Mjallhvít litla vann og vann
en vildi á dansleik fara.
Í hugum dverga bræðin brann.
Hún burt sér skyldi snara.


Dvergar vildu síðan sátt
og sögðust tilboð gera,
"það eina sem þú ekki mátt,
er að fara og vera".
Gísli Sigurkarlsson

Í grein í Mbl. 28. des. leggst Samfylkingarmaðurinn Valdimar Leó Friðriksson á hnén og kvittar rækilega undir þá persónudýrkun sem tröllríður íslenskum stjórnmálum þessa dagana. Víst er að almenningi er ekki skemmt við lesturinn enda kominn með upp í kok af ofurmennapólitíkinni...
Með nýárskveðju, Björn Á Björnsson

Blessaður.
Þú spyrð í hvaða texta ég vitni í skrifum mínum sem birtust hér á síðunni 24/12. Tilvitnanirnar eru úr laglegustu sögu rithöfundar, sem sendi frá sér smásagnasafn fyrir jólin. Hann er andstæðingur þinn í stjórnmálum. Davíð Oddsson.
Kveðja
Hafsteinn 

Nýlega birtist á heimasíðu minni ágætt bréf frá Andrési Kristjánssyni þar sem hann lýsti áhyggjum vegna fyrirhugaðra virkjunaráforma og þá ekki síst vegna ófyrirséðra útgjalda. Vísaði hann í gangagerð í tengslum við neðanjarðarlestakerfi í Kaupmannahöfn. Nefndi hann tölur í því sambandi en kvaðst ekki hafa þær staðfestar. (sjá bréf AK og svar 17/12 sl.) Í svari mínu til Andrésar sagðist ég ætla að reyna að afla nánari upplýsinga um þetta efni. Það hef ég nú gert og hefur eftirfarandi komið fram:

Mér finnst skorta nokkuð á gagnrýni hjá ykkur í VG Ögmundur og þið látið menn og fjölmiðlamenn komast upp með óþarflega mikla manípúlasjón. Það var til dæmis einhver félagsvísindamaður sem sagði á dögunum að Halldóri Ásgrímssyni ætlaði greinilega ekki að takast að  rétta Framsóknarflokk sinn við í Reykjavík.
Hafsteinn

Deilur um borgarstjóraembættið setja svip á stjórnmálaumræðuna þessa dagana. Málið blasir þannig við mér: Ingibjörg Sólrún Gísladóttir sagði fyrir borgarstjórnarkosningarnar síðastliðið vor að hún hygðist ekki taka þátt í komandi Alþingiskosningum. Yfirlýsing hennar var afdráttarlaus. Nú hefur komið á daginn að hún ætlar að ganga á bak þessara orða sinna.

Birtist í Morgunblaðinu 21.12.2002
Síðasta mál á dagskrá Alþingis fyrir þinglok var heimild til þess að breyta Norðurorku í hlutafélag, minni háttar mál að sögn iðnaðarráðherra og í ofanálag samkvæmt beiðni heimamanna á Akureyri. Undir þetta tóku þingmenn Sjálfstæðisflokks, Framsóknarflokks og Samfylkingar.

Samfylkingin hefur árum saman lagt áherslu á tiltekna lausn í kjördæmamálum. Flokkurinn samþykkti núverandi skipan, þá skipan sem kosið verður eftir í vor,  með hangandi haus og hálfréttri hönd...
Hafsteinn

Ungir jafnaðarmenn eru hamingjusamir þessa dagana enda hafa þeir kvartað mjög undan því að Samfylkingin væri að sumu leyti dálítið gamaldags og mosavaxið fyrirbæri. En nú er liðstyrkurinn kominn fyrir nútímalega jafnaðarmenn með frjálshyggjulegu hægriívafi...
Þorleifur

Heill og ævinlega sæll Ögmundur
Ég hef heyrt þá skýringu á upphafi heimsstyrjaldarinnar síðari að Adolf Hitler hafi reiðst gríðarlega aðfaranótt 1. sept. 1939 vegna þess að íslensk kona neitaði honum um drátt...
Dolli

