunni Jóku esb Sig? Þessar eru spurningarnar mínar þrjár. Mig langar virkilega að vita hvort þú hafir svör við þeim. GLG og AG eru jú svo "bissí" að þau hafa örugglega ekki tíma til að svara.
Pétur Örn

...Þakka þér fyrir tíu staðreynda grein um Icesave. Allt er þetta satt og rétt og vel orðað. Icesave er framtíðarvandi í þeim skilningi að þegar búið er að ganga frá málinu þarf að huga að því að hvernig á að greiða þennan reikning eins og aðra. því þessar nýju staðreyndir...Það gæti nefnilega farið svo að norræna velferðaríkið breyttist í rúmensk lífskjör, þ.e.a.s. ef þið virkið ekki hverja einustu lækjarsprænu, laðið ekki að erlenda fjárfesta i þungaiðnaði og raunar í öllum greinum, yfirfyllið ekki landið af erlendum ferðamönnum og vindið ekki úr þjóðinni allt sem hún getur af sér gefið. Ekki missa sjónar af því augljósa. Við erum bara 300 þúsund, jafnvel þótt nokkrum tugum manna hafi tekist að stela af útlendingum og eigin þjóð 10.000 milljarða.
Ólína

Ég hlustaði á þig á Sprengisandi hjá Sigurjóni Egilssyni í gær og á Rás 2 í morgun þar sem þú fjallaðir m.a. um Icesave málið og deilur innan VG og ríkisstjórnarinnar. Það rann upp fyrir mér að umræðan hefur verið á villigötum. Auðvitað var þessi ríkisstjórn ekki mynduð um Icesave-samninginn heldur um velferðarkerfið íslenska einsog þú sagðir. Það er fáránlegt að stilla málinu upp eins og þetta snúist allt um Icesave. Ríkisstjórnin hefur ekki leyfi til að gera Icesave að ...
Jóhannes Jónsson

...Við megum ekki gleyma hættunni sem auðlindum og ríkisfyrirtækjum okkar og okkur sem sjálfstæðu ríki stafar af þessari stofnun. Við megum heldur ekki gleyma viðvörunum Eva Joly, Gunnars Tómassonar, John Perkins, Joseph E. Stiglitz og Michael Hudson. 3 þessara manna eru hálærðir hagfræðiprófessorar og hafa unnið fyrir AGS og vita um hvað þeir eru að tala. Og ekki síst hefur Lílja Mósesdóttir og þú sjálfur varað við AGS. Leyfum þeim ekki að eyðileggja okkur eins og þeir hafa eyðilagt fjölda landa.
ElleE

...Það er staðreynd að í málflutningi sínum horfa fulltrúar Alþjóðagjaldeyrissjóðsins fyrst og fremst á greiðslumöguleika íslenska efnahagskerfisins en ekki til afleiðinga fyrir samfélag og auðlindir sem við búum yfir. Allt er þetta rætt undir rós og með bros á vör. Eða hvað skyldi Flannagan, fulltrúi AGS, hafa átt við í Kastljósi Sjónvarpsins þegar hann segir Íslendinga hafa "geysilega aðlögunarmöguleika" til að borga himinháar skuldir sínar? Selja fiskikvótana, Landsvirkjun, OR, Gvendarbrunnana, virkja Gullfoss, Goðafoss, Jökulárnar í Skagafirði, Þjórsá, Landmannalaugar, Geysi? Spurt er í alvöru? Þetta er það sem Ísland á verðmætast...Það er staðreynd að umræðan um greiðslugetu Íslands hefur iðulega verið yfirborðskennd. Dæmi má taka úr fyrrnefndu viðtali Þóru Arnórsdóttur (prýðilegu) í Kastljósþætti kvöldsins. Þar segir fyrrenfndur Flannagan að Icesave-skuldbindingin sé ekki okkar stærsti vandi því...

...Á tónleikunum söng kórinn afbragðsvel og smitaði gleði og ánægju, sem greinilega býr með honum, til okkar sem á hlýddu. Stjórnandinn, Judith Þorbergsson, kunni greinilega sitt fag og sömuleiðis undirleikarinn, Helgi Már Hannesson. Á trompet lék Hannah Rós Sigurðardóttir, ungur músíkant sem blés undrahreinum og fallegum tón úr hljóðfæri sínu. Þóra Einarsdóttir sópransöngkona söng eins og engill og verð ég að segja að hljómfegurri kvenmannsrödd heyri ég ekki. Í einu orði sagt frábær listakona!  Auðvitað voru jólalög nær einvörðungu á dagskrá, bæði innlend og erlend. Dagskráin hófst á íslenskri þjóðvísu eftir Jóhannes úr Kötlum og lauk á Heims um ból með ljóði Sveinbjarnar Egilssonar. Breiðfirðingakórnum kann ég bestu þakkir! Við komumst öll í ...

