Loksins glittir í vinstri stjórn og stórfínt að Sjálfstæðisflokkurinn skuli þurfa að láta fyrirliðabandið af hendi og taka sér sæti á bekknum. Þetta gerist að vísu við mjög óvenjulegar og erfiðar aðstæður í þjóðfélaginu, en þó er það gersamlega sláandi hvað andlit nýrrar ríkisstjórnar eru gersneydd upplitsdirfsku. Á öllum þeim myndum sem birst hafa er eins og Jóhanna og Steingrímur hafi verið vakin upp af vondum draumi og stillt rakleiðis upp fyrir framan aftökusveit. Útlitið er vissulega ...
Dagur Kári Pétursson

...Manst þú eftir því þegar þú sagðir að taka ætti gjafakvótann af útgerðarmönnum? Nú er VG að komast í ríkisstjórn veriði nú sjálfum ykkur samkvæm.
K.v.
Jón Þ

Nýr formaður Framsóknarflokksins, Sigmundur Gunnlaugsson, hlýtur almennt lof fyrir framgöngu sína í þjóðmálaumræðunni. Hann ber með sér inn í pólitíkina ferskleika - nýjan andblæ. Sigmundur hefur talsvert látið að sér kveða á undanförnum misserum einkum í skipulagsmálum en athygli hefur vakið frumleg nálgun hans til þeirra mála. Ekki þekki ég stjórnmálaskoðanir Sigmundar gerla en þó þykist ég finna að ekki fari þær saman með þeim viðhorfum sem voru ríkjandi á þeim tíma sem Framsókn var í sambúð með Sjálfstæðisflokknum frá miðjum tíunda áratugnum og fram til 2007. Allt þetta á eftir að koma í ljós. Hitt er þegar ljóst....

Sæll Ögmundur, mundu að í Sigtúnshópnum höfðum við hlutina einfalda og málin markviss --- og það náðist árangur á stuttum tíma, Gangi þér vel í að afgreiða vandasöm verk...
Ágúst Guðm."einn úr Sigtúnshópnum"

Að gefnu tilefni http://www.vald.org/greinar/090126.html gangi ykkur vel...
Björn Fróðason

Var að lesa þessa frétt á vísir.is http://visir.is/article/20090127/FRETTIR01/351853935 og spyr er ekki hægt að breyta þessari reglugerð þegar þið gekkið við? Og hvað finst þér um þetta? þá aðalega að setja þetta til 5 ára er þetta ekki missnotkun á valdi spyr ég bara?
Stefán Gunnarsson

...þá ætti að vara að skapast tækifæri til að breyta eftirlaunafrumvarpinu eins og hugur þinn stóð til fyrr í vetur! Hyggst þú beyta þér fyrir því nú?
Jón Sævar Jónsson

Sæll,
það er ekki alltaf nóg að fara heim með næst sætustu stelpunni af ballinu.........
P.

Þessar erlendu kröfur eru til komnar vegna þess að erlendir sparifjáreigendur voru lokkaðir til að setja allt sitt sparifé inná ótrygga reikninga. Þetta er mikilvægt að hafa í huga...
Jón Þ

...að þegar Bjarni Ármannsson og aðrir hans líkir ætla að koma og redda öllum málum þ.e. stofna fyrirtæki og útvega þeim sem eftir verða á klakanum vinnu þá eru það BLÓÐPENINGAR sem þeir nota við uppbygginguna. Held að ég vilji frekar lepja dauðann úr skel heldur en að vinna fyrir þessa skúrka.
Kristófer Kristófersson

Ég treysti því að VG haldi vöku sinni varðandi aðild að Evrópusambandinu. Stór hópur félaga í VG er andvígur aðild að Evrópusambandinu enda er það að mínu mati ekki í anda VG að fela sig bak við andlitslaust vald og skrifræði.
Anna Ólafsdóttir Björnsson

...Hvers vegna liggur VG svona á að komast í stjórn?  Af hverju bíðið þið ekki eftir kosningum?  Þær verða í síðasta lagi 9. mai. Væri ekki skynsamlegra að setjast í stjórn með umboð frá þjóðinni heldur en að fara að mynda bráðabirgðastjórn með SF?  Mér finnst Steingrímur (og þá væntalega VG) allt of æstir að komast í stjórn og þá læðist að mér sá grunur að flokkurinn líti svo að þetta sé hans eina von um að komast til valda.  Ef að flokkurinn hefði hins vega trú á sér biði hann eftir umboði frá þjóðinni.  Ég hef ekki trú á því að bráðabirgða stjórn myndi ná að gera einhver kraftaverk.  SF er í allsherjar upplausn núna og að mínu mati væri ...
Sigurbjörn Halldórsson

...Þið hjá VG hafið ein verið á móti þessu láni og verð ég að lýsa virðingu minni á ykkur fyrir hugrekkið og vitsmunina - þess vegna eruð þið nú óstjórntækur flokkur; eða eigum við ekki bara að segja látið-ekki-að-stjórn flokkur. Menn eru fyrir löngu búnir að gleyma umræðunni um kosti og galla þess láns og sjá ekki samhengi hárra stýrivaxta og lánsins - en kvarta samt yfir vöxtunum....
Þór Þórunnarson