Birtist í Fréttablaðinu 20. desember 2002
Það er mikið um að vera á vettvangi Alþjóðaviðskiptastofnunarinnar þessa dagana. En það fer ekki mjög hátt. Alþjóðaviðskiptastofnunin var sett á laggirnar árið 1994 á grunni GATT-samningaferilsins um afnám tolla á heimsvísu. Nú er þjónustustarfsemin undir GATS (General Agreement on Trade in Services). Tekist er á um það hvernig skilgreina skuli þjónustustarfsemi og hvaða hlutar hennar skuli ofurseldir markaðslögmálunum. Samtök launafólks – með samtök innan almannaþjónustunnar í broddi fylkingar – hafa barist fyrir því að þessar viðræður skuli fara fram fyrir opnum tjöldum en ekki luktum. Við erum nú stödd þar í þessu ferli að einstök ríki leggja fram kröfur á hendur öðrum ríkjum um hvaða þjónustugeirar verði opnaðir fyrir erlendri samkeppni og settir á markað. Hugmyndin er sú að þau reyni að ná samkomulagi sín í milli og síðan haldi allir áfram í sameiningu að útvíkka grunninn.

Ögmundur.
Mig langar að vita hvernig ákvarðanatöku var háttað þegar Ísland samþykkti aðild að loftárásum á Serbíu vegna Kosovo. Tóku Davíð og Halldór þá ákvörðun upp á eigin spýtur eða var hún tekin í umboði utanríkismálanefndar?
Kær kveðja, áfram Ísland, Friðrik

Geðrækt efndi til sérstaks geðræktardags fimmtudaginn 12. desember. Geðrækt er samstarfsverkefni fjögurra aðila um fræðslu- og forvarnarstarf en þeir eru: Landlæknisembættið, Geðhjálp, Geðsvið Landspítala Háskólasjúkrahúss (LSH) og Heilsugæslan í Reykjavík.

Framsóknarmenn eru einstaklega ómálefnalegir þessa dagana enda er hlutskipti þeirra ekki öfundsvert. Þeir hafa eftir bestu getu reynt að þagga niður lýðræðislega umræðu um fyrirhugaðar stóriðjuframkvæmdir á Austfjörðum...
Stefán

Hæhæ... ertu ekki örugglega örvhentur?
Stjáni Ara

Ég hef miklar áhyggjur af virkjunaráformum og ekki minnkuðu þær við tilboð sem samþykkt var frá Impregilo. Eg hef ekki fengið þetta staðfest en þegar Kaupmannahafnarkommúna auglýsti eftir tilboðum í fyrirhugað neðanjarðarlestarkerfi var lægsta tilboð 2.7 milljarðar danskra króna sem kom frá frá einhverri samsuðu stórra verktaka, þar á meðal Impregilo...
Kveðja Andrés Kristjánsson

Forseti Bandaríkjanna hefur rýmkað heimildir sínar til bandarísku leyniþjónustunnar CIA um aftökur á fólki sem hún sjálf skilgreinir sem hermdarverkamenn. Í bandarískum fjölmiðlum er talað um rýmkaðar morðheimildir Ákvarðanirnar hljóta að vekja allan almenning til umhugsunar um í hvaða siðferðilegu hæð valdsmenn í Washington ferðast þessa dagana. Óskandi væri að lögmenn, aðrir en þeir sem uppteknir eru við innheimtustörf, veltu fyrir sér opinberlega því sem er að gerast á sviði dóms- og réttindamála í Bandaríkjunum, sem um margt hafa verið öðrum þjóðum fyrirmynd í réttindamálum almennings.

Sæll Ögmundur.
Á undanförnum 10-15 árum hefur æ meir borið á umræðum um fátækt í aðdraganda jólanna þótt auðvitað sé skorturinn ekki bundinn við einn mánuð á ári...
Með kveðju, Gunnlaug Guðmundsdóttir

Framsóknarmenn beita ómerkilegum aðferðum þessa dagana enda í vondum málum. Þeir tuddast gegn lýðræðilegri umræðu um stóriðjuáformin, ráðast á vísindamenn og reyna að gera lítið úr öllum sem andæfa þeim...
Jón Árnason

Ágæti Ögmundur.
Dálítið sérkennileg umræða hefur farið fram um málefni öryrkja í fjölmiðlum að undanförnu. Í Fréttablaðinu 11. des. s.l. segir að fjöldi örorkulífeyrisþega hafi tvöfaldast á tíu árum...
Kveðja, Sigríður Kolbrún Einarsdóttir

Jólaþáttur varaborgarfulltrúa sjálfstæðismanna í Reykjavík snerist aldrei þessu vant um landsmálin. Þetta var þátturinn Laugardagskvöld með Gísla Marteini. Hann spurði talsmann ríkisstjórnarinnar um ástandið í landsmálum.