Ráðherrar hafa haft á orði að stundum þurfi að taka erfiðar og óvinsælar ákvarðanir. Það sé hið erfiða hlutskipti stjórnenda í Icesave-deilunni. Mér finnst þetta ekki sannfærandi tal. Þungbærarar ákvarðanir sem eru skynsamlegar og réttlátar eru ekki óvinsælar. Allra síst á Íslandi í dag. Óskynsamlegar og ranglátar ákvarðanir eru hins vegar ...
Jóel A.

...Verkalýðsstofnun án jarðtengingar er til lítils nýt. Lifandi verkalýðshreyfing getur hins vegar allt - nánast. En til að þetta gangi eftir þarf að gera allt sem hægt er til að treysta innviði hreyfingarinnar. Þar horfi ég ekki síst til trúnaðarmanna á vinnustað sem gegna lykilhlutverki við að gæta réttinda launamannsins gagnvart atvinnurekanda eða umboðsmanna hans. Einstök verkalýðsfélög hafa lagt mikla rækt við þetta starf að ónefndum Félagsmálaskóla Alþýðu sem sinnt hefur þessari fræðslu fyrir ASÍ og BSRB... Meðal annars af þessum sökum er ég þeirrar skoðunar að okkur beri nú sem aldrei fyrr að styrkja fræðslu trúnaðarmanna og stuðning við þá...

Félagi Ögmundur heldur áfram að búa til einhvern tilbúin veruleika á heimasíðu sinni sem á lítt skylt við þann veruleika sem við hin búum í. Þannig fullyrðir hann: ,,Ég veit nefnilega mæta vel að aðilar vinnumarkaðar gengu síðastliðið vor jafnvel lengra en Alþjóðagjaldeyrissjóðurinn í kröfum um niðurskurð hjá hinu opinbera - þar með innan almannaþjóðnustunnar - á sama tíma og þeir reistu kröfur um aukið framlag í Starfsendurhæfingarsjóð og aðra sjóði á eigin vegum.'' Þetta er alveg makalaus málflutningur þingmannsins, hið rétta er að aðilar vinnumarkaðarins höfðu frumkvæði að ...

...Við höfum margoft rætt þetta efni á opinberum og óopinberum vettvangi. Ég hef varað við því að smíða tvöfalt velferðarkerfi og viljað þess í stað efla almannaþjónustuna. Þótt markaðshyggjustjórnir undangenginna ára hafi vanrækt almannaþjónustuna skulum við ekki horfa fram hjá því sem þó hefur verið vel gert á þessu sviði og ættum við að sameinast um að þar verði gert enn betur. Hvernig væri að við gerðum það Gylfi? Ég vil vera í liði með verkalýðshreyfingunni - hef þar alið allan minn starfsaldur. En ég leyfi mér líka að gera kröfur til hennar þegar mér finnst hún fara út af sporinu...

Lára Hanna Einarsdóttir setti nýlega inná síðu sína brot úr fréttum og Kastljósþáttum síðan eftir hið svokallaða hrun. Í einu video-brotinu eru kappræður á milli þín og Árna Páls Árnasonar og sögðu þær svolítið hvernig flokkur Samfylkingin er. Frá degi eitt eftir hrun þá hefur Samfylkingin sem er notabene annar flokkurinn í svokallaðri "vinstri stjórn" varið íslenska bankakerfið á seinustu árum. Það eitt og sér ætti að segja meðalgreindu fólki það hversu stórhættulegur þessi flokkur er. Hægri stefnan hefur alltaf legið í evrópskum flokkum sem kenna sig við jöfnuð og...
Ágúst Valves Jóhannesson

Kærar þakkir fyrir sjálfstætt atgervi og djörfung að segja hreint huga þinn með þingmannsafstöðu þinni gegn Icesave-reikningnum. Afstaða þín er til fyrirmyndar og eykur traust á þingheimi og störfum Alþingis. Virðing fyrir hugsandi þingmönnum sem taka starf sitt alvarlega...
Gústaf Adolf Skúlason

Pressan.is slær upp getgátum Jóns Magnússonar hæstaréttarlögmanns, um að ég og Össur Skarphéðinsson, höfum skipulagt mótmælin gegn stjórnvöldum sem urðu til þess að ríkisstjórn Sjálfstæðisflokks og Samfylkingar hrökklaðist frá völdum...Það er ekki nóg með að þetta sé algerlega úr lausu lofti gripið heldur gefur þetta innsýn í hugarheim sem er úr öllu jarðsambandi við veruleikann - í órafjarlægð við hjartsláttinn í samfélaginu. Þessi hugsun byggir á því...