Ríkisstjórnin er voðalega góð þessa dagana að eigin sögn. Hvílík framkvæmdagleði í þágu heimilanna. Hefur sko fundið það upp að setja ekki barnabætur upp í opinber gjöld. Einhverstaðar las ég að umboðsmaður alþingis hefði fyrir löngu sent álit sitt um að það væri óeðlilegt að bætur sem væru ætlaðar til að bæta lífsskilyrði barna væru skuldajöfnuð á þennan hátt. Hvað varðar frumvarpið um greiðsluaðlögun þá er ....
Kristín

Auðvitað veistu það Ögmundur, að maður sem hagar sér eins og þú á Alþingi, eins og þú gerðir í s.l. viku er ekki stjórntækur. Bíttu í það súra. Og mundu: Mótmælendavinir þínir sem ráðast að lögreglunni og særa eru skríll (lesist eiturlyfjafíklar & þjófar), en gerðu þeim ... Hvaða Jónas ól þig eiginlega upp?
84367

...Auðvitað er það rétt að lögreglan er samherji fólksins en ekki mótherji þess.  Lögreglan er almúgafólk, skattgreiðendur og góðir Íslendingar eins og þú og ég sem veldur mjög erfiðu starfi vel og faglega sem er ekki minnst að þakka Geir Jóni og hins ágæta lögreglustjóra Stefáni Eiríkssyni. Fólk verður að gera sér ljóst að hin óvinsælu og ónýtu stjórnvöld ota lögreglunni ...
Úlfur 

Mig langar svo til að athuga hvort ekkert eigi að fara gera varðandi gjaldþrotalögin í landinu ? Ef svo, hvenær? Það virðist allt stefna í fjöldagjaldþrot og heimilin í landinu geta ekki beðið,ef það verður mikið atvinnuleysi þá rúlla bankarnir aftur yfir og það mun gerast mjög fljótt. Og þess vegna verður að tryggja fjölskyldu fólkinu einhvað öryggi og það strax. Því það er allt að fara í köld kol. Afhverju er hægt að hafa útistandindi kröfur á fólki til 10 ára ! Afhverju er ekki fólki gert kleift að getað lifað áfram sínu lífi og með sínum börnum og einstaklingum almennt í staðinn fyrir að missa þetta fólk endanlega og missa af tekjum til ríkissjóðs. En afhverju er ekki ...
Natalie

Í landinu er stjórnarkreppa. Við blasa erfiðleikar sem jaðra við þjóðargjaldþrot. Afleiðingarnar verða hrikalegar!
Mörgu er um að kenna: Óheftri og skefjalausri markaðshyggju; gripdeildum fjármálamanna, siðlausri og óábyrgri stjórnarstefnu undangengin 18 ár undir leiðsögn Sjálfstæðisflokks í samstarfi við Alþýðuflokk, Framsóknarflokk og Samfylkingu. Þetta eru flokkarnir sem hafa keyrt okkur út í fenið....Allt þetta kom upp í hugann þegar ég hlýddi á viðtal við háskólaprófessor í Sjónvarpsfréttatíma í hádeginu í dag. Spurt var hvað VG þyrfti að gera til að verða stjórntækur flokkur! Ég spyr á móti: Hversu marktækur getur Gunnar Helgi Kristinsson talist sem prófessor í stjórnmálafræði sem sá ástæðu til að ...

...Ég hef verið að velta fyrir mér undanfarna mánuði hvað stjórnmálaflokkarnir ætla að gera til að bæta og passa uppá kjör verslunarfólks og verkafólks. Hvað ætla VG að gera fyrir þetta fólk?...
Ásdís Helga

Er mafía á Íslandi? Ég þarf svosem ekki að setja spurningamerki á eftir setningunni. Jú lesandi góður, það er mafía á Íslandi. Í örfáum orðum þá virkar kerfið svona,auðmenn útgerðarrisar, Samherji á Akureyri og fl og fl dæla fjármunum inní Valhöll, síðan eru ráðherrar Sjálfstæðisflokksins verkfæri í höndum þessara manna, og koma öllum þeim hagsmunum sem þeir vilja í gegn á Alþingi og fá sennilega svolítin bitling fyrir andskotin hafi það. Það er komið nóg af þessu bulli, nú þarf að svæla út grenið í eitt skipti fyrir öll...
Kristófer Kristófersson

...Eins og þú og Steingrímur hafa talað undanfarið vilið þið mynda stjórn með SF sem er annar þeirra flokka sem fólkið er að mótmæla í dag.  Mun sá flokkur breytast svo mikið við að fara í samstarf við VG að fólk sætti sig við hann í stjórn?  Ég hef ekki heyrt neinn úr SF gera athugasemdir við skilyrði IMF.  SF vil fara inn í ESB.  VG er á móti skilyrðum IMF og síðast þegar ég vissi vildi VG þjóðaratkvæðagreiðslu um hvort ætti að fara í alildarviðræður við ESB.  Finnst VG það vænlegur kostur að fara í stjórnarsamstarf með fólki sem fer á taugum og gerir ...
Sigurbjörn Halldórsson

Björgvin G. Sigurðsson - nú fyrrverandi viðskiptaráðherra - gaf skýr og jákvæð skilaboð á fréttamannafundi í morgun.  Hann sagði af sér embætti og viðurkenndi að hann bæri að hluta til ábyrgð á því hvernig komið væri. Hann sagði að  það gerðu fleiri í stjórnmálunum og stjórnsýslunni. Að sjálfsögðu þarf hér að bæta við upptalningu Björgvins, sjálfum höfuðpaurunum - „útrásarvíkingunum" , sem reyndust þegar á hólminn kom, vera innrásarvíkingar sem tæmt hafa allar fjárhirslur þjóðarinnar og gott betur....Það sem nú þarf að gerast er að ....