Undir myndinni af Atlantsskipum er alrangur myndatexti og ávallt skal hafa það sem sannara reynist: Nýir kjölfestufjárfestar í Atlantsskipum: Ögmundur Gróðdalín til vinstri, Össur Bisness til hægri...
Jón frá Bisnesi

Blessaður og sæll Ögmundur.
Fyrirhuguðum framkvæmdum við Kárahnjúkavirkjun og álver við Reyðarfjörð hefur verið líkt við atvinnuuppbyggingu í Sovétríkjunum á tímum Stalíns. Þarf þó ekkert endilega að binda sig við Stalínstímann því miðstýrt atvinnulíf Sovétríkjanna var löngum á sandi byggt. Þar var sjaldnast hugað að arðsemi eða markaðsmálum og aldrei að umhverfismálum...
Þórður

Blessaður Ögmundur.
Það var þakkarvert að vekja athygli á ósmekklegum málflutningi utanríkisráðherra í umræðum um Kárahnjúkavirkjun á Alþingi í gær. Og þetta er ekki í fyrsta skipti sem hann talar til landsmanna eins og þeir séu skyni skroppnir. Í hvert skipti sem stóriðjustefna ríkisstjórnarinnar hefur borið á góma á undanförnum árum hefur Halldór Ásgrímsson látið eins og hann hafi fundið upp hjólið og bent drýgindalega á tengsl hagvaxtar og velferðar, sem flestum eru raunar kunn...
Með bestu kveðju, Gunnlaugur Guðmundsson

Sæll Ögmundur
Í ágætri grein í Fréttablaðinu 7. desember skýrir þú hvernig ríkisstjórninni tekst að sýna fram á stórkostlegan rekstrarafgang ríkissjóðs með bókhaldsbrellum á grundvelli yfirstandandi rýmingarsölu á eignum þjóðarinnar. Auralausum framsóknarmönnum er færður Búnaðarbankinn á silfurfati. Samsonarnir fengu Landsbankann en þeir voru ekki tómhentir enda búnir að gera það gott við framleiðslu á áfengum drykkjum í Rússlandi...
Með bestu kveðju, Björn Ólafsson

Í fréttabréfi Atlantsskipa er birt mynd af mér ásamt Össuri Skarphéðinssyni og Stefáni Kjærnested framkvæmdastjóra Atlantsskipa og í myndatexta segir að það hafi verið „skemmtileg tilviljun“ að þegar við heimsóttum skipafélagið hafi þetta skip verið nýkomið til landsins. Staðreyndin er sú að tilefni heimsóknarinnar var einmitt þetta skip, allavega hvað mig sjálfan varðar, þar sem forráðamenn fyrirtækisins vildu sýna mér hversu vel væri að áhöfninni búið í kjölfar gagnrýni sem ég hafði sett fram.

Sæll Ögmundur.
Stjórnarformaður Landsvirkjunar, Jóhannes Geir Sigurgeirsson, skýtur nú föstum skotum á alla þá sem eru á móti Kárahnjúkavirkjun og raðar inn sjálfsmörkum í beinni útsendingu. Hann ber vísindamenn þungum sökum, segir þá hafa fórnað starfsheiðri sínum, af því að þeir segja ekki já og amen við öllu sem frá Landsvirkjun kemur. Þá segir hann að náttúruverndarsamtök gangi gegn lýðræðinu með því að berjast gegn því sem þegar hefur verið samþykkt á Alþingi. Mér finnst framkoma Jóhannesar með endemum og minna einna helst á taugaveiklaðan og hrokafullan einræðisherra. Eða hvað sýnist þér um málflutning stjórnarformannsins og skilning hans á lýðræðishugtakinu?
Reynir Ragnarsson

Sæll Ögmundur.
Á köflum finnst mér þjóðmálaumræðan bæði ófrjó og þreytandi. Áberandi er að Samfylkingin virðist vera með forsætisráðherra á heilanum. Forystufólk hennar talar um skapferli Davíðs og stjórnunaraðferðir hans, hann sé orðinn allt of geðstirður illskeyttur. Nú sé kominn tími til að skipta um, Davíð sé búinn að sitja svo lengi og valdið spilli með árunum...
Kveðja, Þórður.