Birtist í Málefnum Aldraðra 3.tbl. 18. árg. 2009
...Ég held að óhætt sé að halda því blákalt fram að þankagangur Íslendinga hafi umpólast undir lok síðustu aldar og á fyrstu árum þeirrar aldar sem nú er upp runnin. Ekki svo að skilja að hugsunarháttur allra Íslendinga hafi breyst. En hin viðtekna almenna hugsun - tíðarandinn - breyttist hins  vegar. Við hverju ætti svo sem að búast þegar hætt er að innræta þann boðskap sem verið hefur fyrirferðarmestur í siðapredikunum í tvö þúsund ár um ágæti hófseminnar og hann látinn víkja fyrir andhverfunni....

Lyndon Baines Johnson mun hafa orðað það sem svo um suma af hans stuðningsmönnum af karltegundinni margfrægu, að betra skyldi vera að hafa þá innanbúða (Járn-)talds og leyf þeim hinum sömu að pissa út úr því tjaldi, en hafa þann hinn sama utanbúðar við það að pissa inn í það.
Kjartan Emil Sigurðssson

...Merkilegast er að sjá og heyra vandlætingartalið frá þeim sem sjálfir hafa verið í pólitískri sambúð með Sjálfstæðisflokknum. Þá var hann bara fínn, eða hvað? Og þá væntanlega í góðu lagi að skrifa ritdóma um bækur úr þeirri áttinni. Hvernig væri að reyna að hefja umræðu í landinu yfir karp og meting á milli pólitískra kirkjudeilda og ræða þess í stað um málefni? Það er náttúrlega erfiðara að taka afstöðu til bókar og ritdóms um hana en að fella pólitíska palladóma um höfund og ritrýni. Það er erfiðara vegna þess að þá þurfa menn að hafa fyrir því að kynna sér málin...

...Á mánudögum er mjög algengt að íslenzkir alþýðumenn heimsæki fisksala borgarinnar og fái sér ýsu, kartöflur og hamsa. Á slíkum vettvangi tekst oft vel að fanga það andrúmsloft sem samfélagið er hverju sinni að endurspegla. Í fiskbúðinni hjá mér undanfarnar vikur hefur það glöggt komið fram að veltur fólks um vanga hafa verið á þann veg að styttra sé í kosningar en lengra. Svo virðist sem greiningardeild götunnar byggi á forsendum sem ...
Óskar K Guðmundsson, fisksali

...Svo er að skilja á Samfylkingarfélagi Garðabæjar að þannig eigi þetta að vera í pólitíkinni líka; að allir gangi í takt og fari að fyrirskipunum. Þá gangi allt vel. Í ályktun sem félagið sendi frá sér um Icesave málið í nýliðinni viku, segir að Samfylkingin í Garðabæ hvetji þingmenn VG til þess "að taka þingflokk Samfylkingarinnar sér til fyrirmyndar og ganga í takt og í samræmi við ríkisstjórnarsáttmála núverandi ríkisstjórnar, öllum til heilla."Nú er það svo að innan VG hefur verið prýðileg samstaða um þau grunngildi sem hreyfingin hvílir á. Hvað ríkisstjórnarsáttmálann áhrærir þá ...

 

...Ég treysti þér til hreinskilinna svara. Er nú samt búin að kynna mér málið það mikið að ef að "icesave" er ekki samið um eru "skuldbindingar Íslendinda" í sínum eigin banka farnar. Ekki satt?
Anna Benkovic Mikaelsdóttir

...Við leituðum hingað á sínum tíma til að forðast ofríki og yfirgang höfðingja og konunga, höldum því vörð um sjálfstæði okkar og látum ekki kúga okkur til eins eða neins. Hvað höfum við lært af okkar ástkæra landi? Já, hvað hefur þetta fósturland kennt okkur frá landnámi? Þetta land íss og elda hefur fóstrað okkur vel og kennt okkur þrautseigju, áræðni, þor, umhyggju og trú á eigin styrk og gefið okkur lífshamingju. Hvað er hægt að biðja um meira? Við erum mótuð af þessu landi okkar sem við elskum og dáum og viljum hvergi annarstaðar vera. Sýnum núna hvað í okkur býr og öxlum ábyrgð á lífi þjóðar okkar allir sem einn og stöndum sem klettur út í ballar hafi og gefum okkur hvergi sama hvernig gefur á í lífsins ólgu sjó. Við erum jákvæð, lærdóms- og kærleiksrík þjóð. Áfram Ísland, áfram Íslendingar! ...
Guðmundur Y Hraunfjörð