...Mótmælendur hlupu til og mynduðu varnarskjöld fyrir framan lögreglumennina til að sýna að reiðin ætti ekki að beinast gegn þeim, þeir væru engir sökudólgar heldur samborgarar að sinna störfum sínum. Í stórum hópum setti fólkið á sig appelsínurauða borða til merkis um að það vildi einvörðungu friðsamleg mótmæli. Og von bráðar voru margir lögreglumenn komnir með nælda í sig borða og blóm í sömu litum.... Það er hlutverk okkar allra að vernda góða löggæslu á sama hátt og hún verndar okkur.

...Flokkurinn hefði ákveðið að efnt skyldi til kosninga 9. maí næstkomandi. Ekki var látið svo lítið að kanna vilja annarra stjórnmálalflokka á þingi. Kannski ekkert skrítið, eftir tæplega tveggja áratuga ofstjórn þar sem allir þræðir hafa legið í Valhöll.
Hitt er svo annað mál að mikinn skugga bar á fréttamannnafundinn í dag, sem í mínum huga yfirskyggði allt annað. Geir H. Haarde, forsætisráðherra, tilkynnti um alvarleg veikindi sín og nauðsyn þess að hann gengist undir skurðaðgerð. Þetta eru slæm tíðindi. Óska ég Geir alls hins besta, góðs og skjóts bata.   

Hafi einhver ekki áttað sig á því að nú er tími breytinga runninn upp skal það vera nú. Það er ekki nóg að boða til kosninga og það er ekki nóg að skipta út fólki. Það þarf að skipta hér út heilu kerfi. Það þarf að koma í veg fyrir að örfáir einstaklingar geti sett heila þjóð í skuldaklafa. Það þarf að ...Ég er hér að kasta því fram, að einhverju leyti, nokkuð róttækri hugmynd. Ég geri mér grein fyrir því að hana þurfa menn að melta og velta fyrir sér. Ég óska eftir umræðu og þess vegna eru þessi skrif samansett. Vafalaust eru á henni vankantar sem umræða ein getur skýrt. Ég hef velt henni fyrir mér lengi og ekki séð betri leið til að tryggja lýðræði og réttlæti í samfélaginu. Hafir þú, lesandi góður, einhverju við að bæta, eða eitthvað út á hugmynd mína að setja fagna ég gagnrýni þinni...

...Það er von mín og meirihluta þjóðarinnar að Samfylkingin fari að vakna af sínum valdablundi , hlusti á meirihluta þjóðarinnar og slíti þessu handónýta stjórnarsamstarfi við sjálfstæðisflokkinn.Síðan yrði boðað til kosninga. Eftir 18 ára valdasetu Sjálfstæðisflokksins með stefnu sem er orðin miklu meira en gjaldþrota, þá er komið nóg. Það er lífsnauðsynlegt fyrir Ísland að þessi flokkur fari í langt frí svo hægt sé að taka til eftir hann og byrja að endurreisa Ísland úr rústum stefnu hans síðastliðin 18 ár. Geir H Haarde. Gerðu það fyrir Ísland, íslensku þjóðina og sjálfan þig, segðu af þér og vertu utan ríkisstjórnar.
Sveinn Elías Hansson

...Í lesendabréfi sem birtist á síðunni í dag er réttilega bent á þá veruleikafirringu sem fram kemur í afstöðu forsætisráðherra. Hann verður að skilja að gagnrýnin og reiðialdan beinist ekki gegn honum persónulega á nokkur hátt. Sjálfur er ég eindregið þeirrar skoðunar að Geir H. Haarde sé mjög heiðarlegur og grandvar maður, sem vill þjóð sinni vel...Nú dugir enginn sýndarveruleiki lengur. Þjóðfélagið logar í bókstaflegri merkingu. það er ábyrgðarhluti að leggja ekki sitt af mörkum til þess að reiðin beinist í lýðræðislegan og uppbyggilega farveg. Það yrði gert með því að...

...Geir hefur sagt að ef kosningar yrðu boðaðar þá mundi upplausn skapast í þjóðfélaginu! Hvað heldur maðurinn eiginlega að ástandið sé nú?  Er maðurinn fullkomlega úti að aka og skilningslaus? Getur þjóðfélagsástandið virkilega verið í meiri upplausn en nú er? Geir Hilmar segir að ríkisstjórnin sé starfhæf! Þetta sýnir tvímælalaust að maðurinn er fullkomlega raunveruleikafyrtur?  Það er ekki hægt að halda fundi á Alþingi vegna mótmæla almennings, allra flokka fólks, hver höndin er uppi á móti annarri í ríkisstjórnar liðinu, og ...
Úlfur

...Ég geri mér vel grein fyrir því að ástand mála hér er það slæmt að rótækar breytingar þurfa til. Ekki einungis að skipta um ríkisstjórn. Ekki einungis að skipta út fólki - þó að það sé vissulega nauðsynlegt - heldur þurfum við nýtt kerfi. Það þarf að koma til nýtt kerfi sem virkjar og (involverar) fólkið í landinu í ákvarðanatöku er varðar þjóðarhag. Þessar hugmyndir mínar, er ég reifa í umræddu bréfi, eru mitt tilleg í þá átt að auka lýðræði (í raun koma því á) og bæta þar með mannlífið og þjóðfélagið...
Þór Þórunnarson