Birtist í Fréttablaðinu 7.12.2002
Ekki voru allir sáttir þegar ríkisstjórnin kynnti fjárlagafrumvarp sitt í haust. En þá fyrst rak menn í rogastans þegar fjáraukafrumvarpinu var slengt fram því önnur eins handarbakavinnubrögð hafa ekki lengi sést.

Birtist í Mbl. 26.11.2002
Aðalfundur BSRB sem haldinn var fyrir fáeinum dögum lagði áherslu á að settar verði reglur sem tryggi persónuvernd starfsmanna á vinnustöðum. Á mörgum vinnustöðum hefur hvers kyns eftirlit með starfsfólki færst í vöxt.

Birtist í DV 28.11.2002
Fyrst var deilt um það hvort gera ætti ríkisbankana að hlutafélögum. Það var gert og nú hefur verkið nánast verið fullkomnað með því að selja Landsbanka og Búnaðarbanka að undanskildum litlum hluta sem enn er í þjóðareign.

- Það var verið að breyta NATO, taka inn fleiri ríki, og breyta um áherslur. Einn fyrir alla og allir fyrir einn eru þeir að tala um.

Íslensk stjórnvöld óska eftir því við forráðamenn Flugleiða og Atlanta að flugfélögin gangist undir þá kvöð að ráðstafa farþegaflugvélum til flutninga á herliði á vegum NATÓ komi til átaka sem hernaðarbandalagið á hlutdeild í.

Heill og sæll Ögmundur.
Nú berast fréttir af yfirvofandi stórauknum framlögum úr sameiginlegum sjóðum okkar Íslendinga til NATÓ. Virðist þar muna mestu um þann höfðingsskap háttvirtrar ríkisstjórnar að punga út 300 milljónum króna til loftflutninga við sérhvern þann hernað sem NATÓ vill leggjast í. Það vantar greinilega ekki peninga í ríkiskassann þegar göfug málefni eru annars vegar. Ég treysti því að þú og þínir flokksmenn beitið ykkur af alefli í þessu máli. Þjóðin á heimtingu á því að ráðamenn verði látnir svara undanbragðalaust fyrir gerðir sínar. Þá væri einnig fróðlegt að heyra eitthvað um afstöðu annarra stjórnandstöðuflokka en Vinstri grænna til vaxandi umsvifa Íslands í stríðsrekstri á hendur þeim ríkjum heims sem ekki eru þóknanleg Bandaríkjastjórn hverju sinni. Loks langar mig að spyrja: Fram kom í fréttum að ríkisstjórnin hafi samþykkt hin auknu hernaðarumsvif sín fyrir tveimur vikum. Er það virkilega svo að þessi ógeðfellda samþykkt stjórnarherranna hafi ekki komið til kasta Alþingis? Mér finnst það vægast sagt ósmekklegt ef það er hlutskipti þjóðkjörinna fulltrúa að fá sínar fyrstu fréttir af svona málum í fjölmiðlum.
Helga Þorsteinsdóttir

Komdu sæll Ögmundur.
Ég hlustaði með athygli á viðtalið við þig í morgunútvarpinu í gær um persónuvernd. Sjálf er ég í BSRB og er mjög ánægð með að samtökin skuli taka þetta málefni upp og hvet til þess að að haldið verði áfram á þessari braut. Reyndar hef ég minnstar áhyggjur af því að kíkt sé í tölvuna mína. Mér finnst öllu verra þegar vinnustaðurinn er farinn að færa sig upp á skaftið með tilkomu svokallaðra trúnaðarlækna. Í útvarpsviðtalinu sagðir þú að Finnar væru að setja reglur um hvernig farið skuli með heilsufarsupplýsingar á vinnustað. Er ekki þörf á að setja slíkar reglur hér á landi?
Ein sem vinnur á bókasafni

Út er komið tímarit stjórnmálafræðinema við Háskóla Íslands og nefnist ritið Íslenska leiðin. Undirritaður var beðinn að svara nokkrum spurningum í greinarstúf sem hér birtist:
Það viðfangsefni sem ég hef verið beðinn um að velta vöngum yfir í þessu greinarkorni lýtur að þeirri togstreitu og ójöfnuði sem ríkir á milli norðurs og suðurs og hvernig hægt sé að bæta stöðu þeirra landa sem teljast til „suðurs“.

Það er engin ein rétt leið til að raða frambjóðendum á lista fyrir kosningar. Ég er ekki í vafa um að heppilegast er– ef um það getur skapast friður – að raða frambjóðendum upp á lista sem síðan er borinn undir atkvæða félagsfundar eða annarrar samkomu eftir atvikum.

Sæll Ögmundur. Þú ert einn af þeim fáu stjórnmálamönnum sem ég hef haft trú á. Því langar mig til þess að spyrja þig hvort þér finnist ekki óþægilegt að þinn flokkur skuli vera aðili að R.lista samstarfinu núna þegar R.borg virðist ekki ætla að standa við hluta úr kjarasaming er gerður var við St.Rv í byrjun árs 2001 og gilda átti til 30.nóv 2005.
Sigurbjörn Halldórsson

Hálf milljón manns mótmælti yfirvofandi herför Bandaríkjaforseta gegn Írökum í Flórens á Ítalíu fyrir fáeinum dögum. Þetta eru jafn gleðileg tíðindi og fjöldamótmælin í hverri stórborginni á fætur annarri.

Góð fréttamynd sýnir ekki bara þá mynd af raunveruleikanum sem hið pólitíska vald heldur að okkur til einföldunar og þæginda, fréttamyndin afruglar þá tálsýn og færir okkur raunveruleikann sjálfan.

Birtist í DV 12.11.2202
Ástæða er til að vekja athygli á kjörum atvinnulausra. Færa má rök fyrir því að enginn hópur búi við eins slæm kjör og einmitt þeir. Atvinnulaus maður fær 73.765 krónur á mánuði.

Komdu sæll Ögmundur.
Ég vil þakka þér fyrir að krefjast þess á Alþingi í gær að lögin um gagnagrunn á heilbrigðissviði verði endurskoðuð. Reyndar finnst mér það ekki vera nýjar fréttir að gagnagrunnurinn stríði gegn siðareglum lækna. Ég man ekki betur en þessu væri haldið fram þegar lögin voru samþykkt á sínum tíma. En eru nokkrar líkur á því að Alþingi breyti einhverju jafnvel þótt sest verði yfir málið að nýju, ekki lofa viðbrögð Valgerðar Sverrisdóttur ráðherra frá í gær góðu? Hún virtist strax búin að ákveða niðurstöðuna, að þetta væri bara upphlaup og ekkert annað.
Finnur

Gild rök voru á sínum tíma færð fyrir því að tveggja þrepa virðisaukaskattur leiddi til undanskota og væri á margan hátt erfiður í framkvæmd.

Birtist í Mbl. 9.11.2002
Sjómannafélag Reykjavíkur hefur sýnt aðdáunarverða staðfestu í baráttu fyrir kjörum sjómanna. Það hefur vissulega oft verið á brattann að sækja. Íslensk skipafélög hafa þannig reynt að grafa undan kjarasamningum íslenskra sjómanna með því að ráða erlendar áhafnir á kjörum sem liggja langt undir því sem samið er um í íslenskum kjarsamningum.

Birtist í DV 11.11.2002
Ljóst er að ekki einvörðungu íslenskir fjármálamenn eru að koma ár sinni fyrir borð í íslensku fjármálalífi. Þannig segir frá því í fjölmiðlum að Frakkar séu að eignast hlut í Búnaðarbanka, Þjóðverjar í Landsbanka og einnig hefur verið talað um rússneskt fé.

Bara að minna þig á ef þú bendir á gleymsku annara vegna málverka Landsbankans þá benda 4 fingur á þig sjálfan. Það er léleg framkoma að kenna öðrum um sem þú hefðir getað bent á áður en salan fór fram, en því miður þitt líf virðist snúast um nöldur en ekki stjórnmál. Með kveðju og von um jákvæða umræður og ábendingar áður en verk eru framkvæmd.
Finnbogi B. Ólafsson

Það er þekkt minni í glæpamyndum listaverkaþjófurinn sem stendur í hálfrökkvuðum sýningarsalnum með flugbeittan skurðarhníf og sker léreftið úr ramma.

Komdu sæll Ögmundur.
Var ekki nokkuð til í því hjá Valgerði Sverrisdóttur viðskiptaráðherra þegar hún benti á það á Alþingi að engum væri greiði gerður að taka málverkin út úr bönkunum. Mér finnst ágætt að hafa þau þar til sýnis.
Hafsteinn

Flogið hefur fyrir að til greina komi að stofna leyniþjónustu á Íslandi. Ráðherrar og dómsmálayfirvöld hafa viðrað slíkar hugmyndir og forsvarsmenn lögreglu hafa tekið þeim vel. Allt er þetta þó í miklum véfréttarstíl og nauðsynlegt er að yfirvöld skýri hvað fyrir þeim vaki svo þessar hugmyndir fái verðuga umræðu. Nokkur atriði ber að hafa í huga.