...og það er engan bilbug að finna á stjórnarflokkunum í þessu efni. Það eru vel rekin tryppin á þeim bæ..."
...Ert þú trippið Ögmundur? Er Árni Þór Sigurðsson kúskur flokksins? Ég sem gekk til liðs við þennan flokk vegna þess að ég deildi skoðunum með þér og fleira fólki á svipuðu róli? Þar var ekki Árni Þór neitt sérstaklega. Hafði reyndar aldrei haft neina skoðun á því hvar hann væri staddur í þessu litrófi - nema hvað ég veit að hann var varaþingmaður Samfylkingarinnar á fyrstu árunum. En nú verð ég hugsi.
Sveinbjörn Jónsson

Birtist í tímaritinu Þjóðmál 4. hefti, 5. árg
...Styrmir Gunnarsson hefur annað hvort misst völdin eða afsalað sér völdum - hinum formlegu völdum. Getur verið að með því hafi hann öðlast frelsi? Hver getur talað fyrir beinu lýðræði, gagnsæju þjóðfélagi, að allt sé alltaf uppi á borði? Svarið er augljóst. Það gerir bara sá sem hefur engu að tapa. Það gerir sá sem þarf ekki lengur að taka tillit til valdakerfis sem byggir fremur á auði en upplýsingu og viti. Bók Styrmis er vonandi staðfesting á því að hann sé genginn úr því bjargi. ...

70% þjóðarinnar er á móti kvóta, 70% á móti frekari stóriðju, 70% á móti inngöngu í ESB og 70% á móti Icesave-samningnum. VG hefur talið sig lýðræðissinna og barist fyrir þjóðaratkvæði í stórum málum. Nú er kjörið tækifæri. Á heimasíðu InDefence er verið að safna undirskriftum fyrir þjóðaratkvæðagreiðslu. Af hverju þarf lýðræði alltaf að bíða? Hér er aðgangurinn... 
Hreinn K

...En hverjir skyldu vera handhafar þessa sérkennilega réttlætis? Það eru Norðurlandaþjóðirnar og Eystrasaltsríkin. Saman eigum við NIB. Skyldu þetta vera þumalskrúfur úr Icesave verkfæraboxinu? Af sama meiði og "hjálpin" frá AGS og Brussel? Kannski hefndaraðgerðir vegna tapaðra útlána NIB á Íslandi, sem vissulega voru gríðarleg á síðasta ári? Eða er þetta bara vinnulagið í fjármálaheiminum - úr öllum tengslum við allt sem við flest köllum heilbrigða skynsemi? Væri ekki rétt að fjölmiðlar grennsluðust nánar fyrir um þetta? Að þeir spyrðu eigendurna, norræna ráðherra, sem koma reglulega saman til að lýsa því yfir hve mikil vinátta ríki okkar í millum, hvað valdi því að nú þurfi að herða að fjárvana íslenskum sveitarfélögum?...

Dreift hefur verið á Alþingi þingsályktunartillögu sem ég flyt ásamt þremur öðrum þingmönnum VG þar sem farið er fram á að Alþingi samþykki að fela forsætisráðherra og utanríkisráðherra að opinbera öll skjöl og allar upplýsingar sem liggja fyrir og snerta ákvörðun um að setja Ísland á lista „hinna viljugu þjóða"  sem ákafast studdu innrásina í Írak árið 2003. Greint var frá listanum yfir „viljugar þjóðir",  „coalition of willing nations", á fundi með fréttamönnum í bandaríska utanríkisráðuneytinu, 18. mars 2003. Á fréttamannafundinum taldi talsmaður ráðuneytisins, Richard Boucher, upp þau ríki sem í hlut áttu, sagði að þau hefðu verið spurð...