Takk fyrir að heyra og sjá hvað er að gerast í landinu, það þarf að virkja restina af flokknum til hins sama ef þið eigið ekki að glata trúverðugleikanum. Þú hefur sterka rödd sem við þurfum öll á að halda núna. Hnefann á loft, flott hjá...
Sigríður Ævarsdóttir

Ljóst er að mótmælin í landinu eru að aukast. Krafan um að ríkisstjórnin fari frá að magnast. Viljinn til að fá kosningar að verða víðtækari. Skaphitinn að æsast innra með fólki. Gagnvart hrokafullri og veruleikafirrtri ríkisstjórn er þetta hættulegur kokteill. Við slíkar aðstæður er hlutskipti lögreglunnar erfitt og við þessar aðstæður getur skapast hætta á ofbeldi - á báða bóga.....Mótmælendur verða að hafa hugfast að allur þorri lögreglumanna  vill sýna varfærni og stillingu. Lögreglumenn þurfa að sama skapi að hafa hugfast að innra með mótmælendum brennur mjög réttlát reiði og að miðað við aðstæður eru mótmælin mjög friðsöm.

Takk fyrir að vera þú og passaðu þig á myrkrinu eins og Jónas segir. Listamenn eiga ekki að þvælast fyrir alvöru fólki á alvörutímum sem þessum. En samt ... Mig langar að biðja þig um að birta þetta ljóð mitt á þínum fjölsótta vettvangi. Held að það eigi erindi til fleiri en örfárra sálna. Gerði fyrsta uppkast í gær og lauk þessu svo í dag.
Jól á Gaza 2008...
Jóhann Frímann Gunnarsson

Það er heldur dapurlegt að lesa ummæli forsætisráðherra um hvernig komið sé fyrir þjóðinni á hans vakt og sérmenntaður hagfræðingur í þokkabót og ekkert minntist hann á að hann væri á förum úr ríkisstjórn. Ekkert hefur enn skeð á hans vakt. Allir við störf í nýju bönkunum sem tóku þátt í gerningum þeirra gömlu en engar breytingar yfir höfuð fyrirhugaðar í stjórnkerfinu og þessu á að troða niður um kok landsmanna. Bankamálaráðherrann hefur heldur ekki...
Þór Gunnlaugsson

Í dag - sunnudag - klukkan 15 gangast fjölmörg félagasamtök, stjórnmálahreyfingar og fjöldasamtök fyrir mótmælafundi í Háskólabíói undir kjörorðinu: ÞJÓÐARSAMSTAÐA GEGN FJÖLDMORÐUNUM Á GAZA. Dagskráin er í senn kröftug og vönduð....Í ljósi voðaverkanna á Gaza er það nánst skylda sérhvers manns að gera allt sem í hans valdi stendur til að stöðva ódæðið. Fjöldafundir af því tagi sem hér er boðað til styrkir kröfu alþjóðasamfélagsins um að Ísrael verði beitt þrýstingi til að láta af ofbeldinu. Þess vegna verða allir að mæta sem eiga þess nokkur kost!

...Fjármálaráðherra fleiprar um í fjölmiðlum að á næstu kreppuárum muni ríkissjóður megna að niðurgreiða hundruð milljarða skuldir og koma skuldunum í 1000 milljarða eftir 3-4 ár !
Ef draumur ráðherrans ætti að rætast  mundi við blasa algert lífskjarahrun á Íslandi, fullkomið niðurbrot velferðakerfisins að öllu leyti.  Aukin þjáning, fátækt almennings yrði óbærileg.
Aukin ríkisútgjöld eru einmitt eðlileg kreppuviðbrögð við atvinnuleysi og félagslegri neyð. Nú er halli á ríkisfjárlögum 160 milljarðar. Þessi halli mun aukast á næstu árum m.a. vegna 70-100 milljarða vaxtakostnaðar vegna erlendra lána og enn er reiknað með að krónan veikist (aukning skulda í í ISK).
Varla verður...

...Þegar hið endurreista Viðskiptablað kom út að nýju í eignarhaldi nýrra aðila í vikunni fjallaði leiðarinn um hve jákvætt það væri að einkavæða heilbrigðisþjónustuna.  Heilbrigt skref var fyrirsögn leiðarans ...Ítrekað skal að einkavæðingaráhuginn er ekki nýr af nálinni á ritstjórn Viðskiptablaðsins. Hins vegar vakna ýmsar spurningar þegar auðmenn ná undirtökum í stjórnmálum og fjölmiðlum og hagsmunabarátta auðmannanna og ritstjórnarstefna fjölmiðla í þeirra eigu renna saman í eitt.  Þess vegna þessar hugrenningar að gefnu tilefni: Lofgjarðar,  um ráðherra sem deilir út ábatasömum verkefnum, í leiðara blaðs í eigu manns sem vonast til að komast sjálfur yfir verkefnin...

Hann var viðskipta-og bankamálaráðherra þegar samið var við Evrópubandalagið um regluverk bankanna á EES- svæðinu. Hann hefur um skeið setið sem varaformaður bankaráðs Seðlabanka Íslands. Hann er formaður stjórnar Fjármálaeftirlitsins. Hann lét nota sig með mynd og texta í auglýsingu Landsbankans um Icesave reikninga sína, einsog hver önnur fyrirsæta, þegar Hollendingar voru plataðir til að ...
Ólína

Eftir lestur MBL í dag 17.01 og umræður á Norðurlöndunum eða hræðslu um að Noregur dragist nauðugur með inn í ESB ef við förum þangað inn beini ég þeirri málaleitan til þingmanna VG að þeir beini áhrifum sínum ... Það vill nú þannig til að Island verður oliuland í framtíðinni og með Noreg sér við hlið verða þessi 2 lönd stórveldi og því allt að vinna fyrir þessi ríki á sviði sjávarútvegs og oliuvinnslu. Varpa þessu fram til ...
Þór Gunnlaugsson

Í dag fékk ég þennan reikning sendan. Hann er ekki stílaður á mig einan heldur þjóðina alla. Á meðan skrifað er upp á reikning af þessu tagi fyrir okkar hönd virðist mér Samfylkingin bíða í ofvæni eftir því einu hvað Sjálfstæðisflokkurinn ætli að gera gagnvart umsókn um aðild að Evrópusambandinu! Er þessi flokkur orðinn staurblindur...

...Hann vildi fá "réttar-endurskoðendur" (forensic auditors) og sérfræðinga í að endurskipuleggja ríkisskuldir.
Aðalatriðið: Til að hægt sé að skipuleggja framtíð Íslands þurfum við að vita strax og sundurliðað, hverjar eru skuldir þjóðarinnar og hvaða eignir eru á móti. Til að taka upplýstar ákvarðanir þarf upplýsingar.
Hreinn Kárason

...Hann er sérfróður um finnsk málefni. Talar finnsku reiprennandi og þekkir fjármálalíf Finna eins og handarbakið á sér. Var til dæmis fenginn til að fylgjast með finnsku fjármálakreppunni sem reið yfir um það leyti sem Davíð Oddsson kom Sjálfstæðisflokkunum aftur til valda í íslenskri pólitík eftir stutt niðurlægingartímabil þess flokks. Þetta tókst Davíð, mestan part fyrir atbeina tveggja Jóna Alþýðuflokksins sáluga, Hannibalssonar og Sigurðs. Báðir "pensionistar" nú, hvor með sínu sniði, ef ég skil fréttirnar að heiman rétt. Grannkonan vildi að ég hittI þennan fyrrum starfsbróður sinn til að heyra hann tala um finnsku leiðina, milliliðalaust. Finnsku kreppuna. Þá ferð án fyrirheits, sem varðhundum valdsins, varð svo töm í haust. Þessi leið sem ég sá að íhaldssamir íslenskir blaðamenn og þeir sem vissu ekki betur mærðu fram eftir hausti eftir að íslensku bankarnir fóru á hausinn. Sumir átu gagnrýnislaust upp eftir talsmönnum ríkisstjórnar, Vilhjálmi Egilssyni, og Þór Sigfússyni að finnska leiðin ...
Ólína

Slíta þarf stjórnmálasamstarfi við Ísrael þegar og upplýsingar um þær vörur sem seldar eru hér og koma frá Ísrael þarf að kynna fyrir alþjóð og þannig geta einstaklingar sjálfir valið hvað keypt er. Vil um leið senda inn athugasemd í sambandi við fjálsverslunarsamning EFTA við Ísrael að þar - við fyrirspurn Össurar í sambandi við hann - að upplýsingar í sambandi við svör - voru að upplýsingar væru ekki tiltækar í sambandi við hvaða fyrirtæki og einstaklingar sem hafa þessi viðskipti. Mjög ...
Emelía Einarsson

...Sendinefndir koma hér í næstu viku til samningaviðræðna vegna Icesafe og álíkra innlánsreikninga en Bretar hafa hunsað bréf ríkisstjórnarinnar um að aflétta hryðjuverkalögum af útibúum okkar og hindra þannig að hægt sé að vinna við að koma í verð því sem þar er geymt. Mér finnst það bara ekki koma til greina að sitja við samningaborð rétt eins og handteknir aðilar af mannræningjum og semja um lausnargjald. Það bara kemur ekki til greina. Þjóðinni ber afdráttarlaust að neita slíkum fundum uns...
Þór Gunnlaugsson

,,Ég er ekkert að þræta fyrir það og get alveg sagt eins og er að ég sá ekki þessa hluti fyrir. Mér þykir það bara mjög miður og biðst afsökunar á því," sagði Guðlaugur Þór Þórðarson, heilbrigðisráðherra, þegar hann gerði játningar í Kastljósi Sjónvarpsins í gærkvöldi um hlut Sjálfstæðisflokksins í falli bankanna og þeim efnahagsþrengingum sem markaðshyggjan og stuðningsklíkur hennar, innan flokks sem utan, hafa leitt þjóðina í...
Þjóðólfur

Það var lágt risið á snillingnum  Bjarna og var sjálfsagt allt upp spunnið af almannatenglum, ekki bara svör og háttalag heldur hefur hann einnig notið ráðlegginga sérfræðinga um ásýnd alla. Bjarni var ekki með milljóna króna töffaragleraugun á nefinu, hann vildi nefnilega vera alþýðlegur og mildur, hann var þreytulegur að sjá enda sýndist mér hann sminkaður eins og lík. Þá voru jakkafötin ekki úr smiðjum dýrustu hönnuða heims, nei þau minntu á gamlan galla frá...
Þjóðólfur

Guðlaugur Þór Þórðarson heilbrigðisráðherra "hélt" í gær fjölmennan „kosningafund í Hafnarfirði" ef svo má að orði komast. Kom það reyndar ekki til af góðu enda ekki við að búast. Húsfyllir, yfir tvö þúsund manns, var í íþróttahúsinu við Strandgötu og var yfirskrift borgarafundarins: „Stöndum vörð um starfsemi St. Jósefsspítala og framtíð heilbrigðisþjónustu í Hafnarfirði"...
Jóhanna

...það er ekki nóg að vera búin að eyðileggja hagkerfi Íslands og setja núlifandi fólk, börn og barnabörn á skuldaklafa útlendinga, það má ekki einu sinni láta sjúkrahúsin og heilbrigðisþjónustuna í friði. Auðvitað er þetta glæpur og Samfylkingin er síður en svo betri en Sjálfstæðisflokkurinn...
Úlfur  

Birtist í Morgunblaðinu 09.01.09.
Það er smám saman að renna upp fyrir þjóðinni hvað hefur hent hana á undanförnum árum. Allar eignir hennar hafa annað hvort verið teknar af henni með einkavæðingu eða þær hafa verið veðsettar að fullu og hún svipt þeim með þeim hætti...feigðarflanið hófst með einkavæðingu kvótakerfsins. En einmitt þar á nú að byrja að vinda ofan af öfugþróuninni.  Ná þarf að tryggja sjávarauðlindina aftur í þjóðareign. Sama gildir um vatnið, heitt og kalt, rafmagnið og alla grunnþjónustu samfélagsins ...Markaður á að ríkja þar sem hann gerir gagn. Ekki þar sem nú hefur sannast að hann gerir ógagn.  Brýnasta verkefni þjóðarinnar nú er að ná auðlindunum tilbaka. Ef við missum þær úr hendi til auðmanna innan lands eða utan þá eigum við okkur ekki viðreisnar von. Aldrei. Látum það ekki henda...

Tinna Laufey Ásgeirsdóttir, lektor í "heilsuhagfræði" (hvað sem það nú er) við Háskóla Íslands, fagnar innlagningargjöldum vegna spítalavistar. Hún heldur að fólk muni síður ákveða að leggjast inn. En það eru læknar sem ákveða að leggja fólk inná á spítala, ekki sjúklingurinn...
Hreinn K

Í dag klukkan 16 verður efnt til fundar í Iðnó í Reykjavík vegna grimmdarverkanna á Gaza. Það er mikilvægt að fólk sýni samstöðu með fórnarlömbunum og þá jafnframt og kannski fyrst og fremst, andstöðu við glórulaust ofbeldið...

...Hafnfirðingar eru stoltir af spítalanum sínum. Hann er vel rekinn stofnun sem hefur þjónað Íslendingum vel. Sérhæfðar aðgerðir unnar á hagkvæman hátt. Þannig mætti sennilega lýsa þessum frábæra spítala. Nú á að gefa þetta. Einkavæða. Svona hvetur ríkisttjórnin til „fjölbreyttari rekstrarforma í heilbrigðisþjónustu". Án ávinnings. Og hverjir eru ánægðir? Margrét Björnsdóttir, samstarfskona formanns Samfylkingar til fjölda ára er ánægð. Það sá ég á...Ég hef ekki enn hitt ánægðan Hafnfirðing. Sama úr hvaða flokki hann er. Samfylkingin í sjálfum Hafnarfirði hefur ályktað gegn stefnu eigin ríkisstjórnar. Hafnarfjörður sem eitt sinn var talin sterkasta vígi jafnaðarmannaflokksins.
Það voru mótmæli í friðsama bænum í gærkvöld. Með þeim starfsmönnum sem voru á fundi á spítalanum sjálfum voru á þriðja hundrað manns sem mættu. Á netinu hefur orðið til tæplega 3000 manna hópur.
Það eru fáir í liði Frjálshyggjunni lengur....

...Lengi hefur verið vitað að Róbert nokkur Wessman hefur verið að reyna að þröngva sér inn í heilbrigðisþjónustuna... Og viti menn! Ekki alls fyrir löngu sást Róbert á sprangi um ganga sjúkrahússins í Reykjanesbæ. Það er einmitt sú stofnun sem á að fá verkefnin sem Guðlaugur Þór er nú að færa frá Hafnarfirði við lokun St. Jósefs Spítala...Ég hvet alla til að hlusta á þetta viðtal á mbl.is. Síðan skulum við bretta upp ermarnar og gera Guðlaugi Þór, Sjálfstæðisflokknum og Samfylkingunni grein fyrir því að við erum búin að fá nóg af því að láta gróðapunga féfletta okkur...

Birtist á smugan.is 08.01.09.
Nú er myndin að skýrast. Annars vegar höfum við ríkisstjórn sem lyppast niður í samningum við erlenda lánadrottna og peningamenn en sýnir „einurð" í aðför  sinni að sjúkum og veikum. Hve margir skyldu gera sér grein fyrir því að áform ríkisstjórnarinnar um niðurskurð í heilbrigðiskerfinu (þ.e. frá fjárlagafrumvarpinu sem lagt var fram í október) nema 6,7 milljörðum króna. Þessi niðurskurður er álíka upphæð og nemur einu prósentustigi til eða frá í vaxtakostnaði vegna Icesave-skuldbindinganna. Í gær gafst ríkisstjórnin  í reynd upp í ...

Birtist í Fréttablaðinu 08.01.09.
Auðmenn Íslands sem gert hafa þjóðina nánast gjaldþrota eru sjálfir ekki á flæðiskeri staddir. Það virðist alla vega eiga við um þá marga. Reglulega berast fréttir af stórfelldu braski þeirra, myndir af eignum bæði hér á landi og erlendis. Þetta er okkur sagt á sama tíma og verið er að hlaða skuldaklyfjunum upp á bakið á skattgreiðendum næstu ár og jafnvel áratugi vegna Icesave lána Landsbankans. Ekki er lengra síðan en í apríl síðastliðnum að...

Sjónvarpið á lof skilið fyrir að sýna viðtal við norskan lækni starfandi á Gaza ströndinni. Myndir og frásagnir læknisins færa okkur heim sanninn um hve hrikalega stríðsglæpi Ísraelar eru að fremja á svæðinu. Allt þetta gerist í skjóli Bandaríkjanna, stærsta herveldis heimsins. Þess vegna er við hæfi að efnt skuli til mótmælafundar klikkan 17  í dag við sendiráð Bandaríkjanna að Laufásvegi 21 í Reykjavík. Það er félagið Ísland Palestína sem efnir til mótmælafundarins gegn fjöldamorðunum á Gaza.  Formaður félagsins, Sveinn Rúnar Hauksson mun...

Birtist í DV 07.01.09.
Fjarlægðin gerir fjöllin blá og þjóðirnar einsleitar. Ísraelar verða Ísraelar og Palestínumenn verða Palestínumenn. Ekki kannski alveg svona einfalt því við erum búin að ná því að höfuðfylkingar Palestínumanna heita Fatah og Hamas. Síðarnefndu samtökin höfðu vinninginn í síðustu þingkosningum í Palestínu. Það líkaði hernámsliði Ísraela illa og neitaði að viðurkenna réttkjörna stjórn. Þá var mynduð þjóðstjórn með sameiginlegri þátttöku Fatah og Hamas. Þeirri stjórn settu Ísraelar skilyrði, sem hún réði ekki við og sprakk hún því. Í kjölfar vopnaðra átaka á meðal Palestínumanna...

...Guðlaugur Þór hefur reyndar algjörlega afneitað eigin hugmyndafræði í ræðustól á Alþingi nýlega og Samfylkingin er fullkomlega gagnslaus um leið og einkavæðingarbyltingin á sér stað. Kostnaðarvitund öryrkjans mun líklega aukast nú til muna þegar borga þarf fyrir innlögn á sjúkrahús. En þau eru flott á því, Ásta Möller og Guðlaugur Þór. Öryrkinn þarf víst bara að borga fyrir innlögn á sjúkrahús einu sinni í mánuði. Þá er nefnilega boðið upp á afslátt. Þetta þyrfti líklega að kynna fyrir sjúklingum, þannig að þeir geti hagrætt „veikindum sínum". En Guðlaugur Þór hefur boðað að ...
SB

...Auðvitað eiga stjórnvöld tímabilsins (Sjálfstæðisflokksins, Krata og Framsóknarflokksins) sinn þátt í glæpunum og hruninu, með einkavinavæðingunni án leikreglna og strangra laga og nákvæmu eftirliti!  Það má jafnvel fara enn lengra aftur í tíman og nefna EES sem aðal bölvaldinn, því það skapaði forsenduna fyrir einkavæðingunni, sem aftur skapaði síðan forsenduna fyrir fjármálaglæpamennskunni og hruni íslenska fjárhagskerfisins! Það hafa orðið aldahvörf í stjórnmálum þjóðarinnar. Það lítur ekki út fyrir að þjóðin fylki blindandi sem áður, sömu jálkum Sjálfstæðisflokksins og Framsóknarflokksins, eða Krötunum sem er Samfylkingin á bak við...
Úlfur

Í dag rann út frestur til að lögsækja bresk stjórnvöld fyrir að beita Íslendinga hryðjuverkalögum. Það gerði Gordon Brown, forsætisráðherra Breta  til að slá tvær flugur í einu höggi: Eyðileggja íslenska bankakerfið erlendum fjárfestingafyrirtækjum sem víti til varnaðar og til að bæta eigin stöðu í skoðanakönnunum.
Íslenska ríkisstjórnin þorði ekki í mál og má ráða af því að hún hafi enga trú á málstað Íslendinga. Formenn Sjálfstæðisflokks og Samfylkingar segja okkur að tilteknir lögfræðingar hafi sagt þeim að ...

Jónas Fr. Jónsson, forstjóri Fjármálaeftirlitsins, segir okkur  í fréttum Sjónvarps í kvöld að almenningi séu ekki ætlaðar upplýsingar úr skýrslum endurskoðunarfyrirtækja um bankabraskið. Fjármálaeftirlitið væri nú búið að fá slíkar skýrslur í hendur og ætlaði að skoða þær „faglega". Jónas Fr. Jónsson, ætlar með öðrum orðum ekkert að gefa upp um það hvort endurskoðunarfyrirtækin sem rannsökuðu Kaupþing og Landsbankann í aðdraganda hrunsins telji að lög hafi verið brotin eður ei.Til álita komi hins vegar að ...

Ég hef hlustað á talsmenn ríkisstjórnarinnar reyna að skýra hvers vegna hún hefur lyppast niður gagnvart yfirgangi Breta sem beittu hryðjuverkalögum við að koma íslenska bankakerfinu á hliðina þegar það mátti minnst við. Nú er orðið ljóst að ríkisstjórnin ætlar ekki að láta reyna á lögmæti þessara hryðjuverkalaga Breta... En það má ríkisstjórnin vita að málið snýst ekki einvörðungu um að tapa eða vinna málaferli heldur að sýna fram á trú okkar á eigin málstað. Það út af fyrir sig myndi styrkja okkur í samningum um lánskjör Icesave-lánanna... Þetta hafði ekkert með lögmæti að gera heldur trú á málstað og vald. Sá sem trúir á málstað sinn öðlast vald. Það skildu landhelgiskempurnar okkar. Lúðvík Jósepsson kemur upp í hugann. Hann var einn fremsti foringi okkar í landhelgisstríðunum. Hann var málsvari til að reiða sig á vegna þess hve mikill baráttumaður hann var. Í nýútkomnu blaði Vinstrihreyfingarinnar græns framboðs í Kópavogi, Kópi, vík ég að baráttu Lúðvíks...

Bjarni Ármannsson, einn af fyrrverandi óskadrengjum þjóðarinnar, upplýsti í Kastljósi Sjónvarpsins í gærkvöldi að hann hefði í október sl. endurgreitt Glitni 370 milljónir króna sem hann hafði fengið við starfslok. Nú leikur mér forvitni á að vita um endurgreiðslur til Bjarna vegna opinberra gjalda...
 Þjóðólfur

...Hæstvirtur forsætisráðherra telur það ekki alvarlegt mál að brjóta stjórnsýslulög að áliti umboðsmanns Alþingis og ekki heldur fjármálaráðherra fyrir það sama við skipun dómara. Þessir menn eru gjörsneyddir allri siðgæðisvitund að þeir gera sig með öllu óhæfa til að gegna opiberu starfi og kasta rýrð á embætti umboðsmanns Alþingis. VG mun án efa setja viðbót inn í stórnsýslulög um leið og við tökum við og bæta inn refsikafla gegn þeim brotum ásamt því að gera slíkt hið sama við álitsgerðir umboðsmanns Alþingis sem gefi honum heimildir til að afturkalla skipanir/ógilda gjörninga sem hann telur að styðjist ekki við lög. Fjármálaráðherra ætti fyrir löngu að vera búinn að segja af sér...
Þór Gunnlaugsson

...Var að lesa síðuna þína og horfði meðal annars að Hannes Hólmstein og að mínu mati mætti alveg rífja upp fleiri umæli sem fólk lét falla þegar það hélt ekki vatni yfir því hvað þetta voru miklir snillingar að búa til peninga sem voru svo ekki til þegar upp var staðið. Ég afritaði textan hér að neðan af síðunni þinni  og eins og þú sér undirstrikaði ég hluta af honum og er það vegna þess að mig langar til þess að spyrja þig einnar spurningar. Eru það ekki stjórnir sjóðanna sem taka ákvarðanir um fjárfestingar þeirra?  Ef svo er eiga þær ekki að axla ábrygð og segja af sér?...Ég er enn þeirrar skoðunar að Steingrímur J hafi farið yfir strikið í Kryddsíldinni...Annað sem ég hef verið að velta fyrir mér en það er að öll lán sem ég skulda í Landsbankanum verð ég að borga til baka með fullri verðtryggingu (hverju réttlát sem hún er í dag) og vöxtum, en þessi sami banki má skerða séreingnalífeyrissparnaðinn minn um 30% án þess að ég ...
Sigurbjörn Halldórsson

Hannes Hólmsteinn Gissurarson, prófessor við Háskóla Íslands og sérlegur hugmyndafræðingur Sjálfstæðisflokksins um árabil, er holdgervingur öfgafrjálshyggjunnar sem riðið hefur húsum á Íslandi með þeim hrikalegu afleiðingum sem nú blasa við. Meðfylgjandi er ársgamalt viðtal við Hannes  Hólmstein úr þættinum Ísland í dag á Stöð 2. Bernsk trú Hannesar á ágæti markaðshyggjunnar  skín í gegn þegar hann í ákafa sínum hvetur til þess að menn gefi betur í og haldi enn lengra...

Nú var að birtast önnur skoðanakönnunin í röð  þar sem VG er að mælast stærsti flokkurinn. Mitt mat er að um enga tilviljun sé að ræða. Þið Steingrímur Sigfússon hafið verið hryggsúlan í andófi gegn græðisvæðingu samfélagsins undanfarin ár og unnið þar gott en vanþakklátt starf sem gæti verið að bera ávöxt nú á krepputímum . Fulltrúi okkar dreifbýlismanna á þingi er samherji þinn Jón Bjarnason sem er vakinn yfir okkar hagsmunamálum nú síðast í dag er hann að berjast á móti hækkun á dreifingarkostnaði raforku sem átti að koma til framkvæmda nú um áramótin. Jón er hreinskiptinn baráttumaður eins og...
Norðlendingur