Þeir gleymdu málverkum fyrir hátt í milljarð, fulltrúar ríkisstjórnarflokkanna í svokallaðri einkavæðingarnefnd.

Jóhann Óli Guðmundsson er eigandi Frumafls sem aftur er einn aðaleigandi Öldungs hf sem hefur gert samning til langs tíma við ríkið um rekstur dvalarheimils fyrir aldraða við Sóltún í Reykjavík. Í Fréttablaðinu á mánudag kemur fram að Jóhann Óli telur sig kominn í mikla gullnámu með samninginn við ríkið upp á vasann og segir blaðið augljóst að hér eftir muni hann “veðja á aldraða”.

Sæll og blessaður. Á ekkert að mótmæla kröftuglega í sambandi við Írak? Ég er ekki sáttur við að Ísland styðji þessa stríðsóðu þjóð sem kallar sig þjóð friðar, USA, sem einnig styður fjöldamorð í Palestínu? Hvað er að okkar ráðamönnum?
Tóti

Sæll Ögmundur! Kemur annað til greina en að styðja ríkisstjórn Framsóknar og Samfylkingar, jafnvel verja þá falli ef þessir tveir flokkar ná ekki meirihluta? Hvernig má það vera að sá flokkur sem er lengst vinstri í stjórnmálum á Íslandi, haldi þeim möguleika opnum að starfa með þeim flokki sem er lengst til hægri í stjórnmálum.
Kveðja Haraldur

Umræða um kvenfrelsismál er mjög brýn og þarf að fá mikið vægi. Í aðdraganda kosninga veltir fólk því eðlilega fyrir sér hvaða leiðir séu færar til að tryggja jafnræði með kynjunum í tengslum við komandi kosningar og að þeim afloknum. Reyndar eru teikn á lofti um að ekki sé mjög bjart framundan hvað þetta varðar.

Flugslysið í Skerjafirði er enn í fjölmiðlum og ekki að ófyrirsynju. Aðstandendur hafa í raun staðið einir gegn kerfinu þegar hefur komið að því að gagnrýna verk þess, þó þeir hafi greinilega notið mikils stuðnings almennings.

Samhljómur var í yfirlýsingum Össurar Skarphéðinssonar formanns Samfylkingarinnar og Karls Th. Birgisssonar framkvæmdastjóra sama flokks í fjölmiðlum um helgina. Báðir virtust tala fyrir myndun stjórnar hægra megin við miðju, Samfylkingar og Framsóknar.

Íslenskir hugvísindamenn og fræðimenn sýndu það um helgina svo ekki verður um villst að þeir hafa burði til að gera Ísland að alþjóðlegri hugmyndasmiðju. Ég er ekki í nokkrum vafa um að ef rétt er að málum staðið getur íslenska háskólasamfélagið orðið eftirsóknarverður vettvangur fyrir fræðimenn og stjórnmálamenn víðs vegar að úr heiminum. Allir sem þekkja til ráðstefnuhalds vita að Ísland hefur mikið aðdráttarafl. Og þegar íslensk náttúra og íslenskt hugvit leggja saman er kominn kokteill sem margir munu vilja bergja á.

Veri Alcoa velkomið til Íslands, segir í leiðara DV um helgina. Þar segir og að fengur sé af fyrirtæki sem leggur “aðaláherslu á gæði, öryggi, heilsu starfsmanna og umhverfismál.”  Þær eru nú kveðnar af kappi öfugmælavísurnar eða hafa menn virkilega ekki fylgst með frásögnum af átökum umhverfisverndarsamtaka og verkalýðs- og mannréttindasamtaka við Alcoa, sérstaklega í fátækum ríkjum þar sem fyrirtækið hefur haslað sér völl? Varla myndu menn skrifa svona ef þeir hefðu kynnt sér málin, eða hvað?

Allar götur frá því Ariel Sharon núverandi forsætisráðherra Ísraels fór fylktu liði upp á Musterishæðina að Al Aqsa-moskunni, helgasta stað íslams í Jerúsalem, í september árið 2000, augljóslega til þess að ögra og æsa til andófs, mátti heimsbyggðinni ljóst vera hvað vekti fyrir ísraelskum stjórnvöldum.

Það er gott að vera bjartsýnn og það er gott til þess að vita að Íslendingar líti björtum augum til afkomu sinnar á næstu árum. Skoðanakönnun DV færir manni nú heim sanninn um að þeim hafi fjölgað sem trú hafa á framtíðina en hinum fækkað sem óttast að nú muni halla undan fæti.

Alþingismanni er boðið að tala á Sjómannadaginn á Akureyri. Þingmaðurinn er Árni Steinar Jóhannsson talsmaður Vinstrihreyfingarinnar - græns framboðs á Alþingi í sjávarútvegsmálum. Í vetur leið kynnti hann stefnu flokksins þar sem meðal annars er lagt til að núverandi kvótakerfi verði fyrnt á næstu tuttugu árum.

Í skjóli kvótakerfis í sjávarútvegi hefur safnast mikill auður á hendur fárra aðila. Þessum auði fylgir vald. Og valdinu fylgir ábyrgð. Á sjómannadaginn reis útgerðarauðvaldið á Akureyri ekki undir þessari ábyrgð.

LOKIÐ er í Reykjavík utanríkisráðherrafundi NATÓ. Íslenskir ráðamenn hafa fengið klapp á kollinn fyrir að standa sig vel enda allar fjárhirslur ríkisins opnaðar og Reykvíkingar hafa fengið afhjúpað listaverk á flötinni við Hagatorg til dýrðar hernaðarbandalaginu.

Hver eru brýnustu úrlausnarefni í Reykjavík á komandi kjörtímabili? Að mínum dómi stendur tvennt upp úr. Annars vegar málefni aldraðra og hins vegar húsnæðismál. Í báðum þessum málaflokkum er þörf á stórátaki.

Hver eru brýnustu úrlausnarefni í Reykjavík á komandi kjörtímabili? Að mínum dómi stendur tvennt upp úr. Annars vegar málefni aldraðra og hins vegar húsnæðismál. Í báðum þessum málaflokkum er þörf á stórátaki.

Birtist í Mbl
Í Morgunblaðinu 14. maí ritar Guðmundur Hallvarðsson alþingismaður og stjórnarformaður DAS grein sem ber heitið: „R-listinn,Vinstri grænir í samstarfi við fjárfesta Frumafls.“

Morgunblaðinu 14. maí ritar Guðmundur Hallvarðsson alþingismaður og stjórnarformaður DAS grein sem ber heitið: „R-listinn,Vinstri grænir í samstarfi við fjárfesta Frumafls.“

Birtist í Mbl
Inn um bréfalúguna kemur tilboð um hvort ég vilji „…aðstoða einhvern sem mér þykir vænt um við að stíga fyrsta skrefið að mikilvægri tryggingavernd.“

Síðastliðið haust birti undirritaður blaðagrein undir þessari sömu fyrirsögn en beltið og axlaböndin vísa annars vegar í verðtryggingu fjármagns og hins vegar í breytilega vexti.

Í kjarasamningum undangenginna áratuga hafa samtök launafólks lagt mikla áherslu á að tryggja réttindi fólks í veikindum.

Venjulega eru tvö dómstig í dómsmálum hér á landi, héraðsdómur og Hæstiréttur. Frá þessu eru þó undantekningar.

Undanfarna daga hefur talsvert verið til umræðu, m.a. á síðum þessa blaðs, sú ákvörðun forseta Alþingis að beita undirritaðan svokölluðu þingvíti samkvæmt þingskaparlögum.

Vinstrihreyfingin - grænt framboð hefur borið fram þingsályktunartillögu á Alþingi um að fram fari þjóðaratkvæðagreiðsla um Kárahnjúkavirkjun og framtíðarnýtingu hálendisins.

Vinstrihreyfingin - grænt framboð hefur borið fram þingsályktunartillögu á Alþingi um að fram fari þjóðaratkvæðagreiðsla um Kárahnjúkavirkjun og framtíðarnýtingu hálendisins.

Undirritaður hefur nokkuð gagnrýnt ríkisvaldið fyrir þann samning sem á sínum tíma var gerður við Öldung hf. - samheiti fyrir fyrirtækin Aðalverktaka og Securitas - um að reisa og reka dvalarheimili fyrir aldraða í Sóltúni 2 í Reykjavík.