...Ég fagna því að ASÍ skuli setja fram þessa gagnrýni opinberlega. Það geri ég vegna þess að það gefur tilefni til umræðu. Því miður gerist það allt of oft að samið er um stórmál án félagslegrar umræðu. Það átti við um Starfsendurhæfingarsjóðinn. Skyndilega var hann orðinn að veruleika, okkur í öðrum samtökum sagt að þetta væri nokkuð sem ekki ætti við um okkar félagsfólk nema fram kæmu óskir um slíkt. Síðan líður tíminn og þá kemur í ljós að veruleikinn er annar. Þegar sköpuð hafa verið réttindi á stórum hluta vinnumarkaðar segir reynslan að aðrir eiga ekki annarra kosta völ en bjóða upp á samvarandi rétttindi eða fyrirkomulag fyrir sína félagsmenn. Annað áþekkt dæmi er...

...Það er ekki ykkar að velja hvort við verðum pínd inn í þrælasamning að ólöglegri kröfu Evrópubandalagsins, Breta og Hollendinga. Það er ekki ykkar, Breta eða Hollendinga að ráða því að tekin séu af okkur þau sjálfsögðu mannréttindi að verja okkur fyrir dómi. Sigurður Líndal og fjöldi lögspekinga hefur neitað lagalegri ábyrgð okkar fyrir Icesave. Og siðferðileg skylda okkar er ENGU STÆRRI en Breta og Hollendinga sjálfra og Evrópubandalagsins í heild sinni. Hafnið þessari nauðung. Haldi Bretar og Hollendingar sig hafa löglega kröfu á ríkissjóð munu þeir sækja okkur fyrir dómi. Það vilja þeir þó ALLS EKKI vegna þess að þeir vita að ...
ElleE

Til að gera langa sögu stutta þá er það orðið nokkuð ljóst að kosningar til þings munu sjá dagsins ljós mun fyrr en reiknað hefur verið með. Eins og fram hefur komið áður í skrifum mínum er ég brottfluttur sjálfstæðismaður og sem slíkur er kannski ekki auðvelt að taka sér bólfestu í baklandi stefnu sem þinn vettvangur boðar. Ég er hins vegar meðvitaður þeirrar staðreyndar að hugur minn er sannfærður og þar af í framhaldi mun ég ótrauður tjá mig á þeim nótum. Framundan eru átök sem munu eflaust setja mark sitt á flokkinn. Einstaklingar munu kljást ...
Óskar K Guðmundsson, fisksali

Ég var að hlusta fréttirnar og heyrði þar talað um að þið í stjórnarflokkunum væru búin að samþykkja nýjar reglur í sambandi við atvinnuleysistrygginasjóð. Það var eitt atriði sem ég hnaut um að það fjallaði um okkur einyrkjana þar sem við verðum að skila inn VSK númeri til að fá bætur, nú er það þannig að við eigum rétt á bótum án þess að skila inn VSK númerinu og hef ég talið það til bóta. Ef að þessi nýja regla verður innleidd þá má fastlega reikna með aukinni svartri atvinnustarfsemi vegna þess að ...
Viðar Magnússon

Það skortir á það að stjórnin gangi fram af meiri vaskleika. Það er óþolandi að fulltrúar fjármálahrunsins, Sjálfstæðisflokkur og Framsókn, ráði ferðinni á þingi aftur og aftur. Það er eins og þessum flokkum nægi það ekki að sjá þjóðina liggjandi reyna rísa á fætur heldur verða þeir að sparka í hana aftur og aftur. Þetta verður stjórnin að stöðva og keyra sín mál áfram. Stjórnin er á réttri leið í allri málefnavinnu en undalátssemin er ...
Natan

...Forsenda velgengninnar er frelsi og forræði yfir eigin málum. Hið sama gildir um þjóðir og um einstaklinga hvað það snertir. Vitneskjan ein um frelsið er aflvaki. Vitund um ófrelsið hefur gagnstæð áhrif. Enda segir í annálum að Árni Oddsson, lögmaður á Leirá, hafi verið með tár í augum þegar honum, ásamt öðrum forsvarsmönnum Íslendinga, var gert að  vinna Friðriki III erfðahyllingareið og viðurkenna hann sem einvald á Kópavogsfundinum 1662. Þar með var allt pólitískt vald horfið úr landinu. Íslendingar þráuðust við að undirrta valdaafsalið en þegar Brynjólfur Sveinsson, biskup, vildi andmæla því að landsmenn afsöluðu sér fornum landsréttindum, spurði fulltrúi Danakonungs hvort hann sæi ekki hermennina sem voru með honum í för! Sáu Íslendingar þá að þeir áttu ekki annarra kosta völ með byssukjaftana í bakið en að undirrita. Minnir á samtímann. Að vísu ekki byssum að okkur beint. Ofbeldið birtist okkur nú